"Қўқон-1912" жамоаси Супрелига 3-турида "Металлург" билан учрашув превьюсини тақдим қилди.
17-тўқнашув
Ўзбекистон чемпионатида ўз ўрнига эга бўлган бекободликлар билан шу кунга қадар 16 марта майдонга тушганмиз. Мазкур учрашувларнинг саккизтасида вакилларимизнинг қўли баланд келган. Олтита баҳсда “Металлург” ғалаба қозонган. Иккита ўйинда дуранг натижа қайд этилган.
Тўплар нисбати – 27-24 жамоамиз фойдасига. Ўзаро ўйинларда “Қўқон-1912” 26 очкони қўлга киритган. Бекободликлар ҳисобида 20 очко мавжуд .
Йирик ғалабалар
Вакилларимиз ушбу жамоани уч марта йирик ҳисобда доғда қолдиришган – 1999 йилда 5:1, 2003 йилда 4:0, 2017 йилда 3:0. Ўз навбатида “Металлург” ҳам икки марта жамоамизни йирик ҳисобда мағлуб этган – 2000 йилда 6:1, 2017 йилда 3:0.
Ўзаро ўйинларда қайд этилган дуранглар эса ушбу жамоаларнинг биринчи ва иккинчи учрашувларида яъни, 1998 йилдаги баҳсларда қайд этилган. 19 йилдан бери бу клублар тўқнашувида дуранг натижа кузатилаётгани йўқ.
Бекободдаги ўйинлар ҳақида
Жамоаларнинг Бекободда ўтказилган саккизта ўйинида олти марта мезбонлар зафар қучишган. Жамоамизнинг Бекободдаги баҳсларида битта ғалаба ва битта дуранг натижа қайд этилган. “Қўқон-1912” клуби 2002 йилда Бекободдан уч очко билан қайтган.
Бекободда ўтган учрашувлар:
22.09.2017 Металлург – Қўқон 1912 3:0
30.04.2016 Металлург – Қўқон 1912 3:1
06.06.2015 Металлург – Қўқон 1912 2:1
14.05.2003 Металлург – Қўқон 1912 3:1
23.03.2002 Металлург – Қўқон 1912 0:2
20.09.2000 Металлург – Темирйўлчи 6:1
18.04.1999 Металлург – Темирйўлчи 2:0
29.05.1998 Металлург – Темирйўлчи 1:1
Рақибимиз ҳақида
“Металлург” жамоаси тарихи 1945 йилга бориб тақалади. Иккинчи жаҳон уруши поёнига етгандан сўнг, Ўзбекистоннинг металлурглар шаҳрида Н.Ф.Руцкий, А.Кучкин, В.Ли, В.Пак сингари фидойи инсонлар ташаббуси билан футбол жамоаси ташкил этилган.
1945 йилдан 1969 йилга қадар жамоанинг номи “Бекобод” деб юритилган бўлса, 1969 йилдан 1992 йилгача “Цементчи” номи остида мусобақаларда иштирок этган. 1992-1998 йилларда бекободликлар жамоаси “Маъданчи” деб номланган. 1998 йилдан эътиборан Бекобод жамоаси “Металлург” номини олган.
Жамоа турли мусобақаларда, жумладан, собиқ Иттифоқ чемпионати иккинчи лигасида, Тошкент вилояти биринчилиги ва Кубоги, КФК республика жамоалари Биринчилиги ва Кубогида, касаба уюшма қўмиталари жамоалари ўртасидаги Республика биринчилигида, “Миллионлар Кубоги”да ва бошқа мусобақаларда қатнашган.
1991 йилдан эътиборан “Металлург” футбол жамоаси Ўзбекистон биринчилиги ва Кубокларида мунтазам иштирок этиб келмоқда.
“Металлург” жамоаси 1997 йилда Ўзбекистон биринчилигида 2-ўринни эгаллаб, 1998 йилги мавсумдан эътиборан Ўзбекистон чемпионатида (Олий лига) қатнашиш ҳуқуқига сазовор бўлди.
Жамоанинг энг яхши натижаси 5-ўрин. 2002 йилда “Металлург” Ўзбекистон чемпионатида бешинчи ўринга сазовор бўлган.
Собиқ футболчилар
Ўтган мавсумни “Қўқон-1912” жамоасида ўтказган Никита Рибкин эндиликда бекободликлар сафида ҳакарат қилмоқда. Никита собиқ жамоасига қарши ўйинда майдонга тушиши мумкин.
Мураббийлар
Яна бир қизиқ маълумот. Ушбу жамоаларни бошқараётган ҳар икки бош мураббий – Андрей Шипилов ва Нўъмон Ҳасановлар “Пахтакор” жамоасида бирга ишлашган. Ушбу баҳс уларнинг бош мураббийликдаги биринчи тўқнашуви бўлади.
Ҳакамлар
“Металлург”(Бекобод) – “Қўқон-1912” (Қўқон) ўртасидаги учрашувни Вадим Агишев бошчилигидаги ҳакамлар гуруҳи бошқариб борадиган бўлишди.
“Металлург” – “Қўқон-1912”
Ҳакамлар: В. Агишев (Тошкент), Т. Галеев (Тошкент), А. Сидоров (Тошкент), Б. Юлчараев (Гулистон).
Назоратчи – И. Нехочин (Наманган).
Комиссар – Р. Черников
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
