«Вердер» клуби ҳамда Германия терма жамоасининг собиқ дарвозабони «СЭ» мухбири билан бўлган суҳбатда нима учун рестлинг билан шуғулланишга қарор қилганлигини баён этди.
«Афсоналар кубоги» - Тимни яшил майдонда кўриш учун ўта ноёб имконият. Бу гал футболчи «Диллинген» ҳаваскорлар клуби аъзоси сифатида турнирга ташриф буюрди. Германия чемпионатида у сўнгги марта бундан 5 йил аввал майдонга тушган, «Хоффенхайм»ни 2014 йили тарк этганди. Рестлингда эса дастлабки жангини ўтка-зишга улгурди.
«300 кг.ни бемалол кўтараман»
Болалигимда рестлингни ТВ орқали томоша қилардим. У менга жуда ёқарди. Биринчи ўринда футбол турарди, албатта. Лекин рестлингда ўзимни синаб кўриш имконияти пайдо бўлганида, уни қўлдан бой беришни истамадим.
- Оқшомни тунги клубда ўтказганингиз учун «Хоффенхайм» шартномани муддатидан аввал бекор қилгани ростми?
- Жамоадан четлатилишимга бунинг алоқаси йўқ. Тунги клуб ҳақидаги миш-мишлар - бўҳтон. Негадир кўпчилик - ОАВ, мухлислар менга нисбатан салбий муносабатда бўлишган:
«Визе ундай қилди, Визе бундай қилди...». Ваҳоланки, буларнинг барчаси уйдирма. «Хоффенхайм» мен билан муаммоларга дуч келамиз, деб ўйлади.
- Майдонга тушмаган пайтларингизда рестлинг билан якка тартибда шуғуллана бошлагансиз, шундайми?
- Аввалига ёлғиз ўзим машқ қилдим. Кейинчалик 8 кишилик гуруҳда шуғуллана бошладим. Кун сайин мускуллар устида кўпроқ ишлайдиган бўлдим. Ғишда «Хоффенхайм» билан алоқани узгач, ўзимни рестлингда синаб кўришга қарор қилдим.
- Бир ярим йил ичида вазнингиз 30 кг.га ошди. Бунга қай тарзда эришдингиз?
- Ўйлашимча, бошқа рестлерлар сусткашликка берилишади. Уларга нисбатан ўта тезкорман. Жиддий гапирадиган бўлсам, ўзим учун зарур бўлган нарсага айни керакли паллада эришдим.
Тайёргарлик жараёнининг энг тиғиз босқичи АҒШда ўтди ва бир неча ҳафта чўзилди. Шу туфайли дастлабки беллашувимни ғалаба билан якунладим. Ҳафтада беш марта тошлар билан шуғулланишимга тўғри келганди.
- Рестлингда сиз учун энг қийин машғулот нима?
- Бу спорт турининг машғулотлари футболчиларникидан анча оғир, камида олти соат вақтни залда ўтказамиз, анчагина тер тўкишга тўғри келади.
- Ҳозирда қандай оғирликни кўтара оласиз?
- 300 кг.
«Динамо»да пул ишлашим мумкин эди»
Бременликлар 2004 йили шоҳсупага кўтарилганларидан кейин Визени сафларига қўшиб олишганди. Бироқ дарвозабон Томас Шааф даврида чинакам шуҳратга эришди. У қаторасига уч мавсум «Вердер» дарвозасини ишончли қўриқлаб, 2009 йилда «Бундесманншафт»дан таклиф олди.
2012 йили Тим терма жамоа билан қитъа мусобақасига йўл олди. Лекин «мусиқачилар» янги шартнома таклиф этишмади. Оқибатда у «Хоффенхайм» сафига қўшилди. Атиги 10 марта майдонга тушиб, кейин ўринбосарлар таркибидан жой олди. Шундан кейин касбини ўзгартириб, рестлингга ўтиб кетди.
- «Хоффенхайм»дан «Вердер»га қайтиш варианти ҳам бўлганмиди?
- Йўқ. Лекин 2013 йили Москванинг «Динамо»сидан таклиф олганман.
- Сизни Кевин Кураньи чақирганми?
- Йўқ, у билан унчалик яқин эмасдик. Шунчаки, агентимиз умумий эди. Лекин «Динамо» варианти ундан чиққан. Каттагина пул ишлашим мумкин эди. Бироқ таклифни рад этдим. WWE билан манфаатли келишувга эришганман.
- Терма жамоа билан ЖАР мундиалига йўл олгандингиз. Бразилияга бормаганингиздан афсусланмайсизми?
- Ғароримни ЖЧ-2014дан анча аввал қабул қилгандим. Ғолаверса, 2012-2013 йилларда мени чақиришмади.
«Рестлинг - монстрлар спорти»
Эндиликда Визенинг жамоадошлари Клозе, Боровски ёки Диегу эмас, балки Сезаро ва Шеймусдир. 2016 йилнинг 4 ноябрида Тим улар билан ҳамкорликда Бо Даллас, Примо ва Элико билан куч синашиб, ғалабага эришди. Айтишларича, Визе 300 минг доллар мукофотга эга бўлган.
- Шоу ажойиб бўлди. Муҳими - мен ғалаба қозондим.
- Саҳналаштирилган жанглардан қандай лаззат олиш мумкин?
- Томошабинлар учун бу шунчаки, шоу бўлиши мумкин. Лекин рестлинг - ўта оғир, жиддий спорт тури. У монстрлар иши. Баъзан чинакамига залворли зарбаларга дуч келиб қолиш ҳеч гап эмас.
Унга тайёр бўлмаган спортчи мушкул вазиятга тушиб қолади. Спорт билан жанг санъатини уйғунлаштириш осон эмас. Буни фақат шуғулланиб кўрган киши ҳис эта олади. Рестлингни ана шу жиҳати учун яхши кўраман.
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
