Испания Ла-лигасининг 30-тури доирасида "Лас-Пальмас" ўз майдонида "Реал"ни қабул қилди. Зидан шогирдлари ортиқча муаммосиз ўз фойдаларига ҳал қилди.
Биринчи бўлим ўрталарида Гарет Бэйл ўзининг юқори тезлиги эвазига рақиб дарвозабон билан юзма-юз вазиятга чиқиб борди ва ундан самарали фойдаланди. Биринчи бўлим тугашига 6 дақиқа қолганида мезбонлар ҳимоячиси ўз жарима майдончаси ичида Лукас Васкесга нисбатан қўполлик ишлатди. Белгиланган пенальтидан Карим Бензема самарали фойдаланиб, ҳисобни 0:2га етказди.
Иккинчи бўлимда "Лас-Пальмас" дарвозаси томон яна бир марта пенальти белгиланди. Жабрланувчининг ўзи — Бэйл 11 метрли жарима зарбасини голга айлантирди ҳамда учрашувдаги дублини нишонлади.
Ушбу ғалабадан кейин "Реал" ўз очколарини 63тага етказиб олди. Жамоа 2-ўринда бораётган "Атлетико"дан 1 очко ортда қолмоқда. Бироқ "матрасчилар" ҳисобида битта захира ўйини мавжуд.
Испания Ла лигаси, 30-тури
Лас-Пальмас – Реал Мадрид 0:3
Голлар: 0:1 – 26 Бэйл, 0:2 – 39, пенальти Бензема, 0:3 – 51, пенальти Бэйл.
Лас-Пальмас – Чичисола, Химо Наварро, Агиррегарай, Маседо (Самперио, 46), Гальвес, Кастельяно, Гомес (Экспосито, 46), Аквилани, Халилович, Момо (Эзекиэл, 85), Кальери.
Реал Мадрид – Навас, Вальехо, Тео, Начо (Хакими, 29), Варан, Модрич (Ковачич, 61), Каземиро (Льоренте, 62), Асенсио, Васкес, Бэйл, Бензема.
Огоҳлантиришлар: Момо (36), Гальвес (45), Химо Наварро (51).
Матнда хатолик топсангиз, ўша хатони белгилаб, бизга жўнатинг (Ctrl + Enter).