"Барселона" - "Рома" тўқнашувида барча масала биринчи ўйинда ҳал бўлгандек эди, аммо "бўрилар" бунга рози эмасликларини намойиш этишди.
Римликлар баҳснинг 6-дақиқасидаёқ ҳисобни очишга муваффақ бўлишди. Олдинга чизиққа етказилган узатмани Жеко эгаллаб олди ва яккама-якка вазиятда дарвозани забт этди.
Мазкур гол каталонияликларни "уйғотмади". Италияликлар ҳужумда қилишда, рақиб дарвозаси олдида хавфли вазиятларни яратишда давом этишди. Иккинчи бўлимнинг 57-дақиқасида Пике ўз жарима майдончаси ичида Жекони қўлидан тортиб йиқитди. Ҳакам эса пенальти белгилади. Ўтган ўйинда автогол муаллифига айланган Даниеле де Росси 11 метрли жарима зарбасидан самарали фойдаланди. 2:0. Яна битта гол қолганди.
Табиийки, мақсадга жуда яқин қолгани "Рома"даги иштиёқни кескин ошириб юборган бўлса, Вальверде шогирдлари ҳамон ҳисобдан келиб чиқиб ўйнашда давом этишди. Бунинг учун "римлик рицарлар" мукофотланишди. Баҳснинг 82-дақиқасида бурчакдан етказилган узатмани Костас Манолас бош билан тер Штеген қўриқлаётган дарвозага жойлаб қўйди — 3:0! "Камп Ноу"даги ўйинда яна бир автогол муаллифи.
Мана шундан кейингина "Барса" уйғонди, сўнгги дақиқаларда нималардир қилишга уринди. "Рома" ҳимояда мустаҳкам ўйнади. Қўшиб берилган дақиқаларда Дембеле олис масофадан бўш қолган дарвозани ишғол эта олмади.
Шу тариқа, деярли ҳеч ким, ҳаттоки, "Рома" мухлислари ҳам кутмаган мўъжиза рўй берди. "Барселона" дастлабки ўйинда 4:1 ҳисобида ғалаба қозониб, ЕЧЛни тарк этмоқда. "Бўрилар" эса ярим финалда!
Европа чемпионлар лигаси, чорак финал, дастлабки ўйин
Рома Италия – Барселона Испания 3:0 (1:0, 2:0)
Голлар: 1:0 – 6 Джеко, 2:0 – 58, пенальти де Росси, 3:0 – 82 Манолас.
Рома – Алиссон, Фасио, Жезус, Коларов, Манолас, Наингголан (Эль-Шаарави, 77), Флоренци, Стротман, де Росси, Джеко, Шик (Ундер, 73).
Барселона – тер Стеген, Пике, Альба, Нелсон Семеду (Дембеле, 85), Умтити, Серджи Роберто, Ракитич, Бускетс (Пако Алькасер, 85), Иньеста (Андре Гомеш, 81), Месси, Суарес.
Огоҳлантиришлар: Фасио (38), Жезус (44), Пике (57), Месси (63), Суарес (72).
Дастлабки ўйин: 1:4.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
