Плей-офф босқичининг энг кучсиз жуфтлиги Швеция ва Швейцария иштирокида. Икки терма жамоа ҳам ҳеч қачон халқаро турнирларда фаворитлар саналишмаган ва улардан бу сафар ҳам ҳеч ким юқори натижалар кутмаяпти. Лекин улардан бири чорак финалда ўйнаши аниқ, бу қайси жамоа бўлиши мумкинлигини қуйида таҳлил қиламиз.
Дунёни забт этиш
Златан Ибраҳимович жаҳон чемпионатига келмаган. Аммо шунда ҳам диққат марказида бўлиб турибди. «Жаҳон чемпионатидан аввал терма жамоамиз узоққа боришини айтгандим. Мен швед бўлганимдан фахрланаман. Мен дунёни забт этдим, энди Швеция дунёни забт этсин. Швецияга қарши ўйнаш ҳамма учун ҳам қийин бўлади. Ўйлайманки, буни ҳамма билади», дея ёзган у инстаграмида.
Златан билан баҳслашиш бефойда. Чунки, саралаш турнирида шведлар Нидерландияни ортда қолдиришган, ўтиш ўйинларида Италияни нокаут қилинган, гуруҳ босқичида эса Германия ташлаб кетилган. Айни вақтда викинглар Швейцария ФИФА рейтингида олтинчи ўринда турганига киноя билан қарашмоқда.
Ҳа, немислар Швецияни мағлуб этишганди, аммо бу ўйинда шведлар амалдаги жаҳон чемпионлари билан тенгма-тенг кураш олиб боришган ва фақат қўшимча дақиқаларнинг охиргисида гол ўтказиб, мағлуб бўлганди.
Юлдузларсиз жамоа
Мексикага қарши ўйин эса бир қадар ёрқинроқ кечди. Биринчи турда Германияни мағлуб этиб олқишларга сазовор бўлган Мексика Швециядан 3та гол ўтказди. Кўпчилик учун бу сюрприз бўлди, фақат бу кўпчилик Янн Андерсоннинг саралаш босқичидаги ўйинларини кўрмаганди. Бу жамоа нафақат голландларни ва итальянларни, балки жаҳон чемпиони бўлиш учун асосий даъвогар сифатида кўрилаётган Францияни ҳам енгганди. Шведлар ниҳоят фақат Ибраҳимовичдан умид қилиб, унга ўйнайдиган футболчилардан ҳақиқий жамоага айлана олди.
Ибраҳимович термадан кетгани туфайли жаҳон чемпионатига кела олмагач, жамоага Гранквист сардор бўлди. Бундеслиганинг энг яхши ассистентларидан бири Форсберг эса бу жамоанинг оддий механизми.
Йўқотишлар
Ҳимоячи Линделеф биринчи турни ўтказиб юборишга мажбур бўлди, майдон марказида муҳим ишларни бажарувчи Ларссон эса биринчи ўйинда майдонни замбилда тарк этди, у сафга қайтганди, аммо у кетма-кет икки ўйинда сариқ карточка олиши натижасида нимчорак финалда ўйнай олмайдиган бўлди. Кўп эҳтимол билан Санкт-Петербургдаги ўйинда МЛС чемпионати вакили Свенссон ўйнайди. Шунингдек, иккинчи турда жароҳатланган ҳужумчи Маркус Берг сафга қайтган, агар у ўйнай олмаса, Телин ёки Гвидетти уни алмаштириши мумкин.
Швейцарияда вазият мураккаброқ. Жамоанинг асосий ҳимоячилари Лихтштайнер ва Шер жароҳат олиб, сафдан чиққан. Ўнг қанотда Лихтштайнерни Ланг алмаштириши мумкин (шу кунларда «Базель»дан «Боруссия» Менхенгладбахга йўл олган бу футболчи турнирда 12 дақиқа ўтказган холос). Шунингдек, 21 ёшли Элведи ҳамда тажрибали Журу ҳам Шер ўрнига ҳимоя марказида ҳаракатланиши мумкин.
Швейцарияликларда таран ҳужумчи муаммоси мавжуд. Швейцария таркиби гуруҳ босқичида энг кам ўзгарган таркиб бўлди. Дарвозабон, 4 ҳимоячи ва 4 ярим ҳимоячи 3 ўйинда ҳам бир таркибда ўйнади. Марказий ҳужумда эса беқарорлик кузатилди. Сеферович биринчи ва иккинчи ўйинларда ўз имкониятидан фойдалана олмади, Гавранович Сербия билан ўйинда Шақирига ҳал қилувчи пас берганди, аммо у Коста-Рика билан ўйинда ишончли ҳаракат қила олмади. Бунинг натижасида Дрмичда ҳам имконият пайдо бўлди ва у охирги турда 20 дақиқани майдонда ўтказди. У бу вақт ичида бир гол уриб, бир марта дарвоза устунини пойлади.
Қанот ярим ҳимоячилари бўйича ҳам саволлар мавжуд. Оиласида янги меҳмон дунёга келган Эмболо коста-рикаликлар билан ўйиндаги голлардан бирига пас берганди. Аммо у «Шальке»да ҳужумчи сифатида ҳаракат қилади. Агар Цубернинг тоби қочмаганида у яна майдонга чиқиши мумкин эди, аммо собиқ «армиячи» сафга қайтди ва унинг универсализми Классонга қарши ҳаракатланишда қўл келиши мумкин.
ШВЕЦИЯ – ШВЕЙЦАРИЯ
3 июль. Санкт-Петербург. «Санкт-Петербург» стадиони. 19.00 (Матч ТВ).
Ҳакамлар: СКОМИНА. Вукан, Прапротник (барчаи – Словения).
Дисквалификация қилинган: Ларссон – Лихтштайнер, Шер.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
