Хабарингиз бор, Ўзбекистон Миллий олимпия қўмитаси ташаббуси билан спортнинг бокс, таэквондо WTF, спорт курашлари ва дзюдо каби турларидан вилоят терма жамоалари ўртасида “Олимпия келажаги” турнирига асос солинган. Иқтидорларни кашф этиш, терма жамоа учун янги номларни саралаб олиш мақсадида ташкил этилган ушбу мусобақа ҳудудларга бўлинган ҳолда ташкил этилди. Ҳудуд босқичида муваффақиятли иштирок этган терма жамоалар эса ҳал қилувчи финал баҳсларида қатнашиш ҳуқуқини қўлга киритишганди.
Қайд этиб ўтиш лозимки, селекция ишларини мустаҳкамлаш, оммавийликни кўтариш мақсадида таэквондо баҳсларида саралаш босқичида муваффақиятли қатнашган иккитадан терма жамоа финал босқичига таклиф қилинди. Демак, спортнинг ушбу тури бўйича совринли ўринлар учун 8та терма жамоа кураш олиб борди. Кеча бошланган беллашувлар якунига кўра, Тошкент шаҳри ва Сурхондарё вилояти жамоалари ҳал қилувчи финал босқичига етиб боришди.
Бугун эса пойтахтимизда таэквондо WTF ассоциациясига қарашли “Универсал” спорт мажмуасида финал бўлиб ўтди. Ҳал қилувчи баҳслар олдидан тантанали тадбир ташкил этилди. Тадбирда иштирок этган Ўзбекистон Миллий олимпия қўмитаси Бош котиби Жасур Матчанов сўзга чиқар экан, мусобақанинг қай даражада аҳамиятли эканлиги, ушбу турнир орқали янги номлар кашф этилаётганини маълум қилиб, иштирокчиларга омад тилади.
Республикамиз мадҳиясидан сўнг ёш таэквондочилар ўзларининг кўргазмали чиқишлари билан йиғилганларни хушнуд этишди. Ўзбек эстрадаси юлдузлари Алишер Файз, Шоҳруҳхон ва “Афрўз” гуруҳининг чиқишлари эса тадбирга кўтаринки кайфият бағишлади.
Шундан сўнг жангларга старт берилди. Тошкент шаҳри ва Сурхондарё вилояти таэквондочиларининг кескин ва шиддатли кечган жангларида 49:49 натижаси қайд этилди. Шундан сўнг олтин очкога мурожат қилинди. Унда эса сурхондарёлик спортчи дастлабки икки очкони қўлга киритди ва жамоасига ғолибликни тақдим этди.
Шу тариқа, таэквондо WTF бўйича беллашувларда Сурхондарё вилояти терма жамоаси спортчилари олтин медалларни қўлга киритишди. Тошкент шаҳри вакиллари эса кумуш медаль билан кифояланишди. Ярим финалгача етиб борган Фарғона ва Тошкент вилояти спортчиларига бронза медаллари насиб қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
