Отабек Ғуломхўжаев Ўзбекистон U-17 терма жамоасига номзод футболчилар ўйинларини кузатмоқда
Олдин хабар берилганидек, Отабек Ғуломхўжаев Ўзбекистон U-17 терма жамоасига масъул этиб тайинланди.
Эндиликда ушбу мутахассис Ўзбекистон U-17 терма жамоаси учун жавоб беради. Унинг бошқарувида жамоа йил охирига қадар ўтказиладиган халқаро турнирларда иштирок этади.
Айни пайтда Отабек Ғуломхўжаев Ўзбекистон U-17 терма жамоаси таркибини шакллантириш учун номзод футболчиларни кузатиш ишларини бошлаб юборди. Отабек Ғуломхўжаев 150 нафардан зиёд иқтидорли футболчилар рўйхатини ҳамда йил якунига қадар бўлган иш режасини ЎФАга тақдим этди.
Мураббий аллақачон номзод футболчилар ўйинларини кузатишни бошлаб юборди. Айни пайтда Ўзбекистон U-18 чемпионатида танаффус юзага келганидан фойдаланиб, Ўзбекистон U-17 терма жамоасига номзод футболчилар жамоалари ўртасида ўртоқлик ўйинлари ташкил этиб берилмоқда.
Хусусан, 25 июльда “Пахтакор” ва “Бунёдкор”нинг мазкур ёш тоифасидаги тарбияланувчилари ўртасида ўртоқлик ўйини ўтказилди. Ғуломхўжаев бошчилигидаги мураббийлар штаби терма жамоага номзод футболчилар ҳаракатларини кузатишди. Сўнгра терма жамоа мураббийлари Фарғона водийсига йўл олди ва 26 июль куни “Қўқон-1912” – “Нефтчи”, сўнгра 27 июлда “Навбаҳор” – “Андижон” жамоаларининг 18 ёшга қадар бўлган ёш футболчилари ўртасидаги ўртоқлик ўйинларида таркиби янги шакллантириладиган Ўзбекистон U-17 терма жамоасига номзод ўйинчиларнинг ҳаракатларини кузатишди. Бугун эса Тошкентда “Бунёдкор” ва “Локомотив” жамоаларининг мазкур ёш тоифасидаги жамоалари ўртасида ҳам ўйин ташкил этилади.
“ЎФА бизга янги терма жамоа таркибини шакллантириш учун барча шароитларни яратиб бермоқда. Айни пайтда U-18 чемпионатимизда танаффус юзага келган. Бундан унумли фойдаланиб жамоаларнинг 17 ёшгача бўлган футболчилари иштирокида ўртоқлик ўйинлари ташкил этиб берилмоқда. Мана Тошкентда ва Фарғона водийсидаги жамоаларнинг ёш футболчилари ўйинларини кузатиб, терма жамоага номзод ўйинчилар ҳаракатларини баҳолаб қайтиш имконига эга бўлдик. Энди август ойининг дастлабки ҳафтасида Бухоро, Қарши шаҳарларида ҳам мана шундай ўйинлар бўлиб ўтади. Гувоҳи бўляпмизки, ҳудудларимизда иқтидорли йигитлар жуда кўп. Фарғонада бир қатор катта потенциалга эга ўйинчиларни кузатдик. Ана энди Воҳада ҳам терма жамоада ўйнаши мумкин бўлган йигитлар ўйинларини кузатамиз. Якунда барча иқтидорлар ичидан энг муносибларини танлаб, терма жамоа асосини шакллантирамиз”, - деди Ғуломхўжаев.
Таъкидлаш жоизки, Ўзбекистон U-17 терма жамоаси келаси йил U-18 термаси сифатида ёшлар ўртасидаги Осиё Чемпионатининг саралаш турнирида иштирок этади. Олдинда шунингдек, 2020 йил U-19 Осиё Чемпионатининг финал босқичи, 2021 йилда эса ёшлар ўртасидаги U-20 Жаҳон Чемпионати каби нуфузли мусобақалар мавжуд. Мазкур турнирларга муносиб ҳозирлик кўриш мақсадида йил сўнггига қадар Отабек Ғуломхўжаев жамоаси камида 1 та халқаро турнирда иштирок этади. Қолаверса, мунтазам равишда номзод футболчилар иштирокидаги ўйинлар кузатиб, таҳлил этиб борилади.
Манба: www.ufa.uz
Киритилди: 16:38, 28.07.2018. Ўқилди: 2145 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
