Ўзбекистонлик 22 нафар ёш иқтидор Мадрид шаҳрига етиб борди ҳамда “Реал” футбол академиясида машғулотларга киришди.
ЎФА биринчи вице-президенти Умид Аҳмаджоновнинг йил бошида Испанияга қилган ташрифидан кейин “Реал” футбол академияси билан ҳамкорлик алоқаси йўлга қўйилганди. Бунинг мантиқий давоми сифатида шу йилнинг июнь ойида академиянинг уч мутахассиси Тошкентга келиб, икки ҳафта давомида ўзбекистонлик 300 нафар футболчи бўлиш орзусидаги болалар билан машғулот ўтказди.
Бунда Ўзбекистон футбол ассоциацияси ҳар бир вилоятга тенг квота ажратган бўлиб, 300 нафар иқтидор эгалари бир қатор спорт шартлар асосида саралаб олинган. “Реал” академияси билан танишиш истагида бўлган болакайлар орасида соғлом рақобат бўлиши ҳамда таниш-билишчиликнинг олди олиниши муҳим фактор ҳисобланарди.
Тошкентда бўлган уч мутахассис 300 нафар тарбияланувчи орасидан 22 нафарини ўзи танлаб олди ва бу ишга ЎФА мутахассислари аралаштирилмади. Сентябрь ойи сўнгида эса ЎФА ўз ҳисобидан мазкур иқтидор эгаларини Мадридга жўнатди.
2004—2008 йиллар оралиғида таваллуд топган футболчиларимиз аввалига Ўзбекистон футбол ассоциацияси томонидан экипировкалар қабул қилиб олганди. Мадрид шаҳрида улар “Реал” академиясига тегишли формалар билан сийланди. Эндиликда мазкур футболчилар “Реал” футбол клуби тарихи, ютуқлари билан яқиндан танишиш, унинг жаҳонга машҳур академияси фаолиятини ўрганиши, испаниялик бошқа мутахассислар қўл остида машғулот ўтказиши мумкин бўлади.
Ўзбекистон футбол ассоциацияси мамлакат футболидаги ёш иқтидорларни ҳар йили шунга ўхшаш лойиҳалар билан қамраб олишни режалаштирган. Улар нафақат футболга бўлган меҳр ва ватанпарварлик руҳида тарбия топиши, балки ўз орзулари йўлида парвоз қилиш имкониятига ҳам эга бўлишлари керак. Уларга кейинчалик катта футболга кириб бориш насиб этадими ёки йўқ — муҳим эмас. Муҳими, республикамиз болаларида бу каби лойиҳалар орқали чегараларнинг ювилиши, улар ўзларини жаҳоннинг машҳур клубларига жуда яқин ҳис қилиши ҳамда футбол уларнинг ҳаётида ёрқин хотираларга сабаб бўлишидир.
Мадриддаги машғулотлар ва тадбирлар юзасидан матбуот хизмати доимий хабардор қилиб боради. Келажакда ўзбекистонлик футболчиларнинг Европанинг кучли бешлик миллий чемпионатларида ҳам тўп суриш даражасига чиқиши учун бу дастлабки қадамчалар деб умид билдириб қоламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
