Қаршида мураббийларнинг билимларини янгилаш курсларига старт берилди
Ўзбекистон футбол ассоциацияси томонидан юртимизда футбол мураббийлиги соҳасини ривожлантириш, уларнинг касбига бўлган қизиқишини орттириш, малакасини мунтазам ошириб бориш мақсадида бир қатор чора-тадбирлар амалга оширилмоқда.
Жумладан, ЎФА томонидан Андижон ҳамда Наманган вилоятлари ҳамда Тошкент шаҳрида мураббийларнинг касбий малакасини ошириш, мураббийлик соҳасидаги янгиликлар билан мунтазам таништириб бориш мақсадида билимларни янгилаш ўқув курслари ташкил қилингани ҳақида хабар берган эдик.
Бундай курслар юртимиз вилоятлари бўйлаб навбатма-навбат ташкил этилмоқда. Билимларини янгилаш курсларининг кейингиси Қарши шаҳрида старт олди. Ўқув курслари ФИФА инструктори Усмон Тошев томонидан олиб борилмоқда. Унга инструктор ассистенти Элдор Мойлиев ёрдам бермоқда.
Янги тизимга кўра, билимларни янгилаш ўқув курслари 2 модулдан иборат бўлиб, 1-модул 5 кун давом этади. 5 кун давомида мураббийлар футболдаги янгиликлардан хабардор қилинади. Сўнгра мураббийлар бир ой давомида ўрганган билимларини иш жойларида амалда тадбиқ қилишади.
1 ойлик муддат ниҳоясига етгач, 2-модулга старт берилади ва у 4 кун давом этади. 4 кунлик муддат давомида мураббийлар амалий ҳамда назарий имтихонлар топшириб, уларга юклатилган вазифаларни презентация тарзида ҳимоя қилишади.
Манба: www.ufa.uz
Киритилди: 17:48, 04.10.2018. Ўқилди: 2040 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар