Ўзбекистон миллий терма жамоаси ўйинлари сабаб, миллий чемпионатда юзага келган танаффусдан фойдаланган ҳолда “Қўқон-1912” жамоаси футболчиларига қисқа муддатли таътил берилган эди.
Жамоа аъзолари бугундан Тошкент шаҳрида навбатдаги ўйинларга тайёргарликни бошлаб юборишди.
Ҳозиргина Тошкентдаги “Меҳнат” меҳмонхонасининг анжуманлар залида “Қўқон-1912” футбол клуби раҳбарияти, мураббийлар штаби ҳамда жамоанинг барча футболчилари иштирокида йиғилиш бўлиб ўтди. Йиғилишни клуб президенти Бахтиёржон Толипов кириш сўзи билан бошлаб бердилар.
“Жаомамизнинг сўнгги ўйинлардаги кўрсатган натижалари бизни ва мухлисларимизни мутлақо қониқтирмайди. Мавсумни яхши бошлаган эдик, мақсадимиз суперлиганинг кучли олтилигига кириш эди. Шунга яраша сиз футболчиларга шароитларни яратишга қўлимиздан келганча ҳаракат қилдик.
Кучли олтиликка кириш учун ўз майдонимизда ўтган айрим ўйинлардаги қониқарсиз натижалар сабаб бўлди. Айниқса охирги турлардаги ўз майдонимизда ўтказган “Насаф” ва “АГМК” жамоаларига қарши ўйинлардан мен умуман қониқмадим” – деди жумладан Бахтиёр Адилович.
Шунингдек бош мураббий Нўъмон Ҳасанов ҳамда футболчилар Носир Отақўзиев, Мурод Ҳолмуҳаммедовлар ҳам сўз олиб , сўнгги ўйинлардаги натижалар ҳақиқатан ҳам қониқарсиз бўлганлиги, энди қолган ўйинларда максимал натижа учун майдонга тушишлари лозимлигини таъкидлашди. Футболчиларимиз мухлисларга мавсум бошида кўрсатган чиройли ўйинларини намойиш қилиб , йил якунида жамоанинг турнир жадвалидаги ўрнини яхшилашга ваъда беришди.
Шундан сўнг клуб президенти Б Толипов жамоага катта тажрибага эга бўлган мутахассис, асли Қўқонлик бўлган, Виталий Николаевич Ни ёрдам бериши мумкинлигини, Ни Қаршининг “Насаф” жамоасида ишлаб катта тажриба ортирганини айтиб , у кишини “Қўқон-1912” футбол клуби техник директори этиб тайинлаганини эълон қилдилар.
Виталий Ни зиммасига жамоани қийин вазиятдан олиб чиқиб кетиш, келгуси мавсум учун селекция ишлари билан шуғулланиш, футбол академияси ташкил этиш ҳамда жамоанинг барча натижалари учун жавобгарлик вазифаси юклатилди.
Шундан сўнг Виталий Николаевич сўз олиб жумладан шундай деди.
-“Мени футболга кириб келишимда , футболдаги ҳаётимда Қўқон катта роль ўйнаган. Мен учун бу шаҳар бегона эмас ва жамоанинг натижаларини мунтазам равишда кузатиб келаман. “Қўқон-1912” жамоаси ҳозирги кунда турнир жадвалида ўзига мос бўлмаган ўринда турибди. Мен ўзимга берилаётган ишонч учун жамоа раҳбариятига миннатдорчилик билдираман.
Келажакда жамоанинг Ўзбекистонда ўз ўрнига эга бўлиши учун бор куч ва имкониятни, тўплаган тажрибам ва билимимни сарфлашга ҳаракат қиламан. Ўйламанки биз барчамиз бир ёқадан бош чиқариб ҳаракат қилсак албатта кўзланган мақсадга эришамиз” – деди Виталий Ни.
Биз ҳам жамоамиз аъзолари ва мухлисларимиз номидан Виталий Николаевичга бошлаган ишларида омадлар ёр бўлишини тилаб қоламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
