Мана, ФИФА кунларидан ўрин олган навбатдаги халқаро ўйинлар сабаб, миллий чемпионатларда яна танаффус юзага келди. Жумладан, Ўзбекистон Суперлигаси иштирокчилари ҳам 19-20 октябрь кунларига қадар «дам» олишади. Бу вақтда биринчиликка доир турли статистик кўрсаткичлар ҳақида бемалол гапириш мумкин. Хуллас, бугун Суперлига-2018да шу кунгача кузатилган йирик ҳисобли ғалабаларга тўхталамиз.
Ҳозирга қадар Суперлига тақвимидан ўрин олган 150та ўйиндан атиги 18тасида рақиблардан бири 3 ёки кўпроқ гол фарқи билан устун келди. Оддий айтганда, чемпионатимиздаги 12 фоиз учрашувда йирик ҳисобли ғалаба қайд этилди. Бу борада «Пахтакор»яққол олдинда - «шерлар» 5та «жимжимадор» ғалабага эгалар. Тўғри, уларнинг 3таси битта рақиб - «Металлург» билан ўйинларда қўлга киритилган. Умуман, энг йирик ҳисобли ғалаба ҳам айнан Шота Арвеладзе жамоасига тегишли. «Пахтакорчилар» 7-тур ўйинини сафарда «Металлург»га қарши ўтказиб, рақибни 5та жавобсиз гол билан «сийлашганди» ва бу ҳозирча энг катта фарқ қайд этилган учрашув бўлиб қолмоқда. Яна бир томони, «шерлар» йирик ҳисобда ғалаба қозонган ўйинларда ўз дарвозаларини дахслиз сақлашган. Хуллас, шу 5та ўйиннинг умумий натижаси - 17:0.
«Навбаҳор»нинг йирик ҳисоблар масаласидаги иши ҳам чакки эмас: «лочинлар» ўз майдонларида 3та рақиб дарвозасига 3тадан жавобсиз гол йўллашган. Яқинда Андрей Канчельскис қўл остига ўтган жамоа бу борада иккинчи яхши натижага эга. Бинобарин, қолган клублар кўпи билан 2тадан ўйинда ўта ишончли ҳисоб қайд этган. Аниқроғи, «Локомотив», «Бунёдкор» ва «Сўғдиёна»2тадан учрашувни муносиб ҳисобда тугатган. Яна 4та жамоа ҳисобида 1тадан йирик ғалаба бор, қолган 3таси учун ҳозирча бундай ҳисоб армон бўлиб қолмоқда. Шундайлардан бири - «Металлург»нинг нақ 4та ўйинни хунук тарзда бой берганини алоҳида таъкидлаш жоиз.
«Пахтакор» - 5та йирик ғалаба
4-тур: «Нефтчи» (ўз майдонида) - 3:0
7-тур: «Металлург» (сафарда) - 5:0
18-тур: «Металлург» (ўз майдонида) - 3:0
22-тур: «Насаф» (ўз майдонида) - 4:0
25-тур: «Металлург» (сафарда) - 3:0
Йирик мағлубият йўқ.
«Навбаҳор» - 3та йирик ғалаба
11-тур: «Қизилқум» (ўз майдонида) - 3:0
12-тур: «Металлург» (ўз майдонида) - 3:0
15-тур: «Қўқон-1912» (ўз майдонида) - 3:0
Йирик мағлубият йўқ.
«Локомотив» - 2та йирик ғалаба
1-тур: «Қизилқум» (сафарда) - 3:0
10-тур: «Нефтчи» (сафарда) - 4:1
Йирик мағлубият йўқ.
«Бунёдкор» - 2та йирик ғалаба
21-тур: «Насаф» (сафарда) - 4:1
23-тур: «Бухоро» (ўз майдонида) - 3:0
Йирик мағлубият йўқ.
«СўҒдиёна» - 2та йирик ғалаба
14-тур: «Бухоро» (ўз майдонида) - 3:0
25-тур: «Нефтчи» (ўз майдонида) - 3:0
1та йирик мағлубият.
«ҚўҚон-1912» - 1та йирик ғалаба
17-тур: АГМК (ўз майдонида) - 3:0
1та йирик мағлубият.
«Бухоро» - 1та йирик ғалаба
3-тур: «Сўғдиёна» (ўз майдонида) - 3:0
2та йирик мағлубият.
«ҚизилҚум» - 1та йирик ғалаба
9-тур: АГМК (ўз майдонида) - 3:0
3та йирик мағлубият.
АГМК - 1та йирик ғалаба
20-тур: «Қизилқум» (ўз майдонида) - 3:0
2та йирик мағлубият.
«Насаф» - йирик ғалаба йўқ
2та йирик мағлубият.
«Нефтчи» - йирик ғалаба йўқ
3та йирик мағлубият.
«Металлург» - йирик ғалаба йўқ
4та йирик мағлубият.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
