Ўзбекистон футбол ассоциацияси миллий чемпионатимизда фаолият олиб бораётган ҳакамларнинг профессионал даражасини ошириб, уларнинг маҳоратини сайқаллаб бориш, Суперлига, Про-лига ва Кубок баҳсларида ҳалол ҳакамликни таъминлаш мақсадида бир қатор чора-тадбирлар амалга оширилмоқда.
Жумладан, ҳакамларнинг билимларини янгилаб бориш мақсадида улар ўртасида бир қатор семинарлар, ўқув курслари ташкил қилинмоқда. Мавсум давомида ҳакамларнинг касбий маҳоратлари синовдан ўтказилиб, имтиҳондан ўта олмаган ҳакамлар миллий чемпионат баҳсларига қўйилмаяпти.
Шу билан бирга, ҳакамларнинг профессионал маҳоратини янада юксалтириш мақсадида, ЎФА томонидан Суперлига, Про-лига ҳакамлари учун янги йўриқнома ишлаб чиқилди. Ушбу йўриқномага кўра ҳакамларнинг учрашувларга келиш-кетиш тартиблари, ўйиндан олдинги ва ўйиндан кейинги ҳаракатлари қатъий белгилаб қўйилди. Жумладан, чемпионат ўйинларига қўйилган ҳакамлар ва назоратчилар белгиланган жойга ўйин бошланишидан 24 соат олдин етиб келишлари керак (агарда ўйин ўтказиладиган жой ҳакам ва назоратчи яшаш жойидан 100 километрдан ошмаса, унда улар ўйин ўтказиладиган стадионга камида 2 соат олдин етиб келишлари зарур).
Шунингдек, ўйинга тайинланган ҳакамлар ва назоратчилар ўйин ўтказилишидан 1 кун олдин қабул қилаётган жамоа ёки футбол ассоциацияси томонидан белгиланган меҳмонхоналарга жойлаштирилади. Меҳмонхона билан боғлиқ барча харажатлар ЎФА томонидан қопланади. Ҳакамлар ва назоратчилар қабул қилаётган жамоа ёки футбол ассоциацияси томонидан белгиланган жойларда овқатланиши керак. Овқатланиш жараёни ҳакамлар гуруҳининг барча аъзолари билан келишилган ҳолда бир вақтда амалга оширилади. Улар фақат қабул қилаётган жамоа ёки футбол ассоциацияси томонидан кўрсатилган хизматлардан фойдаланиб, ортиқча имтиёзларни сўраш ҳаққига эга эмаслар.
Бундан ташқари, ҳакамлар жамоалар вакиллари, ўйинчилар, мухлислар, стадион маъмурияти вакиллари билан хушмуомала бўлишлари керак. Энг муҳими, ҳакамлар ва назоратчилар иккала жамоа вакиллари, жамоа раҳбарлари билан мулоқот қилиш ҳуқуқига эга эмас (уларни кузатиб боривчи шахс бундан мустасно). Агарда ҳакам ёки назоратчининг жамоа вакиллари ёки раҳбарлари билан мулоқотда бўлгани аниқланса, ўша ҳакам ёки назоратчи ўйиндан четлатилиши мумкин.
Ҳакамлар ва назоратчилар қайси ўйинга тайинлангани ҳақида ўйиндан аввал ижтимоий тармоқлардаги саҳифаларида маълум қилиши, бу ҳақида фотосуратлар жойлаши мумкин эмас.
Шунингдек, эндиликда ЎФА Ҳакамлар ва назоратчилар бошқармасида алоҳида мустақил экспертлар гуруҳи тузилади. Бу гуруҳ аъзолари ҳар бир учрашувнинг видеоёзувини таҳлил қилиб, ҳакамларнинг ҳаракатларига баҳо бериб боришади.
Юқорида ёзилган кўрсатмаларга амал қилмаган, турли қинғир ишларга аралашган, келишилган ўйинларда иштирок этган ҳакамлар ва назоратчиларга нисбатан қатъий тартиб-интизом чоралари қўлланилади, улар ЎФА ва ПФЛ бошқарувидаги мусобақалар ўйинларида ишлашдан умрбод четлатилишлари мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
