Жаҳон даражасидаги футболчилар керагидан анча ортиқча пул топишяпти. Демакки, улар энг қимматбаҳо автомобилларни бемалол сотиб олишлари мумкин.
Келинг, навбатдаги фотожамланма воситасида баҳоси энг баланд «тойчоқ»лар кимларга тегишли эканлигини кўриб чиқамиз.
10. Серхио АГУЭРО - Lamborghini Aventador (335 минг доллар)
«Манчестер Сити» ҳужумчиси Aventador хуштори. Бу қимматбаҳо «тойчоқ»ни аргентиналик тўпурарга машҳур мутахассис - Янни Чараламбус мослаштириб берган. Яъни автомобилнинг айрим деталлари буюртма асосида тайёрланган.
9. Франческо ТОТТИ - Ferrari 599 GTO (438 минг доллар)
«Рома» афсонаси Италиядаги машҳур «отхона» - Ferrari автомобилларига мойил. 599 GTO модели Ческо харид қилган иккинчи Ferrariдир. У бунга қадар Ferrari 456ни танлаганди.
8. Дэвид БЕКХЭМ - Rolls Royce Phantom (448 минг доллар)
Бекс ҳамиша ҳашаматни алоҳида қадрлаб келган. Шунинг учун унинг танлови - дабдабали Rolls Royce Phantom автосидан ҳайратланишга ҳожат йўқ. «МЮ» афсонасига тегишли «тойчоқ»ни Беверли-Хиллзда минглаб машиналар орасида осонгина ажратиш мумкин.
7. Ал Ҳожи ДИУФ - Mercedes-Benz SLR McLaren (538 минг доллар)
Сенегал миллий жамоаси, «Ливерпуль» ва «Болтон» каби Британиянинг кўплаб клублари собиқ ҳужумчиси футбол майдонида жуда тезкор ва шиддатли эди. Ҳа, у ҳаётда ҳам тезлик тарафдори - шахсий гаражидаги суперкар шундан далолат бермоқда.
6. Самуэль ЭТО'О - Xenatec Maybach 57 (768 минг доллар)
Камерун терма жамоаси афсонаси, «Барселона» ва «Анжи» клублари фахри Xenatec Maybach 57ни анча олдин - 2007 йили харид қилган. Ўшанда ушбу моделдаги суперкар атиги 200 дона ишлаб чиқарилганди.
5. Златан ИБРАГИМОВИЧ - Porsche 918 Spyder (832 минг доллар)
Бутун галактика ва барча замонларнинг энг яхши футболчиси (Златаннинг шахсий таснифи бўйича, албатта) 2015 йили Porsche 918 Spyder учун салкам 1 миллион доллар тўлаган. Ушбу машинага дунё автосаноатидаги кучли двигателлардан бири қўйилган ва у Porsche томонидан ишлаб чиқарилган энг улкан суперкарлар рўйхатида 2-ўринда туради.
4. Самуэль ЭТО'О - Aston Martin One-77 (1,6 миллион доллар)
Самуэль коллекциясидаги яна бир суперкар. Икки ўриндиқли One-77 икки ўриндиқли спорт автомобили бўлиб, Aston Martin моделлари орасида алоҳида ўрин тутади. Бу русумли «тойчоқ»лар 2008 йили чекланган миқдорда савдога чиқарилган - атиги 77та.
2012 йилга келиб, улардан бири чиқитга чиқарилган. Демакки, камерунлик собиқ ҳужумчи ер юзидаги 76 дона Aston Martin One-77дан бирининг соҳиби саналади.
3. Криштиану РОНАЛДУ ва Карим БЕНЗЕМА - Bugatti Veyron (2,18 миллион доллар)
Франциялик ҳужумчи ва унинг собиқ клубдоши - Bugatti Veyronнинг омадли эгалари. Ушбу гиперкарнинг максимал тезлиги соатига 407 километрга тенг. «Тойчоқ» суръатини атиги 2,5 сонияда 100 километрҒсоатга кўтариш мумкин.
Автомобилга франциялик афсонавий пойгачи Пьер Вейрон шарафига ном танланган. Айтиш ўринли, Veyronни ишлаб чиқариш тўхтатилган. Бутун дунёда атиги 450та шундай авто бор.
2. Криштиану РОНАЛДУ ва Пьер-Эмерик ОбАМЕЯНГ - LaFerrari (2,56 миллион доллар)
Италия концерни 2013 йили «гавда»ли гиперкарни чекланган серияда ишлаб чиқарган (499 дона). Автомобилнинг бошқарув тизими устида Fормула (!!!!!!) 1 пойгачилари - Фернандо Алонсо ва Фелипе Масса ҳам ишлашган.
1. Криштиану РОНАЛДУ ва Карим БЕНЗЕМА - Bugatti Chiron (3,2 миллион доллар)
Яна Бензема - Роналду жуфтлиги. Улар Bugattiга алоҳида меҳр билан қарашади. Ҳар ҳолда, ўз коллекцияларида Франция автогигантига тегишли бир неча қимматбаҳо «тойчоқ»лар бор. Chiron моделининг максимал тезлиги - 443 километр/соат. Гиперкар учун Michelin шиналари алоҳида ишлаб чиқарилган. Уларнинг бир тўплами баҳоси 42 минг доллар.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
