Тартиб-интизом футболда катта ютуқларга эришишда муҳим омиллардан бири ҳисобланади. Агрессив ҳаракатларсиз ҳам дунёни ўзига қарата олган шундай футболчилар борки, улар фаолиятлари мобайнида юзлаб ўйинларда майдонга тушишган. Лекин бирон маротаба ҳам қизил карточка олишмаган. Бугун шундай футболчилар ҳақида сўз боради. Раул Гансалес (900 дан ортиқ ўйин ўтказган) Қироллик клубининг афсонавий сардори деярли 600 га яқин ўйинда майдонга тушиб бирор маротаба қизил карточка олмаган экан. Раул энг камтарин супер юлдузлар сирасига киради. Унинг энг севган машғулоти китоб ўқиш бўлган футболчини ҳатто «Барселона» мухлислари ҳам тик турганча олқишлашганини эсласангиз керак.Яқин ўтмишнинг энг чиройли техника эгаси бўлган Раулни бўлажак футболчилар учун намуна дея оламиз. Гаррий Линикер (600 дан ортиқ ўйин ўтказган) Инглизларга хос жентелменлик Линикернинг қонида бор. Бу футболчи ҳам бутун кариераси мобайнида уммуман майдондан ҳайдалмаган экан. «Туманли албиён»да ўйинлар курашларга бой бўлишини ҳисобга олсак, кўрсаткич ҳавас қилгудек. Энг қизиғи Линекер «Барса» таркибида ҳам 3 мавсум тўп тепган. Бу мавсумларда эса ҳатто сариқ карточкага ҳам лойиқ кўрилмаган экан. Филип Лам (600 дан ортиқ ўйинда иштрок этган) Бунисига ишониш қийин. Қандай қилиб қанот ҳимоячиси шунча ўйинда ҳеч қачон майдондан четлатилмаган бўлса? Устига-устак замонавий футболда, асосан, қанотлардан ҳужум қилиш урф бўлганини ҳисобга олсак, бу шунчаки фантастика!Лам узоқ йиллик фаолияти мобайнида деярли имиджини ҳам ўзгартирмаган экан. Бу қаҳрамонимиз қанот ҳимоячиси позициясида ҳаракат қилиб,жааҳон чемпеони, ЙЧЛ да ғолиб бўлганини инобатга олсак, кўрсатган натижаси таҳсинга сазовор. Мишел Платини (550 тадан ортиқроқ ўйинда иштрок этган) Мозий юлдузлари сирасига кирувчи собиқ футболчи ҳам намунали инсон эди. У майдонда ҳам, унинг ташқарисида ҳам чинакам етакчилардек ўзини тутарди. Афсуски, футбол ортидан қозонилган шуҳратга кейинчалик УЭФА даги баъзи дилхираликлар хийла соя солиб қўйди. Лекин ўша замон футболида бутун фаолияти давомида қизил карточка олмаслик қойилмақом натижа. Ледлий Кинг(300 та ўйинда иштирок этган) Буниси ҳаммасидан ошиб тушди. «АПЛ нинг энг бақувват ҳимоячиси» дея эсланадиган улкан Ледлий Кинг фаолияти давомида ҳеч ҳам жамоадошларини қийин аҳволда ташлаб кетмаган экан. АПЛ даги муросасиз ўйинларига назар солсак, «Тақачилар» сардори жуда ҳам тоза ўйнагани маълум бўлади. Унинг ўйинларини «Тоттенҳам» мухлислари яхши хотиралар билан эслашади. Жоа Маутинё (400 тадан ортиқ ўйинда иштрок этган) Португалиялик таянч ярим ҳимоячи кариераси мобайнида кўплаб «катта» ўйинларда иштирок этганига қарамасдан, асло қизил карточкани кўрмаган экан. Ўзи унинг зонаси айнан рақиб ҳужумини тўхтатиш учун мўлжалланган, лекин Моутиниё буни зарарсиз йўлини топа олган кам сонли таянч ярим ҳимоячиси саналади. Тўгри, у фаолияти мобайнида 87 бор сариқ карточкага лойиқ кўрилган, лекин, ўз вақтида тўхташни билгани учун бирон маротаба жамоадошларини ёлғизлатиб қўймаган экан. Й.У.Й
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
