Чемпионлар лигаси қизигандан қизимоқда. Буёғига кучсизлар, аутсайдерлар бўлмайди. Учрашувлар бири-биридан томошабоп бўлиб бораверади. Қуръадан хамманиниг хабари бор. Жуфтликлар ҳақида қисқача шарҳлар билан кимда қанча имконият борлигини кўриб чиқамиз.
«Реал Мадрид» 55% — 45% «Аякс»
Бир қарашда бу учрашувнинг ғолиби аниқдек, гўё. Аслида, ундай эмас. Сабаби шундаки, «Эйбар», «ЦСКА» сингари жамоалардан енгилган «Реал»га, ўз гуруҳида кимсан «Бавария» билан иккита ўйинда ҳам енгилмаган (1:1, 3:3) «Аякс» яхшигина бош оғриқ бўла олади.
«Ювентус» 55% — 45% «Атлетико»
Бу жуфтликда деярли кучлар тенг. Бироқ «Ювентус»нинг ички чемпионатдаги ишончли ўйинларига назар солсангиз, ҳозирда «Юве» бироз кучлироқ кўринмоқда. Яна шуни айтиш жоизки, бу учрашувлар плей-оффнинг энг курашларга бой кечадиган учрарашувлари бўлиши кутилмоқда.
«ПСЖ» 60% — 40 % «Манчестер Юнайтед»
Бош мураббийсиз қолган «қизил иблислар» ўта қийин аҳволда қолишди. Тухель бошчилигидаги «ПСЖ» ҳозирда Европанинг исталган жамоасини ер тишлатишга қодир. Улар бу тўқнашувда ортиқча қийинчиликга учрамаса керак. Чунки ҳам жисмоний, ҳам тактик жиҳатдан устунлик ҳозир очиқчасига "ПСЖ" томонида.
«Рома» 50% — 50% «Порту»
Очиғи, бу жуфтлик қолган ўйинларга нисбатан ном жиҳатидан анча ортда қолмоқда. Лекин кўҳна қитъада, яна плей-оффда зерикарли футбол кам-камдан учрайдиган ҳолат. Жамоаларнинг имкониятлари бир қарашда «Рома»да кўпроқдек, аммо, унутмаслик керак, «Порту» ўз гуруҳида 1- ўринни эгаллаган.
«Боруссия Дортмунд» 55% — 45% «Тоттенҳэм»
Бу баҳсда Европаниниг кўплаб нашрлари “Боррусия"нинг имкониятларини юқори баҳоламоқда. «Боруссия» ҳимояда тартибсизроқ эканлигини ҳисобга олмаса, қолган жабҳаларда «шпорлар»дан устун. Фавр ва Почеттино дуэли ҳам кўпчиликда қизиқиш уйғотмоқда. Бу учрашув жуфтликлар орасида голларга бой ўтиши билан эсда қолса ажаб эмас.
«Манчестер Сити» 85% — 15% «Шальке-04»
Энг зерикарли жуфтлик билан танишинг. Бундеслиганининг 13-ўрнидаги жамоаси АПЛнинг ғолиблигига асосий даъвогар билан тўқнаш келмоқда. Ўзи аслида, шаҳарликларга юз фоизлик натижа беришмоқда. Биз шунчаки ўзбекчилик қилиб «Шальке-04» жамосига озгина обрў олиб бердик.
«Барселона» 65% — 35% «Лион»
Каталонияликлар бу ўйинларда бехато ўйнасалар, ортиқча муаммоларга учрамасалар керак. Лекин шуни айтиб ўтишимиз жоизки, «Лион» ҳам бу учрашувда совға эмас. Улар буни «Манчестер Сити» билан ўйинларда кўрсатиб қўйишди. Тан олиш керак, ҳозирги «Барса» «Лион» дан анча кучли, лекин бу футбол. Тўп юмалоқ, майдон эса текис.
«Бавария» 40% — 60% «Ливерпуль»
Бу жуфтликда номдор «Бавария» ожизроқ кўринмоқда. Улар ички чемпионатда ҳам бирин-кетин «қовун» туширишмоқда. Уларда вазиятни ўнглаш учун ягона имконият — мураббийни зудлик билан алмаштириш. Кўпчилик «Бавария» постида Венгерни кўришни истамоқда. Бу бошқа масала, албатта, лекин, агар Венгер келадиган бўлса, «Бавария»да имконият ошади. Сабаби Венгер АПЛ бўйича профессионал.
Яҳёхўжа Улуғхўжаев
Ҳасанали ота
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Холис таҳлилчи блоги
Сафарали Сиддиқов
FCB.UZ — бу «Барселона»
Mazmun.uz — барчаси футбол учун
Лутфулло Турсунов
Шуҳрат Шокиржонов
Шерзод Ражабов
Қаҳрамон Асланов
