Chempionlar ligasi qizigandan qizimoqda. Buyog‘iga kuchsizlar, autsayderlar bo‘lmaydi. Uchrashuvlar biri-biridan tomoshabop bo‘lib boraveradi. Qur’adan xammaninig xabari bor. Juftliklar haqida qisqacha sharhlar bilan kimda qancha imkoniyat borligini ko‘rib chiqamiz.
«Real Madrid» 55% — 45% «Ayaks»
Bir qarashda bu uchrashuvning g‘olibi aniqdek, go‘yo. Aslida, unday emas. Sababi shundaki, «Eybar», «SSKA» singari jamoalardan yengilgan «Real»ga, o‘z guruhida kimsan «Bavariya» bilan ikkita o‘yinda ham yengilmagan (1:1, 3:3) «Ayaks» yaxshigina bosh og‘riq bo‘la oladi.
«Yuventus» 55% — 45% «Atletiko»
Bu juftlikda deyarli kuchlar teng. Biroq «Yuventus»ning ichki chempionatdagi ishonchli o‘yinlariga nazar solsangiz, hozirda «Yuve» biroz kuchliroq ko‘rinmoqda. Yana shuni aytish joizki, bu uchrashuvlar pley-offning eng kurashlarga boy kechadigan uchrarashuvlari bo‘lishi kutilmoqda.
«PSJ» 60% — 40 % «Manchester Yunayted»
Bosh murabbiysiz qolgan «qizil iblislar» o‘ta qiyin ahvolda qolishdi. Tuxel boshchiligidagi «PSJ» hozirda Yevropaning istalgan jamoasini yer tishlatishga qodir. Ular bu to‘qnashuvda ortiqcha qiyinchilikga uchramasa kerak. Chunki ham jismoniy, ham taktik jihatdan ustunlik hozir ochiqchasiga Fransuzlar tomonida.
«Roma» 50% — 50% «Portu»
Ochig‘i, bu juftlik qolgan o‘yinlarga nisbatan nom jihatidan ancha ortda qolmoqda. Lekin ko‘hna qit’ada, yana pley-offda zerikarli futbol kam-kamdan uchraydigan holat. Jamoalarning imkoniyatlari bir qarashda «Roma»da ko‘proqdek, ammo, unutmaslik kerak, «Portu» o‘z guruhida 1- o‘rinni egallagan.
«Borussiya Dortmund» 55% — 45% «Tottenhem»
Bu bahsda Yevropaninig ko‘plab nashrlari “Borrusiya"ning imkoniyatlarini yuqori baholamoqda. «Borussiya» himoyada tartibsizroq ekanligini hisobga olmasa, qolgan jabhalarda «shporlar»dan ustun. Favr va Pochettino dueli ham ko‘pchilikda qiziqish uyg‘otmoqda. Bu uchrashuv juftliklar orasida gollarga boy o‘tishi bilan esda qolsa ajab emas.
«Manchester Siti» 85% — 15% «Shalke-04»
Eng zerikarli juftlik bilan tanishing. Bundesliganining 13-o‘rnidagi jamoasi APLning g‘olibligiga asosiy da’vogar bilan to‘qnash kelmoqda. O‘zi aslida, shaharliklarga yuz foizlik natija berishmoqda. Biz shunchaki o‘zbekchilik qilib «Shalke-04» jamosiga ozgina obro‘ olib berdik.
«Barselona» 65% — 35% «Lion»
Kataloniyaliklar bu o‘yinlarda bexato o‘ynasalar, ortiqcha muammolarga uchramasalar kerak. Lekin shuni aytib o‘tishimiz joizki, «Lion» ham bu uchrashuvda sovg‘a emas. Ular buni «Manchester Siti» bilan o‘yinlarda ko‘rsatib qo‘yishdi. Tan olish kerak, hozirgi «Barsa» «Lion» dan ancha kuchli, lekin bu futbol. To‘p yumaloq, maydon esa tekis.
«Bavariya» 40% — 60% «Liverpul»
Bu juftlikda nomdor «Bavariya» ojizroq ko‘rinmoqda. Ular ichki chempionatda ham birin-ketin «qovun» tushirishmoqda. Ularda vaziyatni o‘nglash uchun yagona imkoniyat — murabbiyni zudlik bilan almashtirish. Ko‘pchilik «Bavariya» postida Vengerni ko‘rishni istamoqda. Bu boshqa masala, albatta, lekin, agar Venger keladigan bo‘lsa, «Bavariya»da imkoniyat oshadi. Sababi Venger APL bo‘yicha professional.
Yahyoxo‘ja Ulug‘xo‘jayev
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
