Барчамизга маълумки, «Қироллик клуби» сафида ўйнаш ҳамма замонларда футболчиларга бошқача завқ ва фахр туйғуларини улашган. Деярли 100 йилдан буён «Реал» ўз молиявий имкониятларидан фойдаланиб, ҳар қандай футболчини пул билан қизиқтириб қўйишга қурби етадиган жамоа. Лекин шундай футболчилар борки, уларга «Реал»нинг «тиши ўтмаган». Бугун шу футболчилар ҳақида қисқача.
Жанлуижжи Буффон
Тўғри, Буффон барибир «Юве»ни тарк этди. Лекин қаҳрамонимизга «Реал Мадрид» клуби «Ювентус» B серияга тушиб кетганда таклиф билан чиққан эди. «Юве» раҳбарияти трансферга рози бўлади. Жижи эса севимли жамоасини қийин аҳволда ташлаб кетишни хоҳламайди. У ўз маошини камайтиришларини сўраб раҳбариятга мурожаат қилади ва «Реал»га шунчаки жилмайиб: «Йўқ» жавобини айтади. «Кекса синьора»нинг мухлислари Буффонни мана шу мардлиги учун ҳам яхши кўришади.
Стивен Жеррард
Флорентино Перес Зиданнинг олдида яна бир юлдузни харид қилиш мақсадида 2004 йилда «Ливерпуль» сардори Жеррардга таклиф билан чиқади. Стиви Жи таклифни ўйлаб ўтрмай, рад этади. Орадан 5 йил ўтгач,«Реал Мадрид» мутасаддилари «Ливерпуль» билан параллел янги шартнома таклиф этишади. «Қаймоқранглилар» Жеррардга ақлбовар қилмас маош кўрсатилган шартнома таклиф этишади.Энг ажабланарлиси, «Ливерпуль»нинг янги шартномасида Стивнинг маоши анча камроқ кўрсатилган эди. Футболчи узоқ ўйлаб ҳам ўтирмай, «Реал»га рад жавобини беради. Бундан ғазабланган Перес бу амалга ошмаган трансферни ОАВдан беркитиш учун қўлидан келган ҳамма ишни қилади. Афсуски, Стивен жамоасига АПЛ бош совринини ютиб бера олмади, аммо бир жамоада ўйнаб мухлислар юракларини забт этди.
Иван Ракитич
Хорватиялик плеймейкер «Барса»га ўтишидан аввал икки бор «Реал Мадрид»га рад жавобини берган экан. Биринчисида 18 ёшли Иван «катта» жамоага ўтишдан чўчиган. Иккинчи таклиф эса «Севилья» жамоасида ўйнаб юрган пайтларида бўлган. Перес жаноблари музокараларга Модрични ҳам аралаштиради. Бир неча йиллик дўсти Модричнинг тавсиясига ҳам қулоқ солмаган Ракитич бу сафар ҳам рад жавобини беради. Сўнг бироз вақт ўтиб, «Барса»га ўтиб кетади. Кейинчалик бу ишини у: “Мен жуда кўплаб гранд жамоаларда ўйнаб кета олмаган ёш иқтидорларни кўрдим, уларда машҳурликка интилиш кучли эди, мен эса аксинча, меҳнат ҳар қандай машҳурликка ўзи етаклашини билар эдим. «Барселона»га келадиган бўлсак, бу клуб мени юрагимда эди ва мен буни амалга оширдим”, дея изоҳлаган эди. Дарҳақиқат, бу танлов унга совринлар ва машҳурлик олиб келди.
Франческо Тотти
Рим императорига «Реал Мадрид» уч бор таклиф билан чиққан экан. Биринчиси 2000 йилда, иккинчиси эса 2004 йилда, учинчи бор эса 2007 йилда. Лекин «бўрилар тўдасининг сардори» охиригача ўз клубига содиқ қолган экан. Тўғри, Тотти иқтидорига яраша совринларни ютмагандир, лекин, аммо, бироқ, «Рома» клубининг рамзига айлана олди. Уни мухлислар қанчалар ҳурмат қилишларини хайрлашув учрашувида кўрсатиб қўйишди. Энг қизиғи шундаки, «Реал» учта таклифда ҳам Тоттига молиявий жиҳатдан анча қулай шартномалар таклиф этган. Тотти: «Мухлислар ишончи ҳар қандай пул ва совринлардан қадрлироқ» деганча, мардларча ўз жамоасида қолди ва бунга ҳеч ҳам афсусланмаслигини матбуотда бир неча бор эълон қилди.
Я.Улуғхўжаев
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
