Дарвозабонлар
Бу борада «Барселона»да муаммо деярли йўқ. Ҳатто иккинчи дарвозабон Силлесин ҳам ажойиб формада. Уни ўз клубида кўришни истайдиганлар ҳозир ҳам бир қанча топилса, ажаб эмас. Тер Штегенга эса гап-сўз бўлиши мумкин эмас. У ўзининг энг зўр мавсумларидан бирини ўтказмоқда. У бу формани яна бир неча йил бемалол ушлаб қола олса керак.
Ҳимоячилар
Бу масалада Каталонияликлар мақтана олишмайди. Сабаби Пикенинг даври ўтиб бормоқда. Пуёлнинг ўрни хали ҳам тўлдирилгани йўқ… «Барса» Ерай Минани ҳарид қилиб, бу муаммони ҳал қилгандай кўринганди. Лекин бу мавсум уни яхшигина фойда билан сотиб юборди.Ҳозирда «Барса» учун 2 та идеал вариант бор. Бири «Аякс» сардори, «Голден Бой» соврини ғолиби - Маттиес Де Лигт
ёки «Интер» ҳимоячиси Милан Шкринлар десак, адашмаган бўламиз.
Бу футболчилар катта эҳтимол билан «Барселона» ҳимоясини яқин 6 ё 7 йиллик муаммоларини ёпишга кучи етадиган иқтидор эгалари ҳисобланишади.
Ярим ҳимоячилар
Бу борада эса муаммо ҳозирча йўқ. Лекин ҳадемай бу муаммо юзага қалқиб чиқади. Артуро Видал ва Ракитичлар деярли тезкор «Барса»га ҳадемай керак бўлмай қолишлари аниқ. Асосий плаймекер зонаси учун «Барса» каттароқ пул сарфлашига тўгри келади. Замонавий футболда яхши плаймейкернинг нархи қанча эканлигини яхши билсангиз керак. Бу позицияда Каталонияликлар учун иккита ажойиб вариант мавжуд. Биринчиси Де Бюрне бўлса
иккинчиси Кристиан Эриксон.
Бу йигитларни қўлга киритиш осон бўлмаса керак. Сабаби Де Бюрне ўз жамоасида бахтли, Эриксон эса ҳозирда «Реал Мадрид» билан музокаралар ўтказаётгани ҳақида миш-мишлар тобора кучаймоқда! Шундай экан тезкор ҳаракат қилиш керак, акс ҳолда ажойиб плеймекерни азалий рақиблар илиб кетишади.
Ҳужумчилар
Бу борада жамоада ҳаммаси супер даражада! Эркатой Дембелени ҳарҳашаларини ҳисобга олмаса ҳужум чизиғи ҳозир энг оптимал формада. Суарез ва Месси яна анча муддатгача ажойиб формада ўйнай олади, десак адашмаган бўламиз. Бонус сифатида «Барселона»га иккита футболчини тавсия қилган бўлардик. Биринчи вариант Набил Фекир бўлса,
иккинчиси эса Муҳаммад Салоҳ.
Ҳозирда Каталонияликлар учун Салоҳ варианти анча қизиқроқ туюлмоқда. Сабаби, Салоҳнинг ўйин услуби «Барселона»нинг қолипига тушгандай мос келади. Салоҳнинг ўзи ҳам бошқа клубга ўтишга қарши эмас эканлигини билдириб қўйди. Фекир эса «Барселона» жамоаси ўйинини заҳирадан тушиб кучайтира оладиган ажойиб қурол вазифасини бажариши мумкин.
«Барселона» жамоаси мутасаддилари ҳар доим трансфер сиёсатлари билан ҳаммага ўрнак бўлиб келишган. Жамоанинг кўп сонли мухлислари томонидан клубга омад ва зафарлар тилаб қоламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
