Darvozabonlar
Bu borada «Barselona»da muammo deyarli yo‘q. Hatto ikkinchi darvozabon Sillesin ham ajoyib formada. Uni o‘z klubida ko‘rishni istaydiganlar hozir ham bir qancha topilsa, ajab emas. Ter Shtegenga esa gap-so‘z bo‘lishi mumkin emas. U o‘zining eng zo‘r mavsumlaridan birini o‘tkazmoqda. U bu formani yana bir necha yil bemalol ushlab qola olsa kerak.
Himoyachilar
Bu masalada Kataloniyaliklar maqtana olishmaydi. Sababi Pikening davri o‘tib bormoqda. Puyolning o‘rni xali ham to‘ldirilgani yo‘q… «Barsa» Yeray Minani harid qilib, bu muammoni hal qilganday ko‘ringandi. Lekin bu mavsum uni yaxshigina foyda bilan sotib yubordi.Hozirda «Barsa» uchun 2 ta ideal variant bor. Biri «Ayaks» sardori, «Golden Boy» sovrini g‘olibi - Mattiyes De Ligt
yoki «Inter» himoyachisi Milan Shkrinlar desak, adashmagan bo‘lamiz.
Bu futbolchilar katta ehtimol bilan «Barselona» himoyasini yaqin 6 yo 7 yillik moammolarini yopishga kuchi yetadigan iqtidor egalari hisoblanishadi.
Yarim himoyachilar
Bu borada esa muammo hozircha yo‘q. Lekin hademay bu muammo yuzaga qalqib chiqadi. Arturo Vidal va Rakitichlar deyarli tezkor «Barsa»ga hademay kerak bo‘lmay qolishlari aniq. Asosiy playmeker zonasi uchun «Barsa» kattaroq pul sarflashiga to‘gri keladi. Zamonaviy futbolda yaxshi playmeykerning narxi qancha ekanligini yaxshi bilsangiz kerak. Bu pozisiyada Kataloniyaliklar uchun ikkita ajoyib variant mavjud. Birinchisi De Byurne bo‘lsa
ikkinchisi Kristian Erikson.
Bu yigitlarni qo‘lga kiritish oson bo‘lmasa kerak. Sababi De Byurne o‘z jamoasida baxtli, Erikson esa hozirda «Real Madrid» bilan muzokaralar o‘tkazayotgani haqida mish-mishlar tobora kuchaymoqda! Shunday ekan tezkor harakat qilish kerak, aks holda ajoyib pleymekerni azaliy raqiblar ilib ketishadi.
Hujumchilar
Bu borada jamoada hammasi super darajada! Erkatoy Dembeleni har-hashalarini hisobga olmasa hujum chizig‘I hozir eng optimal formada. Suarez va Messi yana ancha muddatgacha ajoyib formada o‘ynay oladi, desak adashmagan bo‘lamiz. Bonus sifatida «Barselona»ga ikkita futbolchini tavsiya qilgan bo‘lardik. Birinchi variant Nabil Fekir bo‘lsa,
ikkinchisi esa Muhammad Saloh.
Hozirda Kataloniyaliklar uchunSaloh varianti ancha qiziqroq tuyulmoqda. Sababi Salohning o‘yin uslubi «Barselona»ning qolipiga tushganday mos keladi. Salohning o‘zi ham boshqa klubga o‘tishga qarshi emas ekanligini bildirib qo‘ydi. Fekir esa «Barselona» jamoasi o‘yinini zahiradan tushib kuchaytira oladigan ajoyib qurol vazifasini bajarishi mumkin.
«Barselona» jamoasi mutasaddilari har doim transfer siyosatlari bilan hammaga o‘rnak bo‘lib kelishgan. Jamoaning ko‘p sonli muxlislari tomonidan klubga omad va zafarlar tilab qolamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
