2018 йилнинг энг яхши футболчиларини ўз ичига олган рейтинг (топ-100 шаклида) 69та мамлакатдан жалб этилган 225 нафар эксперт томонидан шакллантирилди. Тушунарлики, ҳамманинг диди турлича, хусусан, футбол масаласида ҳам. Дейлик, кимдир жамоавий натижаларни устун қўйса, бошқа киши аввало, индивидуал кўрсаткичларга эътибор қаратади. Орамизда шунингдек, чиройли ҳаракат олдида бошқасини тан олмайдиганлар ҳам топилади. Қисқаси, муайян ўйинчига аниқ баҳо бериш учун идеал алгоритм йўқ. Обрўси анча баланд The Guardian нашри шуни ҳисобга олиб, бу сафар кучлилар рейтингини тузишни нақ 225 нафар таҳлилчи ҳукмига ҳавола этди. Демак, soccer.ru сайти маълумотлари асосида элит рўйхатга бирров назар солиб, диққатга сазовор жиҳатларга ҳам тўхталиб ўтамиз. 91-100-ўринлар
100. Хосе Мария Хименес («Атлетико», Уругвай)
99. Месут Озил («Арсенал», Германия)
98. Ирвинг Лозано (ПСВ, Мексика)
97. Оливье Жиру («Челси», Франция)
96. Аксель Витцель («Боруссия» Д., Бельгия)
95. Набил Фақир («Лион», Франция)
94. Гонсало Мартинес («Ривер Плейт», Аргентина)
93. Лукас Торрейра («Арсенал», Уругвай)
92. Френки де Йонг («Аякс», Голландия)
91. Виллиан («Челси», Бразилия)
Месут Озил ўз маҳоратини гарчи кутилган даражада намойиш этолмаган бўлсада, уни рўйхатга қўшишди. Шунингдек, Оливье Жиру ва Виллиан номзоди ҳам бироз ғалати. Мисол учун, «Челси»нинг бразилиялик вакили айниқса, кузда ёрқин ўйнаган Френки де Йонг, Лукас Торрейра ва Аксель Витцель каби ижрочилардан олдинда турибди.
81-90-ўринлар
90. Гонсало Игуаин («Милан», Аргентина)
89. Матийс де Лигт («Аякс», Голландия)
88. Диего Коста («Атлетико», Испания)
87. Денис Черишев («Валенсия», Россия)
86. Жон Стоунз («Манчестер Сити», Англия)
85. Анте Ребич («Айнтрахт», Хорватия)
84. Мемфис Депай («Лион», Голландия)
83. Жерар Пике («Барселона», Испания)
82. Жеймс Милнер («Ливерпуль», Англия)
81. Габриэль Жезус («Манчестер Сити», Бразилия)
Денис Черишев - Россия футболининг рейтингдаги ягона вакили. Эътиборлиси, 5 нафар эксперт уни топ-40га муносиб кўрди. Golden Boy совринининг амалдаги соҳиби Матийс де Лигт ҳам шу 10таликда. Умуман, анча ғалати қисм. Қаранг, хизмат кўрсатган фахрий Жеймс Милнер 2018 йили ишончни унча оқламаган Габриэль Жезусдан орқада...
71-80-ўринлар
80. Кайл Уокер («Манчестер Сити», Англия)
79. Гарри Магуайр («Лестер», Англия)
78. Сон Хюн Мин («Тоттенхэм», Жанубий Корея)
77. Маркос Алонсо («Челси», Испания)
76. Леонардо Бонуччи («Ювентус», Италия)
75. Тома Менье («ПСЖ», Бельгия)
74. Тьяго Сильва («ПСЖ», Бразилия)
73. Чиро Иммобиле («Лацио», Италия)
72. Киран Триппьер («Тоттенхэм», Англия)
71. Бенжамен Павар («Штутгарт», Франция)
Бенжамен Павар, Чиро Иммобиле, Тома Менье, Маркос Алонсо ва Сон Хюн Мин нега элит рўйхатга киришгани тушунарли. Киран Триппьер ва Гарри Магуайр эса ЖЧ-2018да кўзга ташланишди. Бироқ Тьяго Сильва ёки Леонардо Бонуччи якунланган йилни ўз ҳисобларига ёзиб қўёлмайдилар, барибир. Кайл Уокер ҳақида ҳам гапириш қийин - баҳсли танлов.
61-70-ўринлар
70. Хамес Родригес («Бавария», Колумбия)
69. Люка Эрнандес («Атлетико», Франция)
68. Бернарду Сильва («Манчестер Сити», Португалия)
67. Жошуа Киммих («Бавария», Германия)
66. Кейлор Навас («Реал», Коста-Рика)
65. Жордан Пикфорд («Эвертон», Англия)
64. Жорди Альба («Барселона», Испания)
63. Фернандиньо («Манчестер Сити», Бразилия)
62. Марко Асенсио («Реал», Испания)
61. Сауль Ньигес («Атлетико», Испания)
Бир қарашда, ҳамма ўз жойидадек. Аммо Марко Асенсио ниманинг ҳисобига Жорди Альба, Фернандиньо, Жошуа Киммих ва жаҳон чемпиони Люка Эрнандесдан тепада? Қолаверса, Бенжамен Павар, Чиро Иммобиле ва Мемфис Депайнинг «Реал»да ўртача таассурот қолдирган ҳужумчидан анча орқада қолишгани тушунарсиз.
51-60-ўринлар
60. Жанлуижи Буффон («ПСЖ», Италия)
59. Эдерсон («Манчестер Сити», Бразилия)
58. Лоренцо Инсинье («Наполи», Италия)
57. Лерой Сане («Манчестер Сити», Германия)
56. Калиду Кулибали («Наполи», Сенегал)
55. Пьер-Эмерик Обамеянг («Арсенал», Габон)
54. Эдин Жеко («Рома», Босния ва Герцеговина)
53. Блез Матюиди («Ювентус», Франция)
52. Жоржиньо («Челси», Италия)
51. Миралем Пьянич («Ювентус», Босния ва Герцеговина)
Қизиқарли 10талик - унга тушган 7 нафар футболчи ўтган йили «А» серияда ўйнади, тўғри, Жанлуижи Буффон ва Жоржиньо ёзда бошқа лигага юзланишди. ЖЧ-2018дан четда қолган Италия терма жамоасидан 3 нафар вакил борлиги ҳам диққатга сазовор. Тан олиш керак, Инсинье ёки Жоржиньо худди Миралем Пьянич, Эдин Жеко, Пьер-Эмерик Обамеянг ва Эдерсон каби индивидуал томондан яхши кўринишди. Лерой Сане эса Россия мундиалида қатнашмаган бўлсада, «Манчестер Сити»да бинойидек тўп сурди.
41-50-ўринлар
50. Серхио Бускетс («Барселона», Испания)
49. Жоржо Кьеллини («Ювентус», Италия)
48. Карим Бензема («Реал», Франция)
47. Марко Ройс («Боруссия» Д., Германия)
46. Дрис Мертенс («Наполи», Бельгия)
45. Деле Алли («Тоттенхэм», Англия)
44. Марк-Андре тер Штеген («Барселона», Германия)
43. Алиссон («Ливерпуль», Бразилия)
42. Каземиро («Реал», Бразилия)
41. Ромелу Лукаку («МЮ», Бельгия)
Топ-50ни афсона даражасига чиқишга улгуришган Серхио Бускетс ва Жоржо Кьеллини очиб беришди. Карим Бензема улардан тепада. Аммо франциялик ҳужумчи Марко Ройс, Дрис Мертенс ва Деле Алли, шунингдек, икки нафар ажойиб кипер - Марк-Андре тер Штеген ҳамда Алиссондан ортда. Ғалати томонлари ҳам бор - Каземиро кутилганидан анча юқорида, яна Ромелу Лукаку ҳам. Ҳа, бельгиялик ҳужумчи ЖЧ-2018да чакки ўйнамади, бироқ «МЮ»да «оғир» қадам босгани ҳам ҳақиқат.
31-40-ўринлар
40. Уго Льорис («Тоттенхэм», Франция)
39. Давид де Хеа («МЮ», Испания)
38. Гарет Бэйл («Реал», Уэльс)
37. Тибо Куртуа («Реал», Бельгия)
36. Кристиан Эриксен («Тоттенхэм», Дания)
35. Самуэль Юмтити («Барселона», Франция)
34. Диего Годин («Атлетико», Уругвай)
33. Марио Манжукич («Ювентус», Хорватия)
32. Мауро Икарди («Интер», Аргентина)
31. Раҳим Стерлинг («Манчестер Сити», Англия)
Уго Льорис ниманинг эвазига амплуадошлари - Алиссон, Марк-Андре тер Штеген ва Эдерсондан устун? Франциялик кипернинг мундиалдаги ишончли иштироки салмоқли роль ўйнагани аниқ. Умуман, бу 10талик дарвозабонларга бой: Давид де Хеа, Тибо Куртуа... ҳужумчилар, ҳимоячилар ва хавбеклар ҳам бор. Қисқаси, тўлиқ «тўплам». Ҳаттоки, Гарет Бэйл номзоди ҳам ортиқча савол туғдирмаса керак. Ахир у муҳим голларга муаллифлик қилди, барибир.
21-30-ўринлар
30. Роберт Левандовски («Бавария», Польша)
29. Иван Перишич («Интер», Хорватия)
28. Иско («Реал», Испания)
27. Ян Облак («Атлетико», Словения)
26. Пауло Дибала («Ювентус», Аргентина)
25. Филиппе Коутиньо («Барселона», Бразилия)
24. Виржиль ван Дейк («Ливерпуль», Голландия)
23. Фирмино («Ливерпуль», Бразилия)
22. Тони Кроос («Реал», Германия)
21. Эдинсон Кавани («ПСЖ», Уругвай)
Яна бир «ўзгача» 10талик. Дейлик, ЖЧ-2018да ҳеч қандай каромат кўрсатолмаган Роберт Левандовски шунчалик юқори поғонага муносибми? Ҳа, польшалик голеадор «Бавария»да ўта самарали ўйнамоқда, аммо жамоада ҳамма айнан унга қараб тўп узатишини унутмайлик. Искога қаранг, унга нима бор? Ҳаттоки, Пауло Дибала ҳам йил давомида барқарор кўринмади, Филиппе Коутиньо 25-ўринга тортадими? Айниқса, Тони Крооснинг мавқеи шубҳали. Ян Облак ва Виржиль ван Дейкка эса гап йўқ.
11-20-ўринлар
20. Давид Сильва («Манчестер Сити», Испания)
19. Садио Мане («Ливерпуль», Сенегал)
18. Марсело («Реал», Бразилия)
17. Серхио Рамос («Реал» Испания)
16. Поль Погба («МЮ», Франция)
15. Серхио Агуэро («Манчестер Сити», Аргентина)
14. Луис Суарес («Барселона», Уругвай)
13. Иван Ракитич («Барселона», Хорватия)
12. Рафаэль Варан («Реал», Франция)
11. Неймар («ПСЖ», Бразилия)
Садио Мане нега Фирмино ёки Виржиль ван Дейкдан олдинда? Поль Погба чиндан ҳам, сайёрамизнинг 16-рақамли футболчисими? Серхио Рамос ва Серхио Агуэро масаласида ҳам саволлар етарли. Мисол учун, испаниялик ҳимоячи Россия мундиалида омадсиз қатнашди, АПЛда эса Пьер-Эмерик Обамеянг ҳам аргентиналик ҳужумчидан кам гол урмаяпти. Неймарнинг топ-10дан четда қолгани ҳам бироз тушунарсиздек...
1-10-ўринлар
10. Н~Голо Канте («Челси», Франция)
9. Гарри Кейн («Тоттенхэм», Англия)
8. Кевин де Брюйне («Манчестер Сити», Бельгия)
7. Эден Азар («Челси», Бельгия)
6. Антуан Гризманн («Атлетико», Франция)
5. Муҳаммад Салоҳ («Ливерпуль», Миср)
4. Килиан Мбаппе («ПСЖ», Франция)
3. Лионель Месси («Барселона», Аргентина)
2. Криштиану Роналду («Ювентус», Португалия)
1. Лука Модрич («Реал», Хорватия)
Криштиану Роналду ва Лионель Месси тарафдорларида топ-10 тартибига эътирозлар катталиги аниқ. Ҳар ҳолда, улар ўз суюклиларини Лука Модричдан анча устун кўришади. Бироқ факт шуки, сўровда иштирок этган экспертлардан нақ 79 нафари хорватни 1-ўринга қўйди ва у умумий ҳисобда 8552 очко тўплаб, португалиялик (33та 1-ўрин, 8306 балл) ҳамда аргентиналик (48та 1-ўрин, 8268 балл) юлдузни ишончли тарзда ортда қолдирди. Кучли 10таликка теран қараб, биргина Гарри Кейн ўрнига салгина эътироз билдириш мумкин. Ҳа, гап ЖЧ-2018нинг бош тўпурари ҳақида кетяпти, лекин иккинчи 10таликка қарасак, Неймар машҳурлик бобида ҳам, ўйин масаласида ҳам инглиз футболчисидан кучлироқдек...
КИМЛАР ОВОЗ БЕРИШДИ ВА ҚАНДАЙ?
- Кенгайтирилган рўйхатда 300 нафардан кўп номзод кўрсатилган бўлиб, ҳар бир эксперт 40 нафар футболчини танлади. 1-ўринга қўйилган футболчига 40 балл берилди. Қолганлар тартиб бўйича 1 баллдан кам олишди. Демакки, 40-ўринда кўрсатилган номзод ҳисобига 1 очко ёзилган.
- Топ-100га тушган 96 нафар футболчи Европанинг кучли 5та чемпионати вакилидир. Қолганлар - Ирвинг Лозано (ПСВ), Гонсало Мартинес («Ривер Плейт»), Френки де Йонг ва Матийс де Лигт («Аякс»).
- Рейтингда 13та ўрин франциялик футболчиларга насиб этди. Улардан 12 нафари ёзда жаҳон чемпиони бўлди, Карим Бенземагина мундиалда қатнашмади.
- Рўйхатда бразилиялик ва испаниялик футболчилар ҳам кўп - 11 нафардан. Хуллас, топ-100даги 35та жой атиги 3та мамлакат вакиллари ҳисобига тўлдирилди.
- Лигаларга қарасак, АПЛнинг улуши катта - 37 нафар. Ўз ўрнида сўровга асосан Европадан
эксперт жалб этилганини ҳам айтиш жоиз (140 нафар).
- «Реал»нинг нақ 12 нафар футболчиси элит рўйхатдан жой олди (Криштиану Роналду ҳисобга олинмаган). Қаранг, бутун бир таркиб...
- Клубларни олсак, 2-ўринда 11 нафар вакили бор «Манчестер Сити» турибди. «Барселона» 9 нафар вакилга эга, «Атлетико» ва «Ювентус»дан эса 7 нафардан футболчи танланди.
- Умумий очколар ҳисоби бўйича 12 нафар футболчи қолганларни анча ортда қолдирди.
- Жулио Сезар, Нуну Гомеш, Зико, Марио Кемпес ва Хавьер Занетти каби футбол юлдузлари экспертлар қаторидан жой олишди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
