Бази футболчилар 30 ёшдан ўтгач кериерасини тугатиш ҳақида ўйлаб қолади. Базилар эса айнан шу ёшда савиясизроқ лигаларда бўлса ҳам тўп тепиш учун дунё кезишни бошлаб юборишади. бугун шундай футболчилар ҳақида қисқача
Лусио
«Бавария», «Интер» сингари гранд жамоалардаги ўйинлари билан ҳаммамизнинг ёдимизда қолган футболчи ҳали ҳам бутсаларини михга илмаган десак ишонасизми? Дарҳақиқат, бунга ишониш қийин. Лусио аввалига Ҳиндистон чемпионатида ўзини бир неча йил синаб кўрди. Кейинчалик Бразилиянинг 3-дивизон вакилли сафига бориб қўшилди. Ҳозир қаҳрамонимизнинг ёши 50 га етганда юртининг 4-дивисион жамоаси шарафини ҳимоя қилмоқда. Ҳақиқатдан ҳам унинг ишлари таҳсинга сазовор.
Юсси (Йосси) Бенаюн
«Челси» ва «Ливерпул» жамоалари шарафини ҳимоя қилган исроиллик футболчини танисангиз керак. У АПЛ жамоаларида кўриниш бериб турдию, бирданига йўқ бўлиб қолди. Бенаюн 1 йил футболдан узоқлашди ва яна футболга қайтди, фақат энди АПЛ да эмас ўз юрти жамоалари сафида кўриниш берди. Шу кунгача Бенаюн Исроил чемпионатининг 6 та жамоасида тўп суришга улгурди. Унинг ёши 38 да бўлишига қарамасдан, қаҳрамонимиз футболни тарк этишни ҳаёлига ҳам келтирмаяпти. Исроилнинг «Байтар» клуби билан унинг шартномаси бор. Катта эҳтимол билан бу клуб унинг кариерасидаги сўнггиси эмас.
Тим Кеҳилл
Австралия футболининг тирик афсонаси ҳали ҳам катта футболни тугатганича йўқ. «Эвертон» жамоаси билан ҳайрлашган қаҳрамонимиз «Неw Ёрк Ред Булс» жамоасида бир неча йил ҳаракат қилди. Айнан шу жамоа унинг кариерасидаги сўнгги клуб дея таҳмин қилинаётганди. Тим кутилмаганда Ҳиндистон чемпионатига йўл олди. Ҳозирда у «Жамшудпур» жамоаси шарафини ҳимоя қилмоқда. Ҳа, айтганча, ҳозирда қаҳрамонимиз 40 ёшда бўлса ҳам, Ҳиндистон чемпионатида йўқолиб қолмаяпти.
Самуэл Это'о
«Челси», «Барселона», «Интер» сингари гранд жамоаларда тўп сурган қаҳрамонимиз ҳали ҳам «ризқини териб юрибди». Фаолияти мобайнида 3 та ЧЛ кубоги ва бир нечта чемпионатлар ғолиблигини қўлга киритган Самуэл ҳозир Қатарнинг «Қатар СК» жамоаси шарафини ҳимоя қилмоқда. 39 ёшга қараб кетаётган Африканинг 4 карра энг яхши ўйинчиси арабларнинг пулларини беҳижолат қўлга киритмоқда. Этўо фаолиятини ҳали бери тугатмаса керак. Сабаби, унга ҳали эҳтиёж бор. Эҳтиёж бор экан, демак, Этўо футбол ўйнашдан ҳали бери тўхтамайди.
Бонус
Диего Форлан ва Димитар Бербатов
Бу икки футболчи ҳозирда эркин агент сифатида ҳар қандай таклифларни кўриб чиқишмоқда. Форланнинг сўнгги жамоаси Ган-конг клуби бўлган бўлса, Бербатов Ҳиндистон чемпионати вакили билан шартномани узайтиришни хоҳламади. Бу футболчилар исталган ўзбек клубларини бемалол кучайтира олишади.
Бизнинг клубларнинг трансфер сиёсатига ҳеч тушунмайман. Наҳот, футбол оламидаги шундай юлдузларни Ўзбекистон диёрига олиб келиш фикри уйғонмаган бўлса. Бербатовку майли, Форлан ёши ўтиб қолган бўлсада, формасини йўқотмаган. Фамилияси вич билан тугайдиган легионерлардан кўра анча фойдалироқ футболчи эканлиги аниқ. Унинг маҳорати бизнинг ёш футболчилар учун маҳорат мактабини ўтаб бериши ҳеч кимга сир эмас. Форлан ўзининг сўнгги мавсумида Ганг-конг чемпионатида тўп урар бўлганини ҳисобга олсак, у футбол билан ҳамон проффисионал шуғулланмоқда. Унинг ўзбек клубларида тўп суриши биз учун фақат фойдадан ҳоли бўлмас эди. Билмадим, балки мен футболни у қадар яхши тушунмасман?! Яна ким билади дейсиз?!
Яҳёхўжа Улуғхўжаев
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
