Ўзбекистон олимпия терма жамоаси Тошкентга қайтиб келди
Аввал хабар бериб ўтганимиздек, Ўзбекистон олимпия терма жамоаси 14 февраль куни Испанияда йиғинга киришган эди. Терма жамоа аъзолари у ерда 25 февралга қадар машғулот олиб боришди.
Йиғин давомида футболчиларимиз Швейцариянинг "Делемон" (2:2) ва Грузиянинг "Локомотив" (3:2) жамоаларига қарши ўртоқлик ўйинлари ўтказишди. Шундан сўнг Любинко Друлович бошчилигидаги Олимпия терма жамоаси Туркияда йиғинни давом эттирди. Туркиядаги йиғин давомида вакилларимиз "Истамбул Башакшеҳир" клубининг U-23 жамоасига қарши ўйин ўтказиб, 1:1 ҳисобида дуранг қайд этишди. Кеча футболчилар Туркиядаги йиғинни якунлаб, юртимизга қайтиб келишди.
Эслатиб ўтамиз, Ўзбекистон олимпия терма жамоаси шу йилнинг 22-26 март кунлари Тошкентда ўтказиладиган Осиё чемпионати саралашида иштирок этади. Терма жамоамиз аъзолари Осиё чемпионати йўлланмасини қўлга киритиш учун Тожикистон, Ҳиндистон ва Покистон терма жамоалари билан куч синашишади.
Манба: www.ufa.uz
Киритилди: 14:36, 04.03.2019. Ўқилди: 2343 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар