Профессионал бокснинг енгил (-61,23 кг) вазн тоифасида рингга чиқаётган ўзбекистонлик Равшанбек Умурзоқов (7-0, 6 КО) ўзининг навбатдаги жангида чемпионлик камари учун рингга чиқади. Бу ҳақда GoSport.uz интернет-нашри манбалари хабар бермоқда.
Унга кўра, Умурзоқов 13 апрель куни филиппинлик Роберто Гонсалесга (28-4, 17 КО) қарши жанг қилади. Мазкур тўқнашув WBA Asia чемпионлик камари учун кечади. Жанг Молдова мамлакатидаги Енгил атлетика ёпиқ манежида бўлиб ўтиши режалаштирилган.
Маълумот учун, 28 ёшли Гонсалес турли йилларда 4 марта минтақавий чемпионлик камарлари учун рингга чиққан, бироқ уларнинг иккитасида мағлуб бўлган бўлса, иккитасида ғалаба қозонган.
Эслатиб ўтамиз, Равшанбек Умрзоқов сўнгги марта 22 февраль куни Екатеринбургда бўлиб ўтган бокс оқшомида рингга чиқиб, бошқа бир филиппинлик боксчи Римар Метудани (12-5-1, 7 КО) 4 раундда нокаутга учратиб, ғалаба қозонганди.
Матнда хатолик топсангиз, ўша хатони белгилаб, бизга жўнатинг (Ctrl + Enter).