Отабек Ғуломхўжаев мураббийлигидаги Ўзбекистон ёшлар терма жамоаси (U-19) сафидаги асосий футболчилар Тошкент клубларидан деган эътирозларни кўп эшитаман.
Ёшлар термасига номзод бўлган асосий футболчилар 46 нафар. Яна 23 нафар кузатувда бўлган футболчилар бор. ЎФА уларнинг ҳаммасини Жисмоний тарбия ва спорт вазирлиги рўйхатидан ўтказган. Яъни, исталган вақтда бу футболчилар йиғинларга жалб этилиши мумкин.
Мана шу асосий футболчиларнинг 15 нафари “Пахтакор” ва 13 нафари “Бунёдкор” футбол клубига тегишлидир. Демак, юқоридаги фикрда жон бордек. Бироқ мана шу 28 нафар футболчининг фақатгина 10 нафари Тошкент шаҳрига тўғри келади. Ёшлар термасига Тошкент вилояти (8), Наманган (6), Фарғона (5), Қашқадарё (4), Сирдарё (4), Андижон (3), Навоий (3), шунингдек, Бухоро, Хоразм, Жиззах вилоятлари 1 нафардан футболчи етказиб берган.
Кўринадики, 14 ҳудудий бирликнинг 11 тасидан аъзолар бор. Қорақалпоғистон, Сурхондарё ва Самарқанд ортда қолмоқда. Ҳудудий футбол академиялари 2-3 йилдан кейин мева беришни бошласа, бу вилоятлардан ҳам иқтидорлар чиқиши катта эҳтимол.
Нега Тошкент клубларида номзодлар кўпроқ? Айтиш керакки, уларнинг ҳаммаси ҳам Тошкентдан эмас. Шунчаки “Пахтакор”, “Бунёдкор” каби клубларида селекция ишлари нисбатан яхши йўлга қўйилган. Улар вилоятларга бориб, футболчиларни саралайди ҳамда Тошкентга олиб келади. Бу муҳим жиҳат. Пойтахтнинг мана шу икки клуби ёшлари билан қизиқиб кўрсангиз, футболчиларнинг 90 фоизи вилоятлардан эканига гувоҳ бўласиз. Ўзбекистон иқтидорлар қандайдир қишлоқ ёки ғорда қолиб кетадиган жой эмас. Ҳақиқий иқтидор у хоҳ имконияти чекланган оиладан бўлсин, хоҳ узоқроқ қишлоқдан, саралаб олинаверади. Бунга мисоллар кўп.
Ва яна бир муҳим жиҳатни унутмаслик керак, шароит бор жойда футболчилар ҳам тезроқ ўсади. Вилоятларда ҳам футбол ўйнаш учун имконият бўлиши муҳим омил. Шунинг учун вилоятнинг бош жамоасига ҳадеб урғу беравермай, болалар футболи ҳақида ҳам қайғуриш шарт. Чет элдан миллион мутахассис олиб келиш учун бизга анча бор. Биз биринчи галда болаларни майдонлар ва тўплар билан таъминлашимиз керак
Диёр Имомхўжаев
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
