Тошкент дербисини стадиондан кузатдим. Ўйин жуда қизғин кўриниш олган, жамоалар майдоннинг ҳар бир қаричи учун кураш олиб боришарди. Иккинчи бўлимнинг ўрталарига яқин «Бунёдкор» фан клуби аъзолари каттагина баннерни баланд кўтаришди. Унда «Пахтакор - 79» абадий қалбимиздасиз”,- дея ёзилганди. Тўғриси бир лаҳзага ўйин ҳам ёдимдан кўтарилиб ўй суриб қолдим…
Дадамнинг айтишларича, ўша мудҳиш воқеа хабари Ўзбекистонга келганида аввалига ҳеч ким ишонмаган, бироз вақт ўтгач эса бутун ўзбек халқи уввос тортиб йиғлаган экан. Шу қатори раҳматли бувим мўъжазгина ҳовлининг ўртасидаги каравотда ўтирганча кўз ёш тўкканларини ҳалигача тўлқинланиб айтиб берадилар. Яна айтишларича, қўшни қардошларимиз ҳам ҳудди ниманидир йўқотиб қўйгандек узоқ вақт карахт аҳволга тушиб қолишган экан.
1979-йилнинг 11 август санасида Тошкентда «Заря» клубини 3 : 1 ҳисобида доғда қолдирган «Пахтакор» Минскнинг «Динамо» клубига қарши сафар учрашувини ўтказиш учун отланган, халқимизнинг 17 та эркатой фарзандлари «ТУ-134» русумдаги самалиёт бортига чиққиб боришар эканлар бу уларнинг сўнгги сафари бўлиши мумкунлиги ҳақида ўйлаб ҳам кўрмаган бўлсалар керак. 11-август санасида Украина осмонида 8400 метр баландликда икки самолёт тўқнашиб кетади. Ўша кун ўзбек футболи тарихида абадий қора кун бўлиб қолди. Равил Агишев, Михаил Ан, Олим Аширов, Сирожиддин Бозоров, Константин Баканов, Юрий Загуменних, Шуҳрат Эшбўтаев, Александр Корчёнов, Николай Куликов, Владимир Макаров, Сергей Покатилов, Владимир Собиров, Идгай Тазтединов, Мансур Толибжонов, Владимир Фёдоров, Виктор Чуркин, Владимор Чуркин… бу футболчилар 11-август санасдида Белоруссияга учиб кетаётган футболчиларнинг тўлиқ рўйхати эди…
Энг ачинарлиси шундаки, бахтсиз ҳодиса туфайли футболчиларнинг таналари парчаланиб кетган эди. Оламдан ўтган футболчиларни Ўзбекистонга жўнатиш учун жўнатилган тобутларга жойлаштириш мақсадида жасадларни қидиш ишлари узоқ давом этади, аммо бесамар якунланади. Шунда учувчилар услубидан фойдаланилган экан.
Самолёт қулаган ердаги тупроқлар бир жойга йиғилиб, тобутларга солиниб, дафн маросимини ўтказиш учун Ўзбекистонга жўнатилади.
Самолёт эрта-индин Ўзбекистонга келишини эшитган халқимиз уйида ўтира олмай қолади. Қандай қилиб шундай пайтда уйда ўтириш мумкин?
Самолёт аэрапортга тонгда қўнишини билган мухлислар ўша тунни қўналға олдида ўтказишади. Ўзбек халқининг севикли фарзандларини сўнгги йўлга кузатиш учун келган одамлар кўчаларга сиғмай кетади.
Ўзбеклардан ташқари қўшни тожик, қозоқ, қирғиз, туркман оғаларимиз бу дардни ўзлариникидек билиб халқимизнинг оғир кунида елкама-елка туришгани тахсинга сазовор… Самога сочилган 17 юлдузнинг тобутлари Ўзбекистонга келтирилганда ҳамма энг яқин инсонини йўқотгандек кўзларидаги ёшларни тўхтата оламй қолган экан. Футболчиларнинг тобутлари халқимизнинг меҳнатда қорайган қўлларида дарёда сузиб кетаётган солдек сўнгги манзилига ошиқарди.
Кейинчалик ўтказилган «Динамо Минск» ва «Пахтакор» ўртасидаги учрашувда халқимиз жамоасининг ўринбосарлари майдонга тушишади. Ўша даврларда Собиқ Иттифоқнинг энг кучли клубларидан бири бўлган «Динамо Минск» ўша учрашувда йирик ҳисобда енгилиб беради. Ҳаммасини тушунуб турган мухлислар учрашув якунлангач, ўринларидан туирб, кўзда ёш билан футболчиларни узоқ вақт олқишлаб туришади…
Бу воқеалар қарийиб 40 йил аввал бўлиб ўтган бўлсада, Оталаримиз хотираларидан ҳозирги кунимизгача бир лаҳза ҳам ўчмасдан етиб келди. Исталган ўзбекдан ушбу воқеа ҳақида сўранг. У ўйлаб ўтирмай жавоб беради. Сабаби, «Бунёдкор» фан клубининг баннерида ёзилганидек, улар ҳар бир ўзбекнинг юракларида абадий қолажак!
Яҳёхўжа Улуғхўжаев
Матнда хатолик топсангиз, ўша хатони белгилаб, бизга жўнатинг (Ctrl + Enter).