Яқинда бу икки феноменнинг қай бири кучли деган савол билан собиқ «Галлактикос» футболчиларига юзланган эдик. Энди навбат «Барселона» клубининг фахрийларига.
Карлес Пуйоль
Футболда жамоавий натижа ҳамма нарсадан муҳим деб ҳисоблайман. Агар танлаш керак бўлса, мен Мессини танлайман. Сабаби, у ўз ўйини билан жамоага Роналдуга нисбатан кўпроқ фойда келтиради. Криш буюк футболчи, аммо жамоавий ўйинда Месси ундан устунроқ. Шу сабабли, менЛеони энг кучли футболчи деб биламан.
Этo'о
Шу ҳам саволми? Қандай қилиб энг кучли футболчини бу сўровнома орқали аниқлаш мумкин?Аҳир дунёнинг энг кучли футболчиси Роналдиноку?! Месси менга ўз ўғлимдек бўлиб қолган. Сабаби, у менинг кўз олдимда улғайди ва футболчи бўлиб етишди. Месси ва Роналду тенгсиз йигитлар, лекин мен учун иккисидан кўра Роналдино кучлироқ. Нега дейсизми? Роналду ва Месси тўпни нима қилишни билмай қоладиган вазиятни Рони голга айлантира оладиган даражада маэстро эди. Афсус, у футбол билан жиддий шуғулланмади. Танлаш керак бўлса, мен учун икки йигит ҳам бир хил даражадаги футболчилар.
Ривалдо
.jpg)
Португалиялик футболчининг ўйинларини алоҳида қайд этишимиз жоиз. Унинг феномен эканлигига ҳеч кимда шубҳа йўқ, бироқ шахсан мен учун Месси биринчи рақамли футболчи. У тўп билан Кришга нисбатан кўпроқ муомала қилади. Ўйлашимча, Мессида яна «Олтин тўп» соврини бўлади ва у ким биринчи рақамли футболчи эканлигини ҳаммага кўрсатиб қўяди.
Дани Алвез
Криш меҳнаткаш йигит. У ҳаётда эришган ютуқларининг ҳаммасига айни ўз устида тинимсиз ишлагани учун эришган, бироқ Месси яратган томондан берилган иқтидор эгаси. У ўз ўйини билан ҳисобга таъсир эта олади. Ёдимда, биз Испания чемпиони бўлганимизда Роналду примерода «тўп урар» бўлган эди. Энг қизиги шундаки, кўплаб журналистлар Роналду индивидуал совринни қўлга киритгани учун бизни танқид қилишган эди. Криш ўзини доим биринчи планга қўяди. Леога эса доим саҳна ортида қолиш маъқул. Месси фойдалироқ бўлгани учун уни эътироф этаман.
Деко
Бу савол менга қийинчилик туғдирмайди. Сабаби, мен учун Иниеста иккисидан ҳам кучлироқ. У бемалол 3 ё 4 бор «Олтин тўп»ни қўлга киритиши мумкин эди, лекин супер юлдузларнинг персонал мухлислари бунга йўл қўймади. Унинг камтарлиги «Олтин тўп» совринидан бебаҳра қолиб кетишига олиб келди. Шундай бўлса ҳам, футбол олами уни бутун умрга ёдида сақлаб қолишига аминман. Саволга келадиган бўлсак, Криш Мессига қараганда жисмонан бақувватроқ, Лео чаққонроқ, умуман олганда иккала мега юлдузнинг даражаси бир хил, аммо мен учун энг кучли футболчи бу Иниеста!
Мақоланинг 3-қисмида нейтрал футбол афсоналари орасида ўтказилган сўровномани эътиборингизга ҳавола этамиз. Бизни ўқишда давом этинг!
Я.У
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
