Зайниддин Зиданнинг жамоа постига қайтиши айтарли ҳеч нарсани ўзгартирмаган бўлсада, кейинги мавсумдан мухлисларнинг умиди катта. Зидан навбатдаги мавсум олдидан бир нечта футболчилар билан хайрлашмоқчи эканлигини яшириб ўтирмаябди. Энди «Реал Мадрид»га қайси футболчилар керак эмас? Айнан шу саволга жавоб излаб кўрамиз
Гарет Бйл
Уэльслик футболчи ҳозирги кунда клубдаги энг катта маош оладиган футболчи саналади. Унинг трансфери қироллик клуби тарихидаги энг каттаси бўлсада, энг омадлиси дейиш бироз ноўрин. Роналдунинг кетиши Бейлга ўзини кўрсатиш учун имконият яратиб бериши кутилган эди, аммо бундай бўлиб чиқмади. Бейл бу мавсумда 14 та гол киритган бўлсада, бу жамоа етакчиси учун камлик қилиши ҳаммага аён. Ҳозирда унинг трансфермаркетдаги нархи ҳам чакки эмас. Шундай экан, футболчини сотиб юбориш ортидан «Реал Мадрид» катта талофат кўрмаслиги аниқ. Боз устига ёзда ҳарид қилиниши кутилаётган Эден Азар ёки Мбаппелардан бири келадиган бўлса, Бейл заҳирада қолиши аниқ. Ҳафтасига 400 минг евро маош оладиган заҳира ўйинчиси замонавий футболда исталган клубга оғирлик қилиши тайин.
Тони Кроос
Бир қарашда Кроос жамоага ҳали керакдек кўриниши мумкин, аммо ЖЧдаги омадсизлик ва «Реал Мадрид»даги кризис футболчини руҳан чўкиб қолишига сабаб бўлди. Зидан Эриксонни Мадридга олиб келса, Кроосга ортиқча хожат қолмадйи. Бу мавсумда футболчи атиги бир бор дарвозани ишғол қилган бўлса, 4 бор голли узатмани амалга оширди ҳолос. Унинг трансфермаркетдаги нархи баланд эканлиги, унинг трансфери эвазига ёш ва ғалабага чанқоқ футболчини ҳарид қилиш имкониятини беради.
Марсело
Бразилиялик футболчи бир неча йиллар супер формада бўлган бўлсада, аста-секинлик билан унинг ўйинларида пасайиш кузатилмоқда. Бу мавсумда футболчи ўз қанотидаги ишончсиз ўйинлари эвазига асосий таркиб учун имкониятни Регилионга бой бериб қўйди. Зидан Марселони асосий таркибга қайтаришга уруниб кўрган бўлсада, аввалги даражасига олиб чиқишни уддасидан чиқа олмаса керак. Футболчининг ўзи «Ювентус»га ўтиб кетишга қарши эмас бўлиб кўрингани билан унинг кейинги клуби катта эҳтимол билан «ПСЖ» бўладиганга ўхшаб турибди. «Даилй Миррор» нашрининг хабар беришича футболчининг агенти ҳозирда Парижда эмиш. «Реал Мадрид» уни сотиб юбориш эвазига имкониятлари очилиб бораётган Регилоинга ўйин амалиётини тақдим этиш имконига эга бўлади.
Серхио Рамос
Кўпчилик бу фикрга қўшилмаслиги мумкин, аммо статистика ўз сўзини айтади. Кейинги мавсумда 34 ёшни қаршилайдиган футболчи аввалги тезлиги ва жанговарлик ҳусусиятларини йўқотганига анча бўлган эди. «Реал Мадрид»нинг фантастик ўйинлари эвазига ҳимоядаги хатолар кўзга ташланмас, бир қарашда ҳаммаси жойидадек кўринган эди. Бу мавсумдаги омадсиз ўйинлар эвазига ҳимоядаги хатолар яққол кўриниб қолмоқда. «Примерода» «Реал Мадрид» ўртамиёналардан ҳам кўпроқ тўп ўтказиб юбораётгани сўзимизга исбот бўла олади. Рамоснинг ноўрин қизил карточкалари ва ҳокимиятга интилувчи ҳарактери «Реал»нинг фойдадан кўра зарарига ишламоқда. Бежизга Зидан келиши билан «Порту» марказий ҳимоячиси Эдер Милитанни ҳарид қилмади. Бундан ташқари Зизу Варанинг қолиши учун қўлидан келган ҳамма ишни қилмоқда. Агарда Эдер Милитан ва Варан жуфтлиги ишга тушадиган бўлса, «Реал Мадрид» ҳимоядаги ўйинини кучайтириши аниқ. Шундай экан Рамоснинг клуб олдидаги буюк ҳизматлари учун минатдорчилик билдирган ҳолда келажак ҳақида қайғуриш керак. Акс ҳолда кейинги мавсумда ҳам клубда ички низолар пайдо бўлмайди деб ҳеч ким кафолат бера олмайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
