Ҳозирда Валверденинг клубдан кетиши борасида ишончли манбаъалар хабар бермоқда. Дарҳақиқат, униг клубда қолишидан маъни йўқ. Хўш унинг ўрнини ким эгалайди? Бу саволга бугун жавоб излаб кўрамиз.
Эрик Тен Хаг
Голландиялик мураббий бу мавсумни ажойиб ўтказди ва омма эътиборига тушди. Унинг ўйин фалсафаси ва тактик қарашлари «Барселона»га идеал мос тушиши турган гап. Эрик вақтида Хосеп Гвардиоланинг услубини ўрганиш мақсадида «Бавария» клубида фаолият олиб боргани ҳақида аввалги мақолаларда келтириб ўтган эдик. Унинг футболга бўлган қараши Гвардиолани эслатиб юборади. «Барселона»ни янги даражага кўтара олган Гвардиолани ортга қайтаришнинг иложи йўқ эканлиги кундек равшан. Шундай экан, унинг услубидан фойдаланадиган янги иқтидор эгасига ишонадиган пайт келмадимикин? Голландиялик мураббий Валвердедан фарқли ўлароқ ҳужумкор ва томошабоп футбол тарафдори! Унинг доимо 4-3-3 тактикасидан унумли фойдаланиши, «Барселона»га янада қўл келиши мумкин. Умуман олганда, Эрик тен Хагнинг катта клубларда ишламаганлиги панд бериб қўймаса, у «Барселона» учун яхши вариянт!
Роберто Мартинез
Бельгия терма жамоаси мураббийи мега юлдузлардан жамоа туза олди ва 2018-йилда бўлиб ўтган мундиалда кичик шов-шув кўтара олди. Унинг супер юлдузларнинг бирортасига суянмасдан умумий жамоа туза олиш қобилиятига гап-сўз бўлиши мумкин эмас. Боз устига, унинг ҳужумкор футбол тарафдори эканлигини унга бўлган қизиқишини янада ошириши тайин. Муҳими шундаки, мураббийнинг ўзи ҳам «Барселона»да ишлашни истамоқда. Мартинез жамоага янги услуб ва янги қон олиб кириши кутилмоқда. Бельгия терма жамоаси устози катта турнирларсиз зеркиб қолишдан кўра, ўз кариерасининг пик нуқтага олиб чиқиш имконига эга. Кўрамиз воқеалар ривожи қандай якунига етар экан.
Кике Сетьен
«Реал Бетис» мураббийининг топқирлиги ва ҳужумкор тактикаси кўплаб футбол мутахассисларида илиқ тааъссурот қолдирди. Тўғри, клуб кўзга кўринарли ўринни қайд эта олмади, бироқ «Реал Бетис»нинг молиявий аҳволини инобатга олсак, бу ажойиб натижа. Кике Сетан ва унинг шогирдлари мавсумнинг сўнгги ўйинида «Реал Мадрид» устидан ғалаба қозонгани, мураббийнинг потенциалга эга эканлигидан далолат. Ҳозирда Кикега бир нечта Испаниянинг гранд клубларидан қизиқиш мавжуд. Айниқса, «Севилия» унинг хизматларига қизиб қолган. «Мундо Депортиво» нашри айнан Кикени «келажак мураббийи» деб атамоқда ва Валверденинг ўрнини эгаллаши шарт бўлган шахс деб атади!
Унинг машҳур бўлмаган номи ва футболга ўзгача қараши аросатда қолган «Барселона»ни қийин аҳволдан олиб чиқиб кетиши мумкин. Кўрамиз клуб «Реал Бетис»нинг мураббийига ишонч билдирармикин ёки тажрибалироқ мураббийлар хизматидан фойдаланишни авзал кўрармикин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
