Hozirda Valverdening klubdan ketishi borasida ishonchli manba’alar xabar bermoqda. Darhaqiqat, unig klubda qolishidan ma’ni yo‘q. Xo‘sh uning o‘rnini kim egalaydi? Bu savolga bugun javob izlab ko‘ramiz.
Erik Ten Xag
Gollandiyalik murabbiy bu mavsumni ajoyib o‘tkazdi va omma e’tiboriga tushdi. Uning o‘yin falsafasi va taktik qarashlari «Barselona»ga ideal mos tushishi turgan gap. Erik vaqtida Xosep Gvardiolaning uslubini o‘rganish maqsadida «Bavariya» klubida faoliyat olib borgani haqida avvalgi maqolalarda keltirib o‘tgan edik. Uning futbolga bo‘lgan qarashi Gvardiolani eslatib yuboradi. «Barselona»ni yangi darajaga ko‘tara olgan Gvardiolani ortga qaytarishning iloji yo‘q ekanligi kundek ravshan. Shunday ekan, uning uslubidan foydalanadigan yangi iqtidor egasiga ishonadigan payt kelmadimikin? Gollandiyalik murabbiy Valverdedan farqli o‘laroq hujumkor va tomoshabop futbol tarafdori! Uning doimo 4-3-3 taktikasidan unumli foydalanishi, «Barselona»ga yanada qo‘l kelishi mumkin. Umuman olganda, Erik ten Xagning katta klublarda ishlamaganligi pand berib qo‘ymasa, u «Barselona» uchun yaxshi variyant!
Roberto Martinez
Belgiya terma jamoasi murabbiyi mega yulduzlardan jamoa tuza oldi va 2018-yilda bo‘lib o‘tgan mundialda kichik shov-shuv ko‘tara oldi. Uning super yulduzlarning birortasiga suyanmasdan umumiy jamoa tuza olish qobiliyatiga gap-so‘z bo‘lishi mumkin emas. Boz ustiga, uning hujumkor futbol tarafdori ekanligini unga bo‘lgan qiziqishini yanada oshirishi tayin. Muhimi shundaki, murabbiyning o‘zi ham «Barselona»da ishlashni istamoqda. Martinez jamoaga yangi uslub va yangi qon olib kirishi kutilmoqda. Belgiya terma jamoasi ustozi katta turnirlarsiz zerkib qolishdan ko‘ra, o‘z kariyerasining pik nuqtaga olib chiqish imkoniga ega. Ko‘ramiz voqealar rivoji qanday yakuniga yetar ekan.
Kike Setyen
«Real Betis» murabbiyining topqirligi va hujumkor taktikasi ko‘plab futbol mutaxassislarida iliq taa’ssurot qoldirdi. To‘g‘ri, klub ko‘zga ko‘rinarli o‘rinni qayd eta olmadi, biroq «Real Betis»ning moliyaviy ahvolini inobatga olsak, bu ajoyib natija. Kike Setan va uning shogirdlari mavsumning so‘nggi o‘yinida «Real Madrid» ustidan g‘alaba qozongani, murabbiyning potensialga ega ekanligidan dalolat. Hozirda Kikega bir nechta Ispaniyaning grand klublaridan qiziqish mavjud. Ayniqsa, «Seviliya» uning xizmatlariga qizib qolgan. «Mundo Deportivo» nashri aynan Kikeni «kelajak murabbiyi» deb atamoqda va Valverdening o‘rnini egallashi shart bo‘lgan shaxs deb atadi!
Uning mashhur bo‘lmagan nomi va futbolga o‘zgacha qarashi arosatda qolgan «Barselona»ni qiyin ahvoldan olib chiqib ketishi mumkin. Ko‘ramiz klub «Real Betis»ning murabbiyiga ishonch bildirarmikin yoki tajribaliroq murabbiylar xizmatidan foydalanishni avzal ko‘rarmikin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
