Ҳозирда кўплаб ёш футболчиларнинг кумирига айланган футболчилар ҳам қачонлардир болакай бўлишган ва зангори экрандаги қайсидир футболчининг ўйинларидан мисилсиз завқ олишган. Энг қизиғИ шундаки, ўша болакайларнинг баъзиларига ўз севган футболчиси билан бирга ишлаш насиб этди.
Бугун замонавий футбол оламидаги энг машхур футболчиларнинг кумирлари ҳақида сўз боради.
Эден Азар
Бельгиялик футболчи бундан 2 йил аввал «Талькспорт» нашрига берган интервьюсида ўз кумири ҳақида шундай деган эди: «Мен Зайниддин Зиданнинг ўйинларини томоша қилиб катта бўлганман. Зиданнинг майдонда тўп билан кўрсатган дрибблинг ва финтларини албатта кўчада ёки машғулотларда синаб кўришга урунар эдим. Баъзан тўпни олдириб қўяверганим учун жамоадошларимдан ҳам гап эшитганман. Тўғриси, у бажарган айрим дриблингларни ҳалигача қайтара олмаяман. Шунинг ўзиёқ Зиданнинг нақадар буюк футболчи бўлганини билдиради»
Қизиқ а? Эндиликда футболчи ўз орзусидаги футболчи билан бир жамоада ишлаш бахтига муяссар бўлади. Футболни тушунадиган инсонлар учун бу қанчалар ёқимли ҳолат эканлигини тушунтириш шарт эмас.
Неймар
Дунёнинг энг қиммат футболчиси саналадиган Неймар ёшлигида Робинонинг мухлиси бўлганини яшириб ўтирмайди. Неймар майдондаги нафис ҳаракатларини Робинога тақлид қилиш орқали ўзлаштирганини ҳам бир неча бор ОАВга айтиб ҳам ўтган. Энг қизиғИ шундаки, Робино Бразилиянинг «Сантос» клубини 2002-йилда тарк этган бўлса, Неймар аяни шу клубга 2003-йилда қабул қиланади. Кўп ўтмай Робино европадаги саёҳатларини якунлаб «Сантос»га қайтади ва Неймар ўз кумири билан бирга тўп суриш бахтига сазовор бўлади.
Тўғриси унинг кумири ким эканлигини билиш учун анчагина вақт сарфладик. Сабаби, Неймар сўнгги 5 йил давомида асосан баланд парвоз гаплар билангина ОАВда чиқиш қилган экан.
Роналду
Сўнгги 10 йил давомида Роналду ушбу саволга доимо бир ҳил жавоб қайтариб келган. Унинг айтишича Криш ёшлигида ҳеч кимнинг мухлиси бўлмаган ва унда кумир ҳам йўқ. Ваҳоланки, футболчи «Манчестер Юнайтед»га ўтган чоғларида инглиз журналистларидан бирига Луиш Фигу ва Руи Косталарнинг ўйинларидан завқ олиб катта бўлгани ҳақида тўлқинланиб сўзлаб берган экан. Тўғриси, бу ҳолатга ҳамма ҳар хил изоҳ бериши мумкин. Шу сабабли, бу мавзуни очиқ қолдирамиз.
Лео Месси
Уни майдондаги фантастик ҳаракатлари ва эришган ютуқлари учун кўпинча Марадонага қиёслашади. Футболчининг ўзи эса ёшлигидан Пабло Аимарнинг мухлиси эканлигини айтишдан сира тортинмайди. Пабло камтарин ва босиқ инсонлиги учун ҳам Месси терма жамоада айнан уни ўз акасидек кўришини кўп бор айтиб ўтган эди. Улар ўртасидаги муносабат ҳалигача давом этмоқда.
Месси у ҳақида шундай деган эди:
«Пабло ўз даврида ўта чаққон ва ақл бовар қилмас даражада иқтидорли футболчи эди. Афсуски, уни жароҳатлар мутлоқ синдирди»
Ибраҳимович
Златан ўз кумири ҳақидаги саволларга доимо Сўйлоқ дея жавоб қайтаради. Дарҳақиқат, Роналда ўз даврининг энг кучли футболчиси эди. У майдонда амалга оширган ишларини ҳозирги кунга қадар бошқа ҳеч ким уддасидан чиққанича йўқ.
Златан ўзи ҳақида ёзган «Мен Златан» номли китобида Роналда ҳақида шундай деган эди : «У ақл бовар қиламас ўйинчи. Қасам ичаман-ки, мен бунақа футболчини бошқа кўрмаслигимни биламан. Мен шу кунга қадар жуда оз инсонларнигина ўзимдан баландга қўйганман. У ана шундайлардан бири»
Ўзини ҳамма нарсадан устун қўювчи Ибранинг бу иқтибосидан сўнг шуни англаш мумкин-ки, Роналда ҳақиқатдан ҳам тенгсиз ўйинчилардан бири бўлган ва шундайлигича жуда узоқ муддат одамларнинг ёдида қолади.
Серҳио Рамос
Испания футболи ва «Реал Мадрид» клубининг афсонаси Серҳио Рамос Паоло Малдинининг персонал мухлиси эканлигини кўпчилик билмаса, ажаб эмас. Гап шундаки, Рамос ҳар доим ҳам бу мавзуда суҳбатлашишни истайвермайди. У қанот ҳимоячиси амплуасини танлаганини ҳам айнан Паолога ўхшашни истагани билан изоҳлаган эди. Рамоснинг танловига қойил қолмасдан иложинг йўқ!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Испания
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
