Хабарингиз бор, Роналду «Ювентус» клубига «Челси» клуби устози Саррининг бош мураббий этиб тайинланганидан норози бўлди. У ўзининг сўнгги интервьюларидан бирида очиқчасига италиялик мутахассисни танқид қилди ва жамоадан кетиши мумкинлигини айтиб ўтди. Бугун айнан шу мавзуда «Ювентус» футболчиларининг фикрлари билан қизиқиб кўрдик.
Сарри
Менга «Ювентус»дек буюк клубга устозлик қилишдек бахт насиб этганидан бағоятда хурсандман. Лондондаги фаолиятим давомида мен фақат уй ҳақида ўйладим ва энди уйдаман! «Юве»нинг янги мавсумдаги режалари ўзгарганича йўқ. Биз келаси мавсум ҳам ҳамма турнирларда ғолиб чиқиш учун жанг қилишни бошлаймиз. Айниқса сафимизда Роналдудек йиртқич бор экан, бизга бу ишнинг уддасидан чиқиш анчагина осонроқ бўлади. Унинг кетиши ҳақидаги миш-мишларга эътибор бермаяпман. Сабаби, Кришнинг клуб билан шартномаси бор ва у Италияда ўзини яхши ҳис қилмоқда. Умид қиламанки, биз у билан ҳамма нарса ҳақида гаплашиб оламиз ва тушунмовчиликларни бартараф эта оламиз.
Леонардо Бонуччи
Криш бизга ҳужумкорлик ва руҳий далда бера олган биринчи хорижлик футболчи сифатида хотирамизда абадий қолади. У жамоамиздаги барчанинг кайфиятини ўзининг самимий сўзлари билан кўтара олади. Айниқса, унинг машғулот ўтказишини томоша қилиш завқли! Ҳар бир машғулотдан сўнг унинг қўшимча машқларни бажараётганини кўрасан ва ўз-ўзидан сенда ҳам қўшимча машқлар учун истак уйғонади. Шундай кунлар бўладики, унинг жисмоний имкониятлари олдида ҳайратда қоламиз. У машина сингари тўхтовсиз ишлашда давом этади ва шахсан менинг унга бўлган ҳурматим чексиз.
Роналду Саррининг «Ювентус»га бош мураббий этиб тайинланганидан норози эканлигидан хабарим бор. Мен унинг хафа бўлганини тушунаман. Биз ҳам ҳудди у каби жамоамизнинг янги марраларни забт этишини истаймиз. Шундай бўлсада, умид қиламизки, бизнинг янги бош мураббийимиз ўзини яхши ҳислатларини бизга намоён қилади.
Кьелини
Мен 40 ёшгача футбол ўйнай олмаслигим мумкин, бироқ Роналду бемалол буни уддалай олади. У машғулотларга ҳаммадан олдин келгани учун эмас, бор кучи билан ишлагани сабабли буюк футболчи бўлиб етишган десам, адашамган бўламан. Тўғриси, унинг ўз устида ишлаши қолганларни ҳам меҳнат қилишга ундамоқда. У Италиядаги ҳаёт ритмига тушиб олди. Боз устига у Португалияни 2 бор қитъада тенгсиз қилди. Ишонаманки, у биз билан қолади. Агарда у кетадиган бўлса, биз жуда кўп нарсадан маҳрум бўламиз. Шу сабаб унинг қолиши учун ҳамма шароитни яратиб бериш керак деган фикрдаман!
Агарда Сарри унга керакли имкониятни ва вазиятни яратиб бера олмаса, клубнинг ишлари орқага кетиши ҳам ҳеч гап эмас!
Дибала
Мен Роналду билан бир жамоада тўп сураётганимдан хурсандман. У чемпион! У майдонда бажараётган ишлар бир қарашда осон кўрингани билан, аслида жуда қийин! Баъзида унинг қўлга киритган соврин ва ютуқларига қараб туриб ўйлаб қоламан, шундай камтарин бўлиш мумкинми?
Тўғриси, унинг кийиниш хонасидаги самимийлиги кўплаб йигитларга қўшимча куч бағишлайди. Роналдудан майдонда ҳам, унинг ташқарисда ҳам кўп нарса ўрганиш мумкин. Мен қисқа муддатда унга анчагина ўрганиб олдим. У кўзлаган мақсадига етмагунига қадар «Ювентус»ни тарк этмайди. У Туринга ЙЧЛни ютиш мақсадида келган. Айнан шу мақсадига етгачгина бошқа чақирувларни қабул қилиши мумкин. Сарри ҳақида эса бирон нима дея олмайман. У бизни кутилган ғалабага бошлаши шарт, акс холда биз ўз юлдузимизни йўқотиб қўйишимиз мумкин.
Марио Манджукич
Роналду ўзига ҳаддан ташқари катта баҳо беряпти деб ўйламанг. У шунга лойиқ йигит! Мен у ҳақида аввалари кўп эшитган бўлсамда, бу қадар психологик кучли инсон эканлигини билмас эдим. У майдонда экан, биз бир дақиқага ҳам концентрацияни йўқотмаймиз. Унинг руҳан етук инсон эканлиги жамоага ғалаба калити бўлиб ҳизмат қилишига ишончим комил! Сарри билан бўлган низо ҳақида бирон нима дейиш қийин. Ўйлашимча, Роналду бироз ён босиши шарт. Сабаби, биз Саррининг қандай мураббий эканлигини яхши билмаймиз. Унга вақт бериш керак. Роналду эса навбатдаги «Олтин Тўп» соврини учун янги мавсумда ЙЧЛни ютиши шарт!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
