Ушбу рукндаги энг янги ва энг қизиқарли маълумотларни сизлар билан баҳам кўришда давом этамиз.
«Манчестер Юнайтед» ҳимоячи сотиб олади
«Қизил иблислар» «Кристал Пэлас» клубининг 21 ёшлик ҳимоячиси Аарон Ван-Биссака учун 50 миллион фунт стерлинг таклиф этганидан хабарингиз бор. «Биллур Меҳмонҳона» раҳбарлари бу таклифни рад этишган эди. Бугун «Манчестер Юнайтед» расман 60 миллион фунт стерлинг таклиф қилди. Ҳозирча «Кристал Пэлас» жамоаси раҳбарлари ва «Манчестер Юнайтед» босслари ўртасида музокарлар кетмоқда. «The Sun» нашрининг хабар беришича, бу трансфер 99 фоиз ҳал бўлиб улгурган.
«ПСЖ» Неймарнинг нархини эълон қилди
Париж супер клуби ўз юлдузини жамоада олиб қолишнинг иложини топа олмагач, ундан мўмайгина пул ишлаб олиш пайига тушиб қолди. «Mundo Deportivo» нашрининг хабар беришича, «ПСЖ» Неймарнинг нархини 300 миллион евро қилиб белгилаб қўйди! Бундай трансферни амалга ошира оладиган клублар деярли йўқлиги сабабли Неймар бу мавсумда ҳам ўз клубида қоладиган кўринади.
Юқорида номи келтирилган маанбанинг хабар беришича, «Барселона» Неймар учун 100 миллион евро ва Ракитич, Умтити, Усман Дембеле сингари футболчиларни қўшиб беришга тайёр. «Барселона»дан ташқари «Реал Мадрид» хам Неймар учун ўз футболчиларини «ПСЖ»га таклиф қилишга тайёр. Воқеалар ривожи қизигандан қизимоқда!
Де Лаурентис Ҳамес ҳақида тўхталиб ўтди
Куни кеча «Наполи» клуби директори Де Лаурентис «Kis kis Napoli» радиостанцияси орқали жонли эфирда мухлисларнинг саволларига жавоб қайтарди ва Ҳамес Родригеснинг трансферига ҳам алоҳида тўхталиб ўтди.
“Ҳемес бу Анчелоттининг хоҳиши! Тўғриси, билмайман у бизга фойда келтирадими, ёки йўқми? Унинг иқтидорига ҳеч ҳам шубҳа қилаётганим йўқ. Менинг вазифам мураббийга ёрдам бериш. Агарда у бизга катта суммага айлансада, уни харид қилишдан қайтмаймиз. Сабаби, Карло уни сотиб олишимизни талаб қилмоқда!
Агарда Ҳемес ва унинг агенти билан келишувга эриша олмасак, бор эътиборимизни Лосанога қаратамиз. Умид қиламанки, унинг агенти Раёла икки томон учун ҳам қулай шартномани таклиф қилади.
Де Росси клубига содиқ!
Бу мавсумда «Рома» клуби билан тузган шартномаси ўз якунига етган Даниел Де Россига Италиянинг бир нечта клублари шартнома таклиф қилишмоқда. Улар орасида «Милан», «Фиоринтина» сингари жамоалар ҳам мавжуд. Футболчининг ўзи эса, «Рома»дан бошқа клубда ўйнамаслигини айтган.
«Спорт Италия» нашрнинг хабар беришича, футболчи ўзининг сўнгги мавсумларини МЛСда ўтказиш учун АҚШга йўл оладиган кўринади.
«Барселона» бир йўла икки ўйинчини сотиб юбориши мумкин
«Манчестер Юнайтед» клуби устози Оне Гуннар Сулшер асосий таркибни кучайтириш мақсадида «Барселона» клубининг икки футболчисни қўлга киритмоқчи. «Қизил иблислар» Католония супер клубининг Неймар трансфери учун кураш олиб бораётганидан унумли фойдаланиб қолмоқчи. Дон Балон нашрининг хабар берича, «Манчестер Юнайтед» Иван Ракитич ва Самедулар учун 115 миллион евро таклиф қилишган. «Барселона» Неймарни харид қилишни истаса, бу таклиф айни муддао бўлиши мумкин. Томонлар тез орада расмий музокарларга киришади деб хабар тарқатмоқда «Дон Балон» матбуот ҳизмати
«Рома» ўз юлдузининг нарихини эълон қилди
Римнинг «Рома» клуби ўтган мавсумнинг кашфиёти саналган Дзаниоланинг трансфер нархини эълон қилди. 19 ёшлик италиялик футболчи учун Рим клуби 70 миллион евро ишлаб олмоқчи.
Футболчи учун асосий даъвогар бўлиб турган «Тоттенҳем» клуби унинг трансфер суммасини бироз пасайтириш мақсадида ҳар-хил таклифлар бермоқда деб хабар тарқатмоқда «Calciomerkato» нашри.
Эслатиб ўтамиз, «Рома» Дзаниолани «Интер» клубидан Наинголлан трансфернинг бир қисми сифатида қабул қилган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Хоразм
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
