Бугун биз уни ўқувчиларимиз учун таржима қилдик. Эден Азарнинг «Реал Мадрид» клуби сафида илк бор берган интервьюси сизларга манзур бўлади деган умиддамиз.
«Реал Мадрид»даги илк соатлар қандай ўтмоқда?
- Тўғриси, бу менинг орзуйим эди. «Сантияго Бернабео»га келишим, мухлислар қаршисида янги жамоа либосида майдонга тушишим, буюк клубнинг футболчисига айланишим… Бир пайтлар ҳаммаси мен учун орзу эди…
Сен «Реал Мадрид» либосини илк бор кийиб майдонга чиққан чоғингда ичингдан қандай ҳислар ўтганини тасвирлаб бера оласанми? Сезган бўлсанг, бутун стадион сенинг номингни айтиб олқишлаб туришди!
- Бу оқ футболка мен учун кўп нарсани англатади. «Мадрид» мен учун дунёдаги энг кучли клуб. Ўзим севган жамоам либосида майдонга чиқиш ва мухлисарнинг қўллаб-қувватлаб туришларини ҳис қилишни тасвирлаб бера олмасам керак. Мен бу жамоа сафида тезроқ майдонга тушгим келмоқда.
Таништирув маросими сенда қандай таъсурот қолдирди?
- Биласанми, мен ёшлигимда кўрган футбол афсоналари менинг таништирув маросимимда қатнашганини ўзи мен учун катта бир ютуққа тенг! Балки, ўша инсонларнинг келгани сабаб, бироз ҳаяжонландим. Кейин ўзимни босдим ва ҳаммаси жойида эканлигини ҳис этдим. Ўйлашимча, ўша куни ўзимни яхши тутдим. (Кулади)
Қачондан бери «Реал Мадрид» сафида тўп суришни истаётган эдинг?
- Кўчамиз бошида футбол ўйнашни бошлаган чоғимдан бери! Ўша даврларда мен 4 ёки 5 ёшларда эдим, сўнгра кариерам давомида кўплаб клубларда тўп сурдим ва охири ўзим орзу қилган клубда тўп суриш имконига эга чиқдим.
«Реал» билан Қандай кубокни ютишни истайсан?
- Бу «қироллик клуб»и! Бу ерда иложи борича кўпроқ соврин ютиш ва тинимсиз ғалаба қозониш шарт! Бу жамоа деярли ҳар мавсумда бир нечта кубокларни қўлга киритишидан хабарим бор. Шундай экан, мен бу мавсумда қандай бўлсада, соврин ютишдан умидворман. Агарда биз майдонда бор кучимиз билан ҳаракат қиладиган бўлсак, истаган совринимизга эга чиқа оламиз деб ўйлайман.
«Реал Мадрид» деганда ҳаёлингга нима келади?
- (Кулади) Зиданнинг ЕЧЛ финалида «Баер» клуби дарвозасига урган фантастик голи!
Футбол ўйнаган чоғингда нимадан роҳатланасан?
- Мен майдонга тушганимдан, мухлисларни кўриб турганимдан завқланаман.
Сенинг ортингда ЕЧЛ мусобақасининг 13 та кубоги турибди. Бу совринларга яқин ўтириш қандай экан?
- Тўғрисини айтсам, мен бу кубокни ушлаб ҳам кўрмаганман. «Челси»да ўйнаб юрган чоғларимда мусобақанинг ярим финалигача бора олганмиз холос. Ҳозир уларни ўз кўзларим билан кўриш имкони мавжуд. Мен ҳеч қачон бу совринни ютмаганман. Ўйлашимча, менинг даврим келди ва мен бу совринни ютишим шарт.
Сен учун Зидан нимани англатади?
- Мен футболни айнан Зидандан завқланганим учунгина танлаганман. Биласанми, Бельгияда истиқомат қилган бўлсамда, Франция терма жамоасига мухлислик қилар эдим. Айнан Зидан шу терма жамоа сафида тўп сургани учунгина Франциянинг ғалабаларига қувонар эдим.
Сенинг терма жамоадаги дўстинг Куртуа «Реал Мадрид» ҳақида нималарни айтиб берди?
- У менга кўпроқ ижобий жиҳатлар ҳақида сўзлаб берди. Мен омадли инсонман. Сабаби, биз Куртуа билан яқин дўстмиз. Бу жуда ёқимли ҳолат. Ундан сўнги ҳафталар давомида жамоа ҳақида анча-мунча маълумотларни билиб олдим.
Сенинг интервьюнингни миллионлаб «Реал Мадрид» клуби мухлислари мутоала қилишларидан хабаринг бор. Вазиятдан фойдаланган ҳолда, уларга айтадиган сўзларинг бўлса, марҳамат
- Ҳаммага салом! Мени қўллаб-қувватлаб турганингиз учун раҳмат! Сизларни «Бернабео»да кўришни истайман. «Ҳала Мадрид»!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
