Ҳозирда бутун дунё Эден Азарнинг «Реал Мадрид» клуби сафига ўтгани борасида ўз фикрини билдирмоқда. Бугун эътиборингизга айнан шу мавзуда мураббийлар томонидан билдирилган фикрлар жамланган интервьюларни тақдим этамиз.
Фернандо Мариентос
Ҳеч ким Роналдунинг ўрнини боса олмайди. Ҳеч ким у билан тенглаша олмайди. Тўғри, Эден дунёнинг энг кучли футболчиларидан бири, лекин унинг жамоага келиши Кришни ўрнини тўлдира олмайди. Биринчи навбатда Эден Мадридга мошлашиб олиши ва ўз ўйинини намойиш этиши зарур. «Реал Мадрид» Азар сингари ҳужумкор футболчига муҳтож эди ва жамоа ўз нийятига эришди. Шундай бўлсада, Эденнинг «қироллик клуби»даги ўйинлари ёрқин бўлиши учун жамоа унга Роналдуга ишонганидек ишонмоғИ зарур.
Хосе Антонио Камачо
Азар - у топ футболчи бўлсада, унинг Роналду билан бирорта ўхшаш жиҳати йўқ. Роналду жарима майдончасида қотилдек ҳаракатланади. Уни тўхтатиб қолишнинг деярли иложи йўқ. Бундан ташқари Криш жамоанинг ғолиблик руҳига ва жамоадошларининг руҳан кучли бўлишларини таъминлаб берадиган кам сонли футболчилардан бири. Тасаввур қилинг, сизнинг жамоанингизда дунёнинг энг кучли футболчиси тўп сурмоқда. Албатта, бу футболчиларда қўшимча кучнинг ҳосил бўлишига сабаб бўлади.
Азар кучли футболчи бўлсада, у тўпурар эмас. У асосан жамоавий ўйинга жавоб берадиган футболчи. «Реал Мадрид» клуби таркибни кучайтиришда давом этиши зарур, ҳозирча жамоа аввалги даражасидан анча узоқда!
Висенте дел Боске
Мен Роналдунинг мухлиси эмасман. У билан бирга ишламаганман ва йўлларимиз ҳам сира туташмаган. Шундай бўлсада, шуни ишонч билан айтишим мумкин-ки, «Реал Мадрид» Роналдунинг ўрнини боса оладиган футболчини жамоага жалб қилмагунига қадар натижалар яхшиланмайди. Бу шундай клуб. У доимо етакчиларга муҳтож. Ҳозирги кунда «Реал Мадрид» клуби етакчиларсиз ўртамиёна клубга айланиб қолди.
Эден Азарнинг келиши вазиятни бироз юмшатсада, муаммога ечим бўла олмайди. «Реал Мадрид»да катта ўзгаришлар қилишнинг айни пайти!
Жозе Моуринё
Эден ажойиб йигит. У АПЛ клубларининг орзусидаги футболчи эди. «Реал Мадрид» клуби ажойиб трнасферни амалга оширди ва мен уларни бу билан табриклашим мумкин. Роналду? Уни Эден билан солиштириш мушкул. Нега дейсизми? Ахир Роналду ўзга сайёрадан келган ва уни ерликлар билан солиштириш ноўрин!
Почетино
Ўйлашимча, Эденга вақт керак. У жамоага мослашиб кетгунига қадар босимни енга олса, «Реал Мадрид» жамоасини олдинга чорлаши ҳеч гап эмас. «Қироллик клуби» ўз сафини яна кучайтириши аниқ. Сабаби, ўтган мавсумда улар ўз тарихларидаги энг ёмон мавсумлардан бирини ўтказишганининг гувоҳи бўлдик.
Кўплаб журналистлар Роналдунинг ўрнини Азар боса оладими дея савол беришни бошлаб юборишди. Уларнинг барчасига жавоб битта. Вақт, вақт, вақт…
Ҳаммаси учун вақт талаб этилади. Эден майдонга тушмасидан туриб бу унинг қўлидан келади ёки аксинчами, баёнот беришдан маъни йўқ. Вақт ўтиб унинг бор имкониятларини кўриб олишга муваффақ бўламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).