Лионел Месси терма жамоадаги фаолиятини якунлаш борасида кичик интервью берди. Унинг сўзлари интернет оламида катта шов-шув кўтарди ва бошқа футболчилар ҳам унинг қарорига фикр билдирди. Бугун эътиборингизга Мессининг фикрларини, сўнгра унинг дўстлари томонидан берилган интервьюни тақдим этамиз.
Месси
Бу турнир биз учун жуда оғир ўтди. Бунга бир нечта сабабларни санаб беришим мумкин. Тан олиш керак, мен ўзимдан кутилган футболни намойиш эта олмадим. Жамоамиз мусобақага яхши тайёрланмагани сезилиб қолди. Бразилияга қарши учрашувда ўзимизни оқлаш учун бир нечта сабаблар бўлсада, мағлубиятни тан олиш ҳам мардлик дегани. Учрашув якунланди ва энди ҳеч нарсани ўзгартириб бўлмайди. Ўйлашимча, бизни танқид қилиш эмас, балки ҳурмат қилишлари зарур. Бу жамоа учун вақт керак. Ҳозирги Аргентина ўсишда давом этса, кучли жамоага айланиши аниқ. Менинг бу жамоа сафида келажакда бўлишим савол остида турган масала. Қувонарлиси шундаки, бу йигитлар менсиз ҳам ўсишда давом этишмоқда. Мен ишонч билан терма жамоада қоламан деб айта олмайман. Ҳаммаси менинг жисмонан ва руҳан тайёргарлигимга боғлиқ. Ҳозир бу ҳақида ўйлашни ҳам истамайман. Ҳаммаси шу ерда тугагани маъқулдек гўё… Энди бор эътиборимни клубимга қаратаман.
Артур
Мен қитъа чемпионатининг финалида майдонга тушаётганимдан жуда хурсандман. Бу биз учун жуда муҳим мусобақа. Биз ўз мухлисларимизни шод қилмоқчимиз.
Аргентинага қарши кечган бахсда бизга омад кулиб боқди. Агарда Мессининг зарбаси дарвоза тўсинига тегмаганида, ҳаммаси бошқача бўлиши мумкин эди.
Ҳакамлар борасида гапирмоқчи эмасман. Кўпинча ҳакамларнинг қарори ҳаммага ҳам ёқавермайди. Бу футбол ва унда ҳамма нарса бўлиши табиий хол. Мессининг терма жамоадан кетиши борасидаги сўзларини эшитдим. Менимча бу қарор нотўғи. Унинг терма жамоаси учун фойдаси ҳали кўп тегиши аниқ. Унда ҳали ўзини кўрсатиш учун имкониятлар мавжуд.
Френки де Йонг
Мен «Копа Америка» мусобақасини кузатиб боряпман. Бу жуда қизиқ турнир. Унда дунёнинг энг кучли футболчилари тўп сурмоқда. Уларнинг ҳаракатларини кузатган ҳолда, нимадир ўрганишга, ниманидир аниқлаштириб олишга муваффақ бўлишни истайман. Ярим финалда Аргентинага мухлислик қилдим ва Мессининг финалда ўйнашини жуда истадим. Натижадан қониқмаган бўлсамда, Аргентина термасининг ўйинларидан кўнглим тўлди. Таблодаги ҳисобга қарамасдан ўша куни улар ёрқинроқ учрашув ўтказишди. Унинг термадан кетмоқчи эканлигини эшитдим. Ўйлашимча, унга бундай йўл тутиш ярашмайди. Олдинда катта мусобақалар учун вақт етарли. Агарда Месси кейинги катта турнирда жамоа сафида бўлса, Аргентина узоқ кутилган совринга эга чиқади.
Артуро Видал
Перуга қарши кечган учрашувдан сўнг биз енгил шок ҳолатидамиз. Шундай бўлсада, бизни 3-ўрин учун баҳс кутиб турибди. Эшитишимча бу учрашув Месси учун термадаги сўнггиси экан.
У нима қилаётганини жуда яхши биладиган йигит. Унинг ҳар қандай қарорини ҳурмат қилишимиз шарт!
Луис Суарез
Мен унинг термадан кетиш ҳақидаги қароридан ҳайратда қолдим. Терма жамоадаги омадсизлик уни бир неча йиллардан бери қувиб келмоқда ва уни қўйиб юбормоқчи эмас. Ташлаб кетиш ҳар доим осон, лекин ҳаётда охиригача курашганларгина ғолиб чиқади. Агарда Месси термадан кетса, бу учун умрнинг охирига қадар афсусланадиган қарорига айланиши мумкин. Месси дунёнинг энг кучли футболчиси эканлигни қарийб 10 йилдан бери исботлаб келмоқда. Мен келажакда набираларимга у билан тўп сурганим ҳақида фахр билан айтиб бераман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
