Ушбу рукндаги энг қайноқ янгиликлар билан таништиришда давом этамиз.
Конте тартиб ўрнатишни бошлади
«Интер» клуби раҳбарлари жамоанинг янги мураббийи Антонио Контени тўлиқ қўллаб- қувватлашани эълон қилди.
Гап шундаки, мураббий ва клубнинг икки юлдуз футболчилари ўрсатисидаги низо ҳал этилганича йўқ. Наинголан ички муҳитга ва Контенинг таткик кўрсатмаларига бўй сунмаётган бўлса, Икарди янги шартнома тузишларини талаб қилмоқда. Конте эса, уларни сотиб юбориш тарафдори.
Вазият шу даражага етиб бордики, бугун Конте уларни Шветсарияда бўлиб ўтаётган йиғинлар чоғидаги махсус тактика дарсига киришларини истамади. Конте бу икки футболчини бошқа клуб аъзолари деб ҳисоблашини ва уларга ҳеч нарса ўргатмоқчи эмаслигини ошкора эълон қилди.
Бу воқеадан сўнг Икарди ортга қайтиб кетди ва ҳозир Милан шаҳрида якка тартибда шуғулланмоқда. Конте уни ўзи билан Осиёда бўладиган мусобақага олиб кетмаслиги ҳам аниқ бўлиб улгурди.
Ҳозирда Икарди борасида бирорта клубдан расмий таклиф тушганича йўқ. Бундан бир йил муқаддам «Манчестер Юнайтед» футболчи учун 100 миллион евро таклиф қилган эди.
Игуаин «Ювентус»ни ҳам заҳарламоқчи
Аргентиналик ҳужумчи «Челси»даги ижараси якунлангач, ортга қайтди. Турин клуби уни сотиб юбормоқчи эканлигидан хабар топгач эса, ўз агентини ишга солди ва у ёрдамида жамоада қолиш учун ҳамма ишга тайёр эканлигини билдирди. Бир сўз билан айтганда омадсиз аргентиналик футболчи «Ювентус» ҳужумчиларидан бирнинг ўрнини эгалламоқчи. Бечора клуб эса, уни сотиб юборишга қанча урунсада, буни уддалай олмаяпти. Турин клуби ўзининг янги юлдузларидан бири Мойзе Кингни сотиб юборишдан бошқа чора топа олмайдиган кўринади. Игуаин ташқаридан бўлаётган босимга қармасдан, Саррини «Ювентус»да ҳайратда қолдиришига ишонмоқда. Кинг эса, клубдан кетадиган бўлса, «Интер»га ўтмоқчи эканлигини билдирди. Воқеалар ривожини кузатишда давом этамиз.
Хедира учун харидор топилди
Турин клуби марказий ярим ҳимоячиси Сами Хедира шу кунларда бошқа клубга ўтиши аниқлашиб бормоқда. Ҳозирда футболчи учун Туркиянинг икки гранд клублари даъвогарлик қилмоқда. «Ле газетта делла спорт» нашри тарқатган хабарга кўра, футболчи «Фенербаҳче» клуби билан оғзаки келишувга эришган бўлиб, шу кунларда трансфер борасида расмий маълумотлар пайдо бўлади.
«Ювентус» клуби Ремзий ва Рабиоларни ҳарид қилгач, Хедира борасидаги таклифларни кўриб чиқишга тайёр эканлигини билдирган эди. Футболчининг ўзи эса бошқа клуб сафига ўтишга қарши эмас. У спорт формасини сақлаб қолиш учун бошқа чемпионатда бўлсада, тўп суришга рози.
«Аталанта» украиналик футболчини ҳарид қилмоқчи
Бельгиянинг «Генк» клубидаги ажойиб ўйинлари билан кўплаб мухлисларнинг эътиборини қозонган укариналик Руслан Малиновский «Аталанта» клубига ўтишга жуда яқин турибди.
Маълумотларга қараганда, томонлар футболчининг трансфер суммаси борасида келишувга эришди. Унга кўра, Италия клуби 15 миллион евро тўлайдиган бўлди. Бундан ташқари турли бонуслар ҳам «Генк»ни кейинчалик пул ишлаб олишига имкон яратади.
Руслан Малиновский янкунланган мавсумда 37 та учрашувда майдонга тушди ва рақиблари дарвозасини 13 бор ишғол қилди. Бундан ташқари унинг ҳисобида 11та голли узатма мавжуд.
Эвертон учун курашда «Милан» ғолиб
«Гремио» клуби ҳужумчиси Эвертон якунланган «Копа Америка» мусобақасидан сўнг машхурликка эришди. Унинг трансфер қиймати ҳам жуда тез фурсатда ўсиб кетганидан хабарингиз бор. Эндиликда футболчи учун бир нечта клублар қизиқиш билдираётган бўлсада, унинг ўзи «Милан» сафида тўп сурмоқчи эканлигини эълон қилди. Ҳозирда «Гремио» ва «Милан» ўртасидаги музокаралар ўз якунига яқинлашмоқда. Унга кўра Италия клуби бразилиялик футболчи учун 40 миллион евро тўлайдиган бўлди. «Милан» мутасаддилари бу пулнинг бир неча фоизини бонус тариқасида беришни истамоқда. Гремио эса бунга қарши. Бир сўз билан айтганда тез орада Эвертон «Милан» футболчисига айланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Хоразм
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
