Ҳозирги кунда футболчи ва клуб томонидан тузилган шартномалар футболчининг тақдирини ўзгартириб юбориши ҳеч гап эмас. Бугун ўзининг жуда баланд маошига ўралашиб футболдан тобора узоқлашиб бораётган футболчилар тўғрисида сўз боради
Денни Дринкуотер
Бу футболчи ҳақида кўпчилик унутиб ҳам қўйган бўлса, ажаб эмас. «Лестер» сафидаги ажойиб ўйинлари эвазига кўплаб мухлисларнинг эътиборини қозонган футболчи ҳозирда Лондоннинг «Челси» клубида фаолият олиб бормоқда. Унинг ҳафталик маоши 100 минг фунтни ташкил этади. 29 ёшлик футболчи якунланган мавсумда атиги 30 дақиқагина расмий учрашувда тўп сурди. У ҳам бўлса, кубок ўйинига тўғри келади. Бир нечта клублар уни ижарага олишни истаб клубга мурожаат қилган бўлсада, футболчи юқори маош сабабли ўз клубида қолишни авзал кўрди.
Месут Ўзил
«Арсенал» мухлислари томонидан «йилнинг энг ёмон ўйинчиси» дея эътироф этилган германиялик футболчи ўз имиджини кескин пасайтириб юборди. Айниқса, Европа Лигаси мусобақаси финалидан сўнг уни танқид қилувчилар сони кескин кўпайиб кетди. Шундай бўлишига қарамасдан, футболчи клубини ўзгартиришга ва ҳаммасини бошидан бошлашга урунаётгани йўқ. Гап шундаки, ҳатто «Фенербаҳче» клуби ҳам Месут Ўзилнинг катта маошидан чўчиб ортга қайтиб кетди. Месут «тўпчилар» сафидаги энг катта маош олувчилардан бири бўлиб, унинг ҳафталик даромади 350 минг фунтни ташкил этади. Бу АПЛдаги энг даромадли 10 та футболчидан бири дегани! Энг ачинарлиси шундаки, «Арсенал» Ўзилнинг заҳирада ўтиришига қарамасдан маошини тўлаётган бўлсада, Ремзийни ўз сафида ушлаб қола олмади. Бунга жамоанинг маошлар учун ортиқча харажат қилишини важ қилиб кўрсатган клуб раҳбарлари Месутни мухлислар учун янада хунук кўрсатиб қўйди.
Игуаин
Аргентиналик футболчига баъзан ачиниб кетасан киши. Ўзи «Ювентус» футболчиси бўлсада, уни «Милан» клуби ҳам , «Челси» жамоаси ҳам ўз сафида олиб қолишни истамади. Унинг ҳафтасига 300 минг евро маоши «Ювентус»ни тобора ўйлантириб қўймоқда. «Челси» томонидан ортга қайтариб юборилган Игуаин «Ювентус»нинг келажаги деб қаралаётган Мойзе Кингни сафдан чиқариб юбориши ҳеч гап эмас. Гап шундаки, Сарри ҳужумчилардан бирини ижарага бериш ниятида. Игуаиннинг маоши сабабли бирорта клуб уни вақтинчалик сафига қўшиб олмоқчи эмас. Мойзе Кинг борасида эса, «Юве» бир нечта таклифлар олишга улгурди. Бечора Игуаин, омадсизлик уни тинимсиз таъқиб қилиб бормоқда.
Оскар
Хитой биринчилигида 3 йилдан бери тўп сураётган бразилиялик футболчи эндигина 27 ёшга тўлди. Бу ҳали у учун европа яшил майдонларига йўл беркилмаганини англатади. Дарҳақиқат, трансфер ойнаси очилиши заҳотиёқ Оскар учун бир нечта «кўҳна қитъа» клублари таклиф билан чиқишган бўлсада, футболчининг ҳафталик маошини эшитиб ортга қайтишди. Уни бир мавсум ижарага олишни режа қилган «Интер» клуби эса, ўз ниятидан буткул қайтди. Гап шундаки, футболчининг чин юртида ҳафталик маоши 400 минг фунт стерлингдан бирозгина кўпроқ. Футболчи клуби билан янги шартнома борасида шу кунларда музокараларни бошлаш арафасида турибди. Шуниси аниқки, Оскар ўзининг энг гуллаган даврларини катта маошли шартномаларга бой бериб бўлди.
Бу рўйхатда пешқадам бўлган Бейл, Неймар, Алексис сингари футболчиларни қўшмадик. Сабабим улар ҳақидаги бундай маълумотлар ҳеч кимга сир эмас.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
