Журналистлар учун энг кучли мураббий саналадиган Жозе Моуринё ўз фаолияти давомида интервьюлари билан ҳаммани ҳайратда қолдирган ва қолдириб келмоқда. Бугун у айтган энг машхур ибора ва иқтибосларни ёдга оламиз.
«Агарда мен ақилли инсонни сўзларини эшитишни истасам, ўша заҳотиёқ гапиришни бошлайман»
«Хатто Исо (А.С)ни ҳам ҳамма ёқтиравермайди. Менику, қўяверинг!»
“Агарда сен Барабанни яхши чалсанг, кимнингдир «скрипка чал»,- деган буйруғига эътибор қаратмаслигинг зарур.”
«Агарда одамлар сизни ёқтиришса, сиз яхши инсонсиз. Агарда улар сизни ёмон кўрса, сиз энг зўрисиз!»
«Беш бор 0 : 1 ҳисобида енгилгандан кўра, бир бор 0 : 5 ҳисобида ютқазган маъқул»
«Менга отилган барча тошлар бир жойга жамланса, ундан ҳайкал ясаш мумкин.»
«Мен дунёдаги энг зўр мураббий эмасман. Шундай бўлсада, кимдир мендан кучлироқ деб ҳам ўйламайман.»
«Ғалабадан сўнг қувонадиганлар кўп. Менда эса бу учун вақт йўқ.»
“Ҳамма «Челси»нинг мағлубиятини шу қадар орзу қилиб кутяпти. Дейлик, биз мағлубиятга учрадик ҳам. Хўш, ўша куни Британияда дам олиш куни деб эълон қилинадими?”
“Лондон кўчаларидан бирида 75 ёшлардаги инсон олдимга келди. Унинг кўзларидан ёш оқаётган эди. У бундан 50 йил аввал «Челси» клуби охирги чемпионликни қўлга киритган учрашувда отаси ва бобоси билан стадионда бўлганини тўлқинланиб айтиб берди. Ҳозирги кунга келиб унинг отаси ва бобосининг ҳаёт эмаслиги аниқ. Шундай бўлсада, бу воқеа мени жудатаъсирлантирган эди.”
«Милан шаҳрининг мери мени пасткашликда айблади. Биласизми, у мени ногирон болага танга садақа қилганим учун койиб берди. Аслида, бу майда танга эмас эди. Мен унга аёлим совға қилган кичик ҳочни ҳадя қилган эдим. Бу ҳоч мени 5 йил давомида кўп балолардан сақлагани учун уни шу болага илинган эдим. Агарда мен бирор бир яхши иш қилсам ҳам доим мени танқид қилишади.»
«Мен Италиян тилини кунига беш соатдан машқ қилиб бўлсада ўзлаштирдим. Бундан асосий мақсадим мухлислар ва журналистлар билан яқиндан мулоқот қилиш эди. Қанчалар ҳаракат қилмай, мени мухлислар ва журналистларга нисбатан ҳурматсизликда айблашди.»
«Мени нега ҳамкасбларим танқид қилишади? Сабаби, улар мени танқид қилишса, эртаси куни журналларнинг муқовасида чиқишларини жуда яхши билишади. Бу улар учун текин реклама!»
«Челси» учун сўнгги йиллар омадсиз ўтди. Бу омадсизлик менинг кетишимдан сўнг бошланди ва бу тасодиф эмас.”
«Бугунги учрашувда биз қанчалар кучли ўйин кўрсатганимизни кўрдингизми? Ўйин давомида рақибларимизга имкон қолдирмадик. Хатто дарвозада мен турганимда ҳам 5 : 1 ҳисобида ғалаба қозонишимиз мумкин эди.»
«Футбол бу - атом жанги! Бу ерда ғолиблар бўлмайди, бу ерда фақат тирик қолганлар мавжуд…»
“Агарда «Барселона» рақибидан кучли ўйнаса, у ғалаба қозонади. Агар рақиб «Баса»дан кучлироқ ўйин намойиш этса, ҳакамлар шундай ишлашадики, охирида барибир «Барселона» ғолиб бўлади.”
«Агар кимдир мен ҳақимда ёзмоқчи бўлса, у машхур бўлишни жуда истамоқда. У бу учун менга пул тўлаши зарур!»
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
