Ушбу рукндаги энг сўнгги маълумотлар билан таништиришда давом этамиз.
Коноплянка Европада қолмоқчи
Украина терма жамоаси футболчиси Евгений Коноплянка ўз келажаги борасида якуний қарорга келди. У «Шалке 04» жамоасида қолмайдиган бўлди. Гап шундаки, у клуб билан мавсум олди йиғинларда иштирок этишдан бош тортди ва ўзини сотиб юборишларини илтимос қилди. Немис клуби футболчининг илтимосини қабул қилди ва уни трансферга қўйди. Шу кунларда футболчига бир нечта Хитой клубларидан мўмайгина даромадли таклиф тушган бўлсада, футболчи кучлироқ чемпионатда тўп суришни афзал кўрди ва ҳамма таклифларни рад этди.
Бундан ташқари футболчи билан Россиянинг гранд клублари ҳам қиззиқан бўлсада, футболчи сиёсий муаммолар сабабли, Россияда тўп суришни истамади. Маълумотларга қараганда, футболчи билан Туркиянинг «Фенербаҳче» клуби жиддий қизиқиб қолган. Футболчининг трансфер қиймати 3 миллион атрофида баҳалонмоқда. Украиналик футболчи Туркия чемпионатида тўп суришга қарши эмас. Эндиликда икки клуб ўзаро музокаралар ўтказмоқда. Футболчининг келажаги катта эҳтимол билан Туркия яшил майдонларида давом этади.
Мино Райола мижозлари борасида баёнот берди
Мино Райола журналистлар билан бўлган суҳбатда ўз мижозларининг келажаги борасида кичик маълумот берди.
“Ҳозирча Де Лигтнинг трансфери деярли ҳал бўлганини эълон қилишим мумкин. У «Ювентус» футболчисига айланиб бўлди.
Балотелли борасида бир неча таклилар бўлсада, уларнинг ҳеч бири мижозим билан жиддий қизиққанича йўқ. Мойзе Кин борасида таклифлар кўп, бироқ мен уни нима учун сотиб юборишни исташётганини тушуна олмаяпман. У Де Лигт каби жуда иқтидорли футболчилар сирасига киради. Унинг келажаги мени ҳаяжонга солмоқда. У катта чемпион ва «Юве»да қолиши лозим. Агарда клуб уни олиб қолишни истамаса, мен мижозим учун ажойиб жамоаларни тавсия қилман.”
«Милан» ва «Наполи» курашга киришди
«Атлетико Мадрид» клубининг аргентиналик ҳужумчиси Анҳел Кореа ўз кариерасини Италияда давом эттириши мумкин
Ҳозирда унга бир нечта клублар қизиқаётган бўлсада, асосий даъвогар сифатида «Наполи» ва «Милан» жамоалари ажралиб турибди.
Футболчининг «матрасчилар» билан тузган шартномаси 2024 –йилга қадар мўлжалланган бўлсада, «Атлетико Мадрид» ўз футболчиси сотиб юборишга қарши эмас. Гап шундаки, «Атлетико Мадрид» Жоа Фелиш клубга келгач, унга асосий таркибдан жой ажратиш мақсадида ўз футболчисини сотиб юборишга мажбур. Кореанинг товон пули шартномада 100 миллион евро қилиб белгиланган бўлсада, клуб уни анча арзонроққа сотишни мўлжаллаган. Воқеалар ривожини кузатишда давом этамиз.
«Бавария» «Эспаньол» клуби футболчисини қўлга киритмоқчи
«А C» нашри тарқатган хабарларга қараганда, Мюнҳеннинг «Бавария» клуби «Эспаньол» ярим ҳимоячиси Марк Рокани ўз сафига қўшиб олмоқчи. Марказдаги ишончли ўйини билан кўплаб гранд клубларнинг эътиборини тортаётган футболчининг ўзи Бундеслигада тўп суришга қарши эмас.
Бироз аввал «Бавария» ўз эътиборини «Ман Сити» илиб кетган Родрига қаратган эди. Энди, унинг ўрнига айнан Марк Рокани харид қилишни режа қилмоқда.
22 ёшлик футболчининг трансфер қиймати 35 миллион атрофида баҳоланаётган бўлсада, немис клуби футболчи учун кўпроқ сумма таклиф қилиши лозим. Сабаби, Рока ва «Эспаньол» ўртасида узоқ йиллик шартнома мавжуд.
Хамес трансфери борасидаги янгилик
«Реал Мадрид» Хамеснинг трансфери борасида якуний қарорини эълон қилди. Унга кўра футболчини қўлга киритишни истаган клублар «Ла Лига» клублари бўлмаса, улар колумбиялик футболчи учун 42 миллион евро тўлашлари мумкин. Бундан ташқари, футболчини ўз сафига қўшиб олишни истаган бошқа чемпионат вакиллари трансфер суммасини бонуслар ёрдамида бироз кичрайтириш имконига ҳам эгалар.
Агарда футболчини «Атлетико Мадрид» қўлга киритишни истаса, «матрасчилар» 50 миллион евро тўлашлари шарт. Акс холда, бу трансфер амалга ошмайди.
«Қироллик клуби» шу йўл орқали асосий рақибларини кучайиб кетмасликларини таъминламоқчи бўлмоқда. «Атлетико Мадрид» азалий рақибининг бундай йўл тутганини кескин танқид қилишга тушиб кетди. Агарда воқеалар ривожи шу кетишда давом этса Хамес клубсиз қолиб кетиши ҳам ҳеч гап эмас.
Эмери «Арсенал»нинг трансферлари ҳақида
«Лондоннинг» «Арсенал» клуби устози Унай Эмири жамоасининг трансфер режалари борасида баёнот берди : «Бизнинг трансфер мақасадимиз 3 ё 4 савияли футболчини қўлга киритишдан иборат. Биз жуда талабчанлигимиз боис ҳар бир футболчи трансфери борасида клуб раҳбарлари билан тинимсиз музокаралар ўтказяпмиз. Ҳозирда бизнинг шорт листимизда турган футболчилар орасидан 4 тасини танлаб олдик. Улар сафимизга келиб қўшилиши билан жамоага тўлиқ мослашиб кетишади ва ўйинимизни сезиларли даражада кучайтира олишади» – деб мураббийнинг сўзларини келтирмоқда «Скй Спорт» нашри.
Ҳозирда «Арсенал» 4 та футболчи билан музокара ўткамоқда. Уларнинг нишонида : Заҳа, Эвертон, Салиба ва Киран Тирн сингари футболчилар турибди.
«Милан» ҳимояни кучайтирмоқчи
Италиянинг «Милан» жамоаси Раманиоли билан тандемда ўйнай оладиган таржибали ҳимоячи қидиришда давом этмоқда. Бундан бир неча кун аввал клуб «Ливерпул» ҳимоячиси Деян Ловрен борасди расмий таклиф билан чиқиб рад жавобини олган эди. Эндиликда улар ўз эътиборларини «Манчестер Юнайтед» клуби ҳимоячиси Эрик Байига қаратишган.
Эрик Байининг трансфери футболчи ва унинг клуби учун ҳам манфаатли бўлиши мумкин. Гап шундаки, Байи асосий таркибдаги ўрнини бой бериб қўйди ва тўлиқ заҳира фуболчисига айланиб қолди. Боз устига клубнинг у билан тузган шартномаси бир йилдан сўнг ўз якунига етади. Агарда «Манчестер Юнайтед» уни сотиб юбормаса, кейинги мавсумда футболчи эркин агент сифатида бошқа клубга бориб қўшилиши мумкин. Бундай вазиятда «Милан»дан тушган таклифни атрофлича ўрганиб чиқишнинг хожати йўқ!
Россиянинг «Локомотив» клуби ишга киришмоқда
Россиялик темир йўлчилар собиқ «Суонси» клуби футболчиси саналадиган Лерой Ферни ўз сафига қўшиб олиш учун курашга қўшилди. Ҳозирда футболчи эркин агент сифатида таклифларни кўриб чиқмоқда.
Леройнинг ҳизматлари билан Туркиянинг «Бешиктош» ва «Истанбул» клублари ҳам жиддий қизиқиб қолган. Бундан ташқари футболчининг юрти саналмиш Голландиянинг «Фейнорд» клуби ҳам Фер учун шартнома таклиф қилди.
«Локомотив» ушбу клубларга нисбатан баландроқ маош белгиланган шартнома билан футболчига мурожаат қилмоқчи. Агарда футболчи ва «темир йўлчилар» келишувга эришса, «Локомотив» Лерой Фер учун 2 йилга мўлжалланган шартнома таклиф қилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
