Асли келиб чиқиши Қирғизистонлик бўлган Илзат Аҳметов замонавий Рус футболининг келажаги деб ҳисобланмоқда. Ҳозирда у Россия ва МДХ давлатларида жуда машҳур. Ёш бўлишига қарамасдан Россия ва Қирғизистон терма жамоаларидан чақирув олган футболчи Россия учун тўп суришни танлаганидан хабарингиз бор. Бугуна айнан шу футболчи билан қизиқарли суҳбатни эътиборингизга тақдим этамиз
Китоб ўқиши ҳақида
Тўғри, мен китоб ўқишни жуда хуш кўраман, бироқ менда бу учун доим ҳам вақт топилавермайди. Шунга қарамасдан шу кунларда италиялик футболчи Андрея Пирлонинг ўзи ҳақида ёзган автобиографиясини ўқиб чиқдим. Енгил, ўқилиши тез ва уни ўқиб чиқдим. Буюк ярим ҳимоячининг босиб ўтган йўли билан танишиб чиқдим. Менга шундай жанрдаги китоблар ёқади. Машхур инсонларнинг ички кечинмалари ҳақида билиш, уларнинг катта ҳаётда босиб ўтган йўлидан нимадир ўрганиш мен учун жуда муҳим. Ҳозирда «Омад сирлари» номли китобни мутолаа қиляпман.
Мусиқа ҳақида
Асосан Рус ва хориж эстрадасини тинглайман. Баъзан эса реп йўналишидаги қўшиқлар ҳам эшитиб тураман. Умуман олганда, биз кўпинча йўлда бўлганимиз туфайли ҳар қандай услубдаги мусиқани тинглайверамиз (кулади)
Ёқтирган таомлари
Албатта миллий таомларимизни ҳуш кўраман. Улар орасида қовоқли манти ва паловни жуда севиб истеъмол қиламан. Ҳа айтганча, бизда лағмонни ҳам ажойиб тайёрлашади. Афсуски, бу таомлар кучли калорияга эга бўлгани учун ҳар доим ҳам тановул қила олмайман. Фаст – фоод борасида гапирмасам ҳам бўлади. Ўзи бундай овқатларни ўзим ҳам ҳуш кўрмайман. Бир йилда бир маротаба есам ҳам катта гап. Бизда футболчининг рациони жуда қаттиқ текширилади.
Ёқтирган футболчиси ҳақида
Сўзсиз Криштияну Роналду! Болалигимдан шу футболчининг мухлисиман. У менинг кумирим ҳисобланади. Унинг ғалабага чанқоқлиги ва курашувчанлигига қойил қолмасдан иложим йўқ. Унинг меҳнаткашлиги кўпинча мени ўз устимда ишлашга ундайди.
Унинг Месси билан нима фарқи бор?
Иккиси ҳам буюк футболчилар! Бу икки футболчи қайд этаётган натижаларга бошқа футболчилар яқин орада етиб олишлари иложсиз. Улар шунчаки ўзга сайёралик! Мана 10 йилдирки, бу икки футболчи топ даражани сақлаб туришибди. Бежизга улар 5 тадан «олтин тўп»ни қўлга киритишмаганку! Уларда икки хил ўйин услуби ҳукмрон. Менга шунчаки Роналду ёқиб қолган. Футбол оламига кириб келганимдан бери уни кузатиб бораман. Ундан нимадир олишга интиламан. Тўғри, Месси бу Месси! Унинг даражасига чиқишнинг иложи йўқ, лекин Роналду бу машина! Гол урувчи машина! Унинг катта меҳнатлари айнан футбол учун сарф бўлган. Бундай меҳнатсеварлик ҳурматга лойиқ.
Асаб бузарликлар ҳақида
Ҳаётда жуда сабрли инсонман. Шунга қарамасдан мени ҳатто майдонда ҳам жахлимни чиқариш мумкин. Агар кимдир майдонда бизга қарши атайин қўпол ёки ифлос ўйнаса кўпинча ўзимни тутиб туришим қийин.
Қайси футболчини терма жамоага чақирган бўлардинг?
Ҳм… Жуда қийин савол. Бу мени ноқулай аҳволга солди. Тўғриси, у менинг яқин дўстим.
Хориж чемпионатларидан қай бирида ўзингни кўряпсан?
Мен кўряпман дея олмайман, лекин бор кучим билан ҳаракат қиламан. У менинг асосий орзуларимдан бири. Мен кучли 5 та чемпионатдан бирида ўзимни синаб кўришни жуда истайман. Умид қиламанки, тинимсиз меҳнат мени топ чемпионатларда ўйновчи футболчига айлантира олади. Осон бўлмасада, буни уддалаш учун қўлимдан келганича ҳаракат қиламан.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
