Бугун «Барселона» янги мавсумдаги илк учрашувини ўтказди. «Челси» клубига мағлубиятга учраган Валверде шогирдлари янги футболчиларни синовдан ўтказиб олишга муваффақ бўлди. Ўйиндан сўнг жамоа мураббийлари ва Гризман томонидан берилган интервьюларни сиз учун таржима қилдик.
Эрнесто Валверде
Биз яхши учрашувни ўтказдик. Шундай бўлсада, Лео келгач ўзимизнинг тўлиқ имкониятларимизни синаб олишимиз мумкин. Бугун Гризман ўзининг дебют учрашувини ўтказди. Тан олиш лозим, ундан умидимиз катта. Сабаби, у ёш бўлсада жуда тажрибали футболчи саналади. Ундан жуда кўп нарсалар кутмоқдамиз. Унинг бизга фойдаси тегишига ишончим комил. У анчадан бери Испанияда тўп сурмоқда. Балки шу сабабли, у тўп билан яхши муносабатда бўлади ва майдонда чаққон ҳаракатлари билан ажралиб туради. Биз унинг имкониятларини яхши билганимиз учун ҳам харид қилдик.
Де Ёнг ўтган мавсумда юқори савияда тўп сургани ҳеч кимнинг ёдидан кўтарилмаган бўлса, ажаб эмас. У бизнинг майдон марказимизга янги ҳаво олиб кира олади. Де Ёнг узоқни ўйлаб амалга оширилган трансфер. У ҳали жуда ёш ва узоқ муддат давомида «Барселона» шарафини муносиб ҳимоя қила олади. Энг муҳими унинг ўйин услуби «Баселона»никига жуда мос!
Френк Лемпард
Ўртоқлик учрашуви бўлган бўлсада «Барселона» устидан қозонилган ғалаба доимо ёқимли. Биз жамоамиз расмий учрашувларда ҳам шундай тўп суриши учун қўлдан келганча ҳаракат қиламиз. Айниқса, «EЧЛ» учрашувларида бизга ишончли ўйин жуда ҳам муҳим.
Тез орада бизни «Ливерпул»га қарши «Супер Кубок» баҳси кутиб турибди. Оғир ўтиши кутилаётган баҳс мени ва футболчиларимни синовдан ўтказиб олиш учун ажойиб имконият. Ўтган мавсумда Жоржино борасида кўплаб баҳс ва мунозаралар бўлган эди. Ўйинчилар баъзан ўзи ҳақида айтилган сўзларни шунчаки ўтказиб юбора олмайди. Унинг мен келгандан сўнг позицияси ўзгариши мумкин. Бу футболчи сўнгги 10 кун ичида мени ҳайратда қолдиришга улгурди. Унинг унверсаллигини тез орада ҳамма билиб олса, ажаб эмас.
Антуан Гризман
Мен «Барселона» либосида илк бор майдонга тушганимдан мамнунман. Бу учрашувда мағлуб бўлган бўлсакда, бу қўрқинчили ҳолат эмас, бу шунчаки қизишиб олич учун ташкиллаштирилган ўйин. Жамоа мени илиқ кутиб олди. Бундай йигитлар билан бир кийиниш хонасида бирга ўтиришнинг ўзи катта бахт! Умид қиламанки, янги клубим учун кўп фойдам тегади. Суарез менга қўнғироқ қилиб табриклашга улгурди. Тўғри, Месси менга қўнғироқ қилганича йўқ, бироқ умид қиламанки, у билан тез орада учрашамиз.
Мессини машғулотлар пайтида кўришни жуда истаяпман. Бундан ташқари уни майдонда кўп бор кўрган бўлсамда, унинг футболдан ташқарида қандай инсон эканлиги билан таниш эмасман. Унинг келишини сабрсизлик билан кутяпман. Мен Месси ва «Барселона» учун тезроқ қўлимдан келганча ёрдам беришни истайман. Аниқ биламанки, у билан тил топишиб кетамиз.
Янги мавсум олдидан 3 та совринни бошимиз узра кўтаришни мақсад қилганмиз. Бу ютуқларга эришишимиз учун қўлимдан келганича ҳаракат қилишга тайёрман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
