Футбол оламидаги энг сўнгги футбол янгилилари билан таништиришда давом этамиз.
Конселу жуда яқин келди
Турин супер клуби қанот ҳимоячиси Жоа Конселу бугун «Манчестер Сити» жамоасида тиббий кўрикдан ўтади. Агарда футболчининг соғлиғида ҳеч қандай муаммо кўзга ташланмаса, бугуннинг ўзидаёқ «Шаҳарликлар» «Миллатлар Лигаси» ғолиби билан шартнома тузишни режалаштирмоқда.
Жамоа футболчи учун 35 миллион фунт ва Данилони қўшиб беради. Футболчи билан эса, 5 йиллик шартномага қўл қўйилади. Португалияликнинг маоши борасида ҳали аниқ маълумот чиққанича йўқ.
«Манчестер Юнайтед» Дибала трансферидан воз кечди
«Манчестер Юнайтед» «Ювентус» жамоаси ҳужумчиси Паоло Дибала борасидаги барча режалардан воз кечди деб хабар тарқатмоқда «Telegraf» нашри.
Унга кўра, «қизил иблислар»ни футболчининг жуда баланд маош талаб этаётгани ( Йилига 12 миллион фунт) ва трансфер амалга ошса, Дибалнинг агенти 15 миллион евро миқдорида бонусга эга бўлиши лозимлиги қониқтирмади. Эндиликда Сулшер шогиртлари бор эътиборни янги мавсумга тайёргарликка қаратишмоқда.
Эндиликда футболчи учун курашда фақатгина «Тоттенҳем» қолди.
«Милан» футболчиси Россия клублари эътиборида
Миланнинг «Милан» жамоаси ўз футболчисини сотувга қўйди. Клуб раҳбарлари уругвайлик Диего Лаксалтни жамоага ортиқ кераги йўқ деб хисобламоқда.
Бугун футболчининг агенти клуб билан музокалар ўтказиш мақсадида Италияга учиб келади.
Шундай бўлсада, футболчи катта эҳтимол билан жамоани тарк этиши таҳмин қилинмоқда. Ҳозирда Диего учун бир нечта «А cерия»нинг ўртамоёна жамоалари ва Россиянинг «Зенит» клуби қизиш билдирмоқда.
Катта эҳтимол билан футболчининг кейинги манзили «Зенит» бўлиши мумкин. Сабаби, руслар футболчи учун ажойиб шартнома таклиф қилиши режалаштиришган. Воқеалар ривожини кузатишда давом этамиз.
Хамес Францияга йўл олиши мумкин
Колумбиялик футболчи қанчалар иқтидорли бўлмасин, ҳозирга қадар жамоасиз қолмоқда.
Унинг «Реал Мадрид»даги ишлари кўнгилдагидак эмас. Гап шундаки, Зидан Хамесга ўз жамоасида ўрин йўқлигини яна бир бор исботлаб берди ва уни сотиб юборишларини талаб қилмоқда. Бахтга қарши, бирорта клуб футболчи учун талаб қилинаётган суммани бера олмади.
Футболчини қўлга киритишни истаган «Атлетико Мадрид» ва «Наполи» жамоалари негадир трансферни охирига қадар етказа олмади.
Эндиликда футболчи учун янги талабгор пайдо бўлди. Андреа Виллаш Боаш қўл остига ўтган «Марсел» Хамес учун 40 миллион евро таклиф қилмоқда. «Реал Мадрид» футболчидан қутулиш мақсадида зудлик билан таклифни кўриб чиқишга ваъда қилди.
«Лилль» «Наполи» футболчисини ижарага олмоқчи
Франциянинг «Лилль» жамоаси Италиянинг «Наполи» клуби ярим ҳимоячиси Адам Унас борасида таклиф билан чиқди.
Унга кўра французлар футболчини ижарага олишни режа қилмоқда. «Лилл» футболчини 1 йилга ижарага олади ва 5 миллион евро тўлайди. Ижарага сўнггида эса, футболчи учун яна 35 миллион евро тўлайди ва уни тўлиқ сотиб олади.
«Наполи» жамоаси қанчалар футболчини тўлиқ сотишга урунмасин, бундан бошқа таклиф бўлгани йўқ. Шу боис италияликлар ўз футболчисини сотиб юборишга рози бўлди.
Жазоирлик футболчининг ўзи фаолиятини Франсийда давом эттиришга қарши эмас.
Эслатиб ўтамиз, футболчи «Наполи»га 2017 – йилда келиб қўшилган эди.
«Милан» Ҳакан Чалҳаноғлунинг нархини эълон қилди
«Милан» жамоаси ўзининг турк ярим ҳимоячисини сотишга қарши эмас. Унга кўра 20 миллион евродан воз кечишга тайёр клуб бўлса, марҳамат!
Ҳозирда иқтидорли футболчини қўлга киритиш учун «РБ Лейпциг» ва «Галатасарай» жамоалари даъвогарлик қилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
