Таиландда бўлиб ўтаётган футзал бўйича клублар ўртасида Осиё чемпионатида гуруҳ босқичи якунига етиб бормоқда. Унда иштирок этаётган Ўзбекистон чемпиони — АГМК гуруҳнинг 3-тури доирасида Қатарнинг "Ар-Райян" клубига қарши баҳс олиб бориб, ғалаба қозонди.
Ўйин голларга бой бўлди. Учрашувнинг илк дақиқасидаёқ қатарликлар гол уришга муваффақ бўлишди. Орадан кўп ўтмасдан олмалиқлар иккита гол билан олдинга ўтиб олишди. "Ар-Райян" қарши ҳужумда тенглаштирган бўлса, Петров шогирдлари танаффусга қадар 3та гол уриб, 5:2 ҳисобида олдинга ўтиб олди.
Вакилларимиз бу ҳисобдан хотиржамликка берилишди шекилли, иккинчи бўлимнинг дастлабки ярмини бўш ўтказишди. Натижада доҳаликлар кетма-кет 3та гол уриб, мувозанатни тиклаб қўйишди.
Шундан сўнг АГМК ўйинга жиддий ёндаша бошлади. Ўзбекистонликлар кейинги дақиқаларда уюштирган ҳужумларнинг иккитасини самарали якунлаб, ғалабани ўз томонларига оғдиришди — 7:5. Дарвоқе, ўйин сўнгида қатарликлар дарвозамиз томон белгиланган дабл-пенальтидан фойдалана олишмади — тўп устунга тегиб қайтди.
Шу тариқа, АГМК гуруҳда 6 очко билан плей-офф йўлланмасини қўлга киритди. Гуруҳ ғолиблиги эса Вьетнамнинг "Тай Сон Нам"га насиб этди (9 очко). Жамоамиз чорак финалда катта эҳтимол билан мусобақа мезбони — "Порт" футзал клубига қарши майдонга чиқади. Чорак финал ўйинларига 14 августга белгиланган.
Футзал. Клублар ўртасида Осиё чемпионати, «B» гуруҳи, 3-тур.
"Ар-Райян" (Қатар) — АГМК (Ўзбекистон) - 5:7
Голлар: Тоҳирий (1, 25), Сафари (11, 23, 24) — Даврон Чориев (3, 13), Илҳомжон Ҳамроев (5), Акбар Усмонов (17, 18), Ҳусниддин Нишонов (28), Ихтиёр Ропиев (35)
"Ар-Райян" — 1. Абдулраҳмон ал-Қаҳтон, 12. Аҳмад Халил, 13. Али ал-Ажми, 2. Мааз Юсуф, 3. Саад ал-Моҳаннадий, 4. Муборак ал-Жарбоий, 5. Саид ал-Булуши, 6. Муҳаммад Сафарий, 7. Муҳаммад Тоҳирий, 8. Абдулраҳмон ал-Яфий, 9. Хазем Сами Салим, 10. Абдуллоҳ Салим, 11. Рашид ал-Боинин, 14. Муборак ал-Муҳаза.
АГМК (дастлабки бешлик): 1. Рустам Умаров (дарвозабон), 4. Ихтиёр Ропиев, 5. Илҳом Ҳамроев, 6. Ҳусниддин Нишонов, 7. Дилшод Раҳматов.
Захирадагилар: 2. Аббосбек Ўлмасбеков (дарвозабон), 3. Машраб Одилов, 8.Даврон Валижонов, 9. Алан Аминов, 10. Акбар Усмонов, 11. Тимур Бердиев, 12. Даврон Чориев, 13. Исломбек Бийтураев, 14. Анасхон Раҳматов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
