Суперлиганинг 18-турида АГМК Жиззахда "Сўғдиёна"га қарши баҳс бойлайди.
— Мазкур жамоалар тўқнашувлари тарихига эътибор қаратсак, бўлажак ўйин "Сўғдиёна" - АГМК ўртасидаги 22-учрашувга айланади. Қизиғи, қайд этилган натижалар кўрсаткичи тенг. Ўтказилган беллашувларнинг 8тасида АГМК ғалаба қозонган ва худди шунча ютуқ "Сўғдиёна" ҳисобида ҳам бор. Қолган 5 ўйинда эса дуранг қайд этилган. Ҳозирча мазкур жамоалар қарама-қаршилигида тарози палласи тенг турибди. Тўплар нисбати кўрсаткичи эса жамоамиз фойдасида: 35-30.
Рақиб ҳақида
— Айни пайтда "Сўғдиёна" 27 очко тўплаган ҳолда турнир жадвалининг юқори бешлигини якунлаб турибди. Жорий мавсум жиззахликлар 8 ғалаба, 3 дуранг ва 6 мағлубият қайд этишган. Жиззахда ўтган ўйинларда эса "Сўғдиёна" 2 мағлубият ва 1 дуранг ўйнаган. Қолган баҳсларда жиззахликлар ғалаба нашидасини суришган. Бақоев жамоаси ўз уйида "Пахтакор"га ютқазди ва "Қўқон-1912" билан дуранг қайд этганди. Жорий мавсумдаги ўз уйидаги илк мағлубиятни эса жамоа Лушан бошчилигида "Сурхон"га қарши беллашувда тан олишга мажбур бўлганди.
Жиззахликлар ўз уйидаги 9 учрашувда рақиблар дарвозасини 13 маротаба ишғол этишган. Шу билан биргаликда "Сўғдиёна" ўз уйидаги ўйинларда жами 10 маротаба тўп ўтказиб юборган.
Жиззахликларнинг жорий мавсумдаги асосий футболчиси Шоҳруз Норхонов саналади. Норхонов ҳисобида 7та гол мавжуд ва бу борада футболчи жамоасининг тўпурари бўлиб турибди.
Биринчи даврани АГМКда ўтказган Жасур Ҳасанов ва ҳимоячи Шерзод Файзиев мавсумнинг иккинчи қисмини ижара асосида "Сўғдиёна"да ўтказмоқда.
Тайёргарлик ҳақида
— Жамоамиз бугун Қибрайдаги асосий ўйингоҳда "Сўғдиёна"га қарши ўйинга тайёргарлик доирасидаги навбатдаги машғулотини ўтказди. Машғулотлар одатдагидек қизиқарли ва аъло кайфиятда ўтди. Павел Бугало дарвозабонларни махсус дастур асосида шуғуллантирган бўлса, Марат Ахмеров ва Хайрулла Каримов футболчиларни чигалёзди машғулотларини олиб боришди. Ҳикмат Эргашев ва Александр Волков Миржалол Қосимовга футболчиларга тактик қўлланмалар ҳамда ўйланган комбинацион жараённи ишлашда кўмаклашишди.
"Пахтакор"га қарши ўйинни жароҳати туфайли ўтказиб юборган Зафар Полвонов "Сўғдиёна"га қарши ўйинга оптимал формада чиқиш учун алоҳида дастур асосида шуғулланди. Шунингдек, кичик жароҳати боис умумий гуруҳдан четда қолган Бобур Юлдошев асосан енгил машғулотлар билан чекланди. Қайд этиш керакки, Бобур Юлдошев Жиззахдаги ўйинни сариқ карточкалари сони тўрттага етгани боис дисквалификация туфайли ўтказиб юборади.
Шу тариқа қизиқарли ўтган бугунги машғулотни якунлаган жамоамиз эртага эрталаб "Сўғдиёна" билан ўйинни ўтказиш учун Жиззахга отланади. Ўйинолди расмий машғулот эртага "Сўғдиёна" стадионида ўтказилиши режалаштирилган.
Маълумот ўрнида: АГМК турнир жадвалида 16 очко тўплаб 11-ўринни банд этмоқда. Эҳтимолий ғалаба жамоамизни жадвалга икки поғонага тепага кўтарилиш имкониятини тақдим этиши мумкин.
Жиззахдаги ўйинни Аҳрол Рисқуллаев бошчилигидаги ҳакамлар гуруҳи бошқаради. Мазкур ҳакам жорий мавсум ҳисобидан илк маротаба АГМК иштирокидаги баҳсда ишлайди.
Эслатиб ўтамиз, Суперлиганинг 18-тури доирасидаги "Сўғдиёна"га қарши баҳс Жиззахдаги "Марказий" стадионда 27 август куни соат 19:15да бошланади.
Суперлига, 18-тур.
СЎҒДИЁНА – АГМК
Ҳакамлар: Аҳрол Рисқуллаев, Дониёр Сайлавов, Тимур Галеев, Олим Тўйчибоев
Назоратчи: Бобур Ҳайдаров
Комиссар: Сардор Қудратуллаев
Мазкур жамоалар тўқнашувлари тарихига эътибор қаратсак, бўлажак ўйин "Сўғдиёна" — АГМК ўртасидаги 22-учрашувга айланади. Қизиғи, қайд этилган натижалар кўрсаткичи тенг. Ўтказилган беллашувларнинг 8тасида АГМК ғалаба қозонган ва худди шунча ютуқ "Сўғдиёна" ҳисобида ҳам бор. Қолган 5 ўйинда эса дуранг қайд этилган. Ҳозирча мазкур жамоалар қарама-қаршилигида тарози палласи тенг турибди
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
