Куни кеча ўз фаолияти давомида бирорта мусобақада ғолиб чиқишни уддалай олмаган омадсиз футболчиларни ёдга олган эдик. Бугун унинг тамомила акси бўлган футболчилар ҳақида сўз боради. Ҳар қандай кучли жамоанинг заҳира футболчилари мавжуд ва улар клубдаги кучли футболчиларнинг меҳнати эвазига кўплаб совринларни қўлга киритишга муваффақ бўлишган. Бугун ана шундай «омадли» футболчилар ҳақида сўз боради.
Фернандо Наварро
«Барселона» жамоаси тарбияланувчиси ҳисобланмуш футболчи катта футболда деярли ном чиқара олмган бўлсада, у қўлга киритган совринлар ҳар қандай футболчининг орзуси десак, адашмаган бўламиз. Футболчи 2005/06-йиллар давомида «Барселона» жамоасида тўп суради. Атиги 5 та учрашувда заҳирадан майдонга тушган бўлсада, «Ла Лига» ғолиблигини қўлга киратади. Кейинчалик терма жамоага чақилиган футболчи 2008-йилда қитъа биринчилигида ғолиб чиқади. Футболчи «Евро 2008» мусобақасида бирорта ўйинда майдонга тушмаган бўлсада, унинг уйида ўша мусобақанинг олтин медаллари мавжуд. Бундан ташқари қаҳрамонимиз яна бир совринга «ўз услубида» эга чиққани ҳақида тўхталиб ўтсак, адолатдан бўлар эди. Қаҳрамонимиз 2015 йилда «Севиля» клуби билан «Европа Лигаси»да ғолиб чиқади. Энг қизиғИ шундаки, ўша мавсумда Наварро атиги 8 та учрашувда заҳирадан ўйинга қўшилган эди.
Андерсон
Сер Алекс Фергуссон томонидан амалга оширилган энг омадсиз харидлардан бири саналдиган футболчининг қўлга киритган ютуқларига Стивен Жеррарднинг ҳаваси келиши аниқ.
Гап шундаки, бразилиялик футболчи 4 бор АПЛ ғолиб чиқибгина қолмай, бир бор ЕЧЛ мусобақасида ҳам шохсупага кўтарилган. Бундан ташқари унинг ҳисобида клублар ўртасидаги ЖЧ, Ангилия кубоги ҳам мавжуд. Энг ачинарлиси шундаки, Андерсон бир неча йиллик фаолияти давомида бирорта мусобақада ўзини ёрқин намойиш эта олмаган. Фергуссон қанчаларин урунмасин футболчи ўз иқтидорини тўлиқ намоён эта олмади. «Манчестер Юнайтед» сафида бирорта ёрқин ўйин намойиш эта олмаган Андерсон ҳозирда ўз юртининг ўртамиёна клубларида ҳам ўзи учун жой топа олмаяпти.
Фернандо Льоренте
Бир қарашда ҳужумчининг бундай футболчилар орасида бўлиши ғалати туюлиши мумкин, бироқ ўша даврлардаги Испания учун марказий ҳужумчи умуман керак эмас эди. Жамоанинг ўйини айнан йўлғон тўққизликка суянгани боис чаққон футболчиларга эҳтиёж катта эди. Фернандо асосан ўйин тугашига оз фурсат қолганда прессинг қилиш учунгина майдонга тушган бўлсада, унинг уйида шундай совринлар борки, ҳавас қилмай иложингиз йўқ.
У Испания терма жамоаси билан Мундиал ва қитъа чемпионлигини қўлга киритибгина қолмай, «Севилья» сафида «Европа Лигаси»да ҳам зафар қучган. Андалусияликлар сафида футболчи ўша мусобақада 4 бор сўнгги дақиқаларда майдонга тушган бўлсада, биринчилардан бўлиб кубокни қўлига олган эди.
Анатолий Тимашук
«Зенит» сафидаги ажойиб ўйинлардан сўнг, футболчи «Бавария» клубига ўтиб кетганида ҳеч ким унинг кариераси совринларга тўлиб кетишини тахмин қилмаган бўлса, ажаб эмас. Дарҳақиқат Тимашук «Бавария» жамоаснинг энг кучга тўлган чоғида жамоага келиб қўшилди ва клублар миқоясидаги барча турнирларда зафар қучишга муваффақ бўлди. У ҳеч қачон «Бавария»нинг асосий футболчисига айлана олмади. Клуб требл қайт этган йили умуман чуқур заҳирага ўтириб қолди. Шунга қарамасдан, тақдир уни бирин кетин совринлар билан сийлайверди. Энг қизиғИ шундаки, Тимашук ўз ижтимоий тармоқларида қўлга киритган совринлари билан мақтанишни ҳуш кўради ва бу совринлар учун ўзини тўлиқ ҳақли деб ҳисоблайди.
Томас Вермален
«Барселона» сафида бир нечта мавсумлар давомида атиги 11 бор майдонга тушган футболчи 7 та мусобақанинг олтин медалларини қўлга киритишга муваффақ бўлган. Боз устига бельгиялик футболчи Буффон, Ибраҳимович сингари мега юлдузлар эриша олмаган ЕЧЛда ҳам зафар қучишга муваффақ бўлган. Тўғри бундай услубда қўлга киритлган совринлар у қадар ширин бўлмаслиги мумкин, бироқ ўйин ёддан кўтарилади, аммо натижа тарихда қолади! 20 йилдан ортиқ вақт мобайнида «Рома» сафида тўп сурган Тотти атиги 5 та мусобақада ғолиб чиққан бўлса, Вермален уни 11 та учрашувдда майдонга тушиб ҳам ортда қолдиришни уддалагани мантиқсиздек туюлсада, бу факт ва тарихда абадий қолади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
