Месси ёки Роналду? Бу савол деярли 10 йилдан бери жавобсиз қолмоқда. Ҳар бир инсонинг ўз фикри ва дунё қараши бўлгани боис, ўзи ёқтирган услубда тўп сурвчи футболчини танлайди. Бугун ушбу саволга жавоб бериш навбати футбол оламининг фахрийларига. Улар томонидан ушбу саволга берилган интервьюларни бир жойга жамлаб эътиборингизга тақдим этамиз.
Рио Фердинанд
Виржилнинг дунёдаги энг кучли ҳимоячи эканлигига шубҳам йўқ, бироқ агар у билан бир пайтда бир мавсумда 50 та гол кирита оладиган Месси ёки бир мавсумда 3 та совринни қўлга киритишни уддалай оладиган Роналду сингари футболчилар мавжуд экан, унга «олтин тўп» совринини топширмаслигимиз лозим. Одамларнинг айтишича, Месси ва Роналду даври жуда зерикарли ўтмоқда эмуш. Бўлиши мумкин, лекин бу йигитлар 12 йилдан бери фантастик футбол намойиш этиб келмоқда. Мен ҳам ҳимоячи бўлганман ва айнан шу сабабли Виржилнинг илк шахсий совринини қўлга киритганидан мамнунман. У бунга лойиқ. Шундай бўлсада, агарда биз йилига 50 та гол киритишни уддалайдиган футболчини билсак, совринни Ван Дейкка топширишимиз катта хато бўлади. Мен ўзим ишлаб топган пулларни ҳимоячининг ўйинини томоша қилиш учун сарфламаган бўлар эдим. Аслида футболда энг қийин иш гол киритиш. Месси бу борада ўтган мавсумда ҳаммадан илгарилаб кетди.
Зеб Блаттер
Мен бундан бир неча йил илгари Оксфорд унверситетида талабаларнинг айнан шундай саволига қуйидагича жавоб берган эдим. Месси бу исталган она орзу қиладиган болакай, Роналду эса, кўпроқ роботни эслатади. Ушбу сўзларимдан сўнг, Флорентина Перез менга қўнғироқ қилиб ўз норозилигини изҳор қилган эди. У мендан сўзларимни ортга қайтариб олишимни талаб қилди. Орадан кўп ўтмай «олтин тўп» совринининг ғолиби аниқланди. Овоз бериш жараёнида Роналду ҳаммадан илгарилаб кетди ва ўзининг 5-«олтин тўп»ини қўлга киритди.
Гути
Аслида уларнинг иккиси ҳам энг кучли футболчи номиога лойиқ. Менга қолса, иккаласини ҳам бир даражага қўяман. Месси энг иқтидорли, Роналду гол машинаси ва ўз устида ишлаш орқали энг баланд чўққига чиқишнинг уддасидан чиқди. Энг қизиғИ шундаки, у Мессидек дахонинг даврида 5 та «олтин тўп»ни қўлга киритишга муваффақ бўлди. Бундан ташқари у «Реал Мадрид» учун қанчалар муҳим эканлигни ҳозир ҳамма билиб олди. Мана унинг асл кучи нимада!
Гарри Линикер
Агар мен Роналду ёки Месси ҳақида твит қолдирсам, бир зумда қарши томон мухлисларнинг босими остида қоламан. Агарда мен Месси ҳақида бирорта илқ сўз айтсам, дарров Роналду мухлислари менга ўз фикрларини уқтиришга тушиб кетади. Балки, Месси ҳақида кўпроқ гапиришимни ўзим сезмаган бўлсам керак. Сиз уларни иккисни мен каби бир ҳил ёқтиришингиз мумкин. Шундай бўлсада, улар тамомила бошқача футболчилар. Роналду атлет. У ўзидаги барча яхши ҳислатларни сиқиб сувини майдонга сочади. Бундан ташқари у мен кўрган футболчилар орасида бош билан ўйнаш ва голни сезиш борасида тенгсиз футболчи. Месси ажойиб пас берувчи ва футбол тарихидаги эн кучли дриблинг эгаси. Мен Роналдунинг ўйинларини кўрсам ҳайратланаман, Мессининг ҳаракатлар эса, менга қувонч бағишлайди. Мен учун уларнинг фарқи шундагина холос!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
