АҚШнинг Нью-Йорк шаҳрида «US Open» мусобақаси ўз ниҳоясига етди. Эркаклар ўртасидаги мусобақанинг финалига россиялик Даниил Медведев (5) ва испаниялик Рафаэл Надаль (2) етиб келишди.
Биринчи сетда 23 ёшли теннисчи тажрибали ракетка устаси билан тенгма-тенг кураш олиб боришга ҳаракат қилди. Бўлим давомида иккала спортчи бир мартадан "брейк"ни амалга оширишди. Ҳисоб 6:5 пайтида эса Надаль яна бир "брейк"ни расмийлаштирди ва сетни ўз фойдасига ҳал қилди — 7:5.
Иккинчи сетда эса Надаль битта "брейк" билан олдинга чиқиб олди ва бўлим охирига қадар уни бой бермади — 6:3. Сетлар бўйича — 2:0.
Учинчи сет бошида Рафа "брейк"ни амалга ошириб, ҳисобда олдинга ўтиб олди. Аммо Медведев ўша заҳоти қайта "брейк"га эришди ва мувозанатни тиклади. Сет сўнгида ҳисоб 6:5 бўлиб турган пайтда испаниялик ракетка устаси тўпни ўйинга киритди. Даниил жуда яхши ўйин намойиш қилиб, геймни 0:40 кўринишига келтирди. Надаль битта брейк-поинтни бартараф этдию, аммо Медведев имкониятни қўлдан чиқармай, сетни ўз фойдасига ҳал қилди — 7:5. Сетлар бўйича — 2:1.
Тўртинчи сет тенгма-кет курашлар остида кечди. Ўйинга тўла мослашиб олган рус теннисчиси тажовузкор ўйинни кучайтириб борди. Сетнинг энг сўнги геймида бу тактика ўз самарасини берди. Медведев сет сўнгида "брейк"га эришди ва бўлимни ўз фойдасига ҳал қилди — 6:4. Сетлар бўйича — 2:2.
Бешинчи сет драматизмга бой бўлди. Испаниялик теннисчи бўлим давомида кетма-кет иккита "брейк"ни амалга оширди ва ҳисобни 5:2 кўринишга келтирди. Надаль тўпни ўйинга киритган пайтда барчаси ҳал бўладигандек эди. Аммо Медведев ҳолдан тойганига қарамай, матч-поинтни бартараф этиб, "брейк"га эришди. Медведевнинг тўп узатишида Рафа яна бир марта матчболга эга бўлди. Аммо Даниил яна бир марта вазиятдан чиқиб кетди ва ҳисобни 5:4га етказди. Сетнинг 10-геймида Медведев "брейк" қилишига оз қолди: у "брейк-поинт"дан фойдалана олмади. Аммо испаниялик теннисчи бу геймни ўз фойдасига ҳал қилди. Гейм, сет, матч! 3:2.
Шу тариқа, Рафа Надаль фаолияти давомида тўртинчи «US Open»ни, "катта дубулға" туркумидаги 19-совринни қўлга киритди. Рожер Федерерниг рекордини такрорлаш учун унга битта "дубулға" керак.
Надаль ушбу турнирда 3 850 000 доллар ишлаган бўлса, Медведев ўз ғазнасини 1 900 000 долларга бойитиб олди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
