Гвардиола ўз фаолияти давомида бир кўплаб футболчиларни ўйин фалсафасига мос бўлмагани учунгина сотиб юборгани ҳеч кимга сир эмас. Хўш испаниялик мутахассис уларни сотиб юбориб тўғри қилдими? Ўша футболчиларнинг келажаглари қандай кўриниш олди? Бугун Гвардиола ишонмаган ҳужумчилар ҳақида сўз боради.
Эйдур Гудёнсон
Гвардиола жамоа постига келганида, Эйдур аллақачон, қанот ҳужумчисига айланиб улгурган ва клуб фалсафасига бироз тушуниб қолган эди. Гвардиола аввалига футболчини заҳирага михлаган бўлса, кейинг мавсумда уни «Монако»га 2 миллион евро эвазига сотиб юборади. Шундай бўлсада, исландиялик футболчи Гвардиола қўл остида 1 мавсум тўп суришга ва ЕЧЛ чемпиони бўлишга муваффақ бўлади. Афсуски, «Монако»да унинг ишлари юришмайди ва футболчи Ангилияга йўл олади. Католониядан кетгач нақд 11(«Болтон», «Тоттенҳем», «Брюгге»…) бор клуб алмаштирган қаҳрамонимиз Греция ва Ҳиндистонда ҳам тўп суришга улгурарди.
Златан Ибраҳимович
Ибранинг Католонияга кўчиб ўтиши учун шахсан Гвардиоланинг ўзи ҳаракат қилган бўлсада, бу клуб тарихидаги энг ачинарли трансферга айланганидан хабарингиз бор. Дарҳақиқат, Златан супер иқтидор эгаси бўлсада, Гвардиоланинг ўйин фалсафасига тушуна олмади. Унинг «Барселона» сафида ўтказган ягона мавсумини омадсиз дейиш ғалати. 22 та гол ва 10 та ассистга эришган қаҳрамонимиз Испания чемпиони ва кубоги соҳиби бўлишга муваффақ бўлгани таҳсинга сазовор. Минг афсуски, Ибра ва Пеп ўзаро келишиб ишлашни истамашмади ва ўртада низо пайдо бўлди. «сариқ пресса» эса, буни бўртириб кўрсата бошлади. ОчиғИ Ибранинг узун тиллари ҳам вазиятни янада чигаллашгач, шахсан Пеп футболчининг сотиб юборилишини талаб қилди.
Ўз фаолиятини Италиянинг «Милан» жамоасида давом эттирган қаҳрамонимиз ўз ўйинини кўрсатишда давом этаверди. Кейинчалик ПСЖ клубида узоқ муддат ишончли тўп сурган Ибранин Европдаги сўнгги клуби «Манчестер Юнайтед» бўлди. Ёши катта бўлсада, Златан АПЛда ўзини йўқотиб қўйгани йўқ. Кейинчалик футбол афсонаси сифатида МЛСни бўйсундириш учун оcэан ортига кетди.
Марио Манджукич
Хорватиялик футблолчининг кариераси «Бавария» билан требл қайд этган йилли ўзининг энг юқори чўққисига чиққан эди. Айнан ўша мавсумдан сўнг, клубга таклиф этилган Пеп Гвардиола қўл остида футболчи аввалига унинг талабларига жавоб беришга урунди бироқ, барибир уни мураббийнинг кўрсатмаси бўйича «Атлетико Мадрид»га сотиб юборишди.
Марио Испанияда ўзини йўқотиб қўймади. Диего Симионе қўл остида янги даражага кўтарилган футболчи клуби учун керакли фигурага айланган бўлсада, уни бир мавсумдан ортиқ жамоада ушлаб қолишнинг иложи топилмади. Гап шундаки, Карлос Тевезнинг ўрнини тўлдириш мақсадида «Ювентус» Манджукични сотиб олади. Айнан Туринда футболчи ўз клубини топгандек кўринмоқда. Тўғри, у аввалгидек голлар урмаяпти, бироқ майдонда жуда фойдали ҳаракат қилишга кўникди. Баъзан уни қанот ҳужумида ҳам кориб қолсангиз ҳайрон бўлманг. У Аллегри қўл остида чинакам универсал ҳужумчига айланшига муваффақ бўлди. Бундан ташқари 10 дан ортиқ совринлар ютишга ҳам улгурди.
Келечи Ихеаначо
Ўсмирлар ўртасидаги Жаҳон чемпионатидаги ғолибликдан сўнг, нигериялик футболчининг атрофида бирданига гранд клублари айлана бошлади. Келечи эса, улар орасидан муолиявий қулайини танлади ва Манчестер шахрига кўчиб ўтди. 2015-йилда «Манчестер Сити»да ўз дебют учрашувини ўтказган қаҳрамонимиз кўпчиликда илқ таассурот қолдирган эди. Ўша мавсумда 14 бор рақиблари дарвозасини ишғол қилган Ихеаначо келажакда Агуэрони тўлиқ заҳирага ўтказиб қўйиши башорат қилинган бўлсада, барчаси ўзгача тус олди.
Гвардиоланинг клубга келиши унинг кариерасини тубдан ўзгартириб юборди десак, адашмаган бўламиз. Мураббий томонидан берилган кўрсатмаларни амалга ошира олмади. Орадан кўп ўтмай эса, Гвардиола Жезузни ҳарид қилди ва Ихеаначо тўлиқ Заҳира футболчисига айланиб қолди. Кейинчалик ўз фаолиятини «Лестер»да тиклашга урунган футболчи ҳеч нарсага эриша олмади. Ўз вақтида дунёдаги энг кучли ёш футболчилардан бири саналадиган футболчи ҳозирда ўз имкониятларини тўлиқ намойиш эта олмай унут бўлиб кетди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
