Шу кунларда Тошкент самбо бўйича ўсмирлар ва ёшлар ўртасидаги жаҳон чемпионатига мезбонлик қилмоқда. Шубҳасиз, бундай катта масштабдаги турнир халқаро федерация мутасаддиларини ҳам беэътибор қолдиргани йўқ. Мусобақани кузатиб бориш учун Халқаро самбо федерацияси раҳбари Василий Шестаков ҳам юртимизга ташриф буюрди. Бугун ушбу мартабали меҳмон бошчилигидаги делегация Миллий олимпия қўмитасига ташриф буюрди. Меҳмонларни Миллий олимпия қўмитаси раҳбари Рустам Шоабдураҳмонов кутиб олди.
Учрашув давомида Р.Шоабдураҳмонов юртимизда самбонинг ривожи ва унга бўлган қизиқиш ҳақида гапириб берди.
“Самбо тобора Ўзбекистондаги энг севимли спорт турларидан бирига айланиб бормоқда. Ўз ўрнида ёшларимиз қайд этаётган натижалари ҳам буни исботлаб турибди. Муҳтарам юртбошимиз бошчилигида оммавий спортни ривожлантириш йўлида катта ишлар олиб борилмоқда. Хусусан, самбо ҳам ўзига хос ҳарактерга бўлган спорт турларидандир. Ёшларимизнинг самбо билан шуғулланиши уларнинг ҳам жисмонан, ҳам руҳан тетик бўлиб вояга етишларида ас қотади. Биз самбони ривожлантириш йўлида миллий федерациямизнинг фаолиятини доимо қўллаб борамиз”, – деди Рустам Шоабдураҳмонов.
Ўз ўрнида Василий Шестаков ҳам илиқ қабул учун ташаккур айтиб, ўтказилаётган мусобақанинг юқори савияда ташкил этилганига тўхталиб ўтди.
“Гувоҳи бўлдимки, жаҳон чемпионати анча кўтаринки руҳда ўтказилмоқда ва ташкилий ишлар ҳам жуда юқори савияда йўлга қўйилган. Бундай бўлишига шубҳа қилмагандим ҳам. Самбо Халқаро Олимпия қўмитасининг спорт турлари оиласига қабул қилинган. Томас Бахнинг бу ҳақида қутловидан бошимиз кўкка етди. Яқин йиллар ичида самбони Олимпия ўйинлари дастурида ҳам кўришдан умидвормиз. Ўзбекистонда ўзига хос анъанага эга самбо мактаби бор. Спортчиларингиз жаҳон чемпионатларида доимо совриндорлар қаторида бўлишади. Ўйлайманки, шундай маҳоратли самбочиларга эга мамлакат билан йўлга қўйилган ҳамкорлик ушбу спорт турини янги чўққига олиб чиқиш йўлида муҳим ўрин тутади”, – деди Василий Шестаков.
Суҳбат давомида юртимизда самбо ривожани янги босқичга олиб чиқиш бўйича бир қатор истиқболли режалар, жумладан, Тошкентда самбо бўйича янада катта мусобақаларни ўтказиш, уни мактаб дарсликларига киритиш масалалари бўйича фикр алмашилди. Учрашув якунида мартабали меҳмонга Миллий олимпия қўмитасининг эсдалик совғалари тақдим этилди.
Шунингдек, делегация вакиллари МОҚ қошидаги Республикаси спорт тиббиёти илмий-амалий марказига ҳам ташриф буюриб, у ерда яратилган шароитлар билан яқиндан танишди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
