Shu kunlarda Toshkent sambo bo‘yicha o‘smirlar va yoshlar o‘rtasidagi jahon chempionatiga mezbonlik qilmoqda. Shubhasiz, bunday katta masshtabdagi turnir xalqaro federasiya mutasaddilarini ham bee’tibor qoldirgani yo‘q. Musobaqani kuzatib borish uchun Xalqaro sambo federasiyasi rahbari Vasiliy Shestakov ham yurtimizga tashrif buyurdi. Bugun ushbu martabali mehmon boshchiligidagi delegasiya Milliy olimpiya qo‘mitasiga tashrif buyurdi. Mehmonlarni Milliy olimpiya qo‘mitasi rahbari Rustam Shoabdurahmonov kutib oldi.
Uchrashuv davomida R.SHoabdurahmonov yurtimizda samboning rivoji va unga bo‘lgan qiziqish haqida gapirib berdi.
“Sambo tobora O‘zbekistondagi eng sevimli sport turlaridan biriga aylanib bormoqda. O‘z o‘rnida yoshlarimiz qayd etayotgan natijalari ham buni isbotlab turibdi. Muhtaram yurtboshimiz boshchiligida ommaviy sportni rivojlantirish yo‘lida katta ishlar olib borilmoqda. Xususan, sambo ham o‘ziga xos harakterga bo‘lgan sport turlaridandir. Yoshlarimizning sambo bilan shug‘ullanishi ularning ham jismonan, ham ruhan tetik bo‘lib voyaga yetishlarida as qotadi. Biz samboni rivojlantirish yo‘lida milliy federasiyamizning faoliyatini doimo qo‘llab boramiz”, – dedi Rustam Shoabdurahmonov.
O‘z o‘rnida Vasiliy Shestakov ham iliq qabul uchun tashakkur aytib, o‘tkazilayotgan musobaqaning yuqori saviyada tashkil etilganiga to‘xtalib o‘tdi.
“Guvohi bo‘ldimki, jahon chempionati ancha ko‘tarinki ruhda o‘tkazilmoqda va tashkiliy ishlar ham juda yuqori saviyada yo‘lga qo‘yilgan. Bunday bo‘lishiga shubha qilmagandim ham. Sambo Xalqaro Olimpiya qo‘mitasining sport turlari oilasiga qabul qilingan. Tomas Baxning bu haqida qutlovidan boshimiz ko‘kka yetdi. Yaqin yillar ichida samboni Olimpiya o‘yinlari dasturida ham ko‘rishdan umidvormiz. O‘zbekistonda o‘ziga xos an’anaga ega sambo maktabi bor. Sportchilaringiz jahon chempionatlarida doimo sovrindorlar qatorida bo‘lishadi. O‘ylaymanki, shunday mahoratli sambochilarga ega mamlakat bilan yo‘lga qo‘yilgan hamkorlik ushbu sport turini yangi cho‘qqiga olib chiqish yo‘lida muhim o‘rin tutadi”, – dedi Vasiliy Shestakov.
Suhbat davomida yurtimizda sambo rivojani yangi bosqichga olib chiqish bo‘yicha bir qator istiqbolli rejalar, jumladan, Toshkentda sambo bo‘yicha yanada katta musobaqalarni o‘tkazish, uni maktab darsliklariga kiritish masalalari bo‘yicha fikr almashildi. Uchrashuv yakunida martabali mehmonga Milliy olimpiya qo‘mitasining esdalik sovg‘alari taqdim etildi.
Shuningdek, delegasiya vakillari MOQ qoshidagi Respublikasi sport tibbiyoti ilmiy-amaliy markaziga ham tashrif buyurib, u yerda yaratilgan sharoitlar bilan yaqindan tanishdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
